5 ತಿಂಗಳ ಬಳಿಕ T20I ತಂಡಕ್ಕೆ ಮರಳಿದರೂ, ಕಳಪೆ ಫಾರ್ಮ್​ನಿಂದ ಹೊರಬರದ ಕೊಹ್ಲಿ

ವಿರಾಟ್​ ಕೊಹ್ಲಿ ಕಳಪೆ ಬ್ಯಾಟಿಂಗ್ ಪ್ರದರ್ಶನ ಮುಂದುವರೆದಿದೆ. ಇಂಗ್ಲೆಂಡ್ ವಿರುದ್ಧ ನಡೆದ ಎರಡನೇ ಟಿ-20 ಪಂದ್ಯದಲ್ಲಿ ಕೇವಲ 1ರನ್​ಗಳಿಸಿ ಔಟಾಗಿದ್ದಾರೆ.

ಬರ್ಮಿಂಗ್​ಹ್ಯಾಮ್​: ಕಳೆದ ಎರಡೂವರೆ ವರ್ಷಗಳಿಂದ ಬ್ಯಾಟಿಂಗ್ ವೈಫಲ್ಯ ಅನುಭವಿಸುತ್ತಿರುವ ವಿರಾಟ್​ ಕೊಹ್ಲಿ ಬರೋಬ್ಬರಿ 5 ತಿಂಗಳ ಬಳಿಕ ಟಿ-20 ಕ್ರಿಕೆಟ್ ತಂಡಕ್ಕೆ ಮರಳಿದ್ದು, ಅವರ ಬ್ಯಾಟಿಂಗ್ ಪ್ರದರ್ಶನದಲ್ಲಿ ಯಾವುದೇ ರೀತಿಯ ಬದಲಾವಣೆ ಕಂಡು ಬಂದಿಲ್ಲ. ಇಂಗ್ಲೆಂಡ್ ವಿರುದ್ಧ ನಡೆದ ಎರಡನೇ ಟಿ-20 ಪಂದ್ಯದಲ್ಲಿ ಕೇವಲ 1ರನ್​ಗಳಿಕೆ ಮಾಡಿ ವಿಕೆಟ್ ಒಪ್ಪಿಸಿದ್ದಾರೆ. ನಾಯಕ ರೋಹಿತ್ ಶರ್ಮಾ 31 ರನ್​​ಗಳಿಕೆ ಮಾಡಿ ಔಟಾಗುತ್ತಿದ್ದಂತೆ ಮೈದಾನಕ್ಕೆ ಬಂದ ವಿರಾಟ್ ಕೊಹ್ಲಿ ತಾವು ಎದುರಿಸಿದ 3ನೇ ಎಸೆತದಲ್ಲಿ 34 ವರ್ಷದ ರಿಚರ್ಡ್​​ಗೆ ವಿಕೆಟ್ ಒಪ್ಪಿಸಿದ್ದಾರೆ.

• That's outrageous, @dmalan29! 👏
  
  Kohli departs...
  
  Scorecard/clips: https://t.co/aZbATuE7p7
  
  🏴󠁧󠁢󠁥󠁮󠁧󠁿 #ENGvIND 🇮🇳 pic.twitter.com/XPVQfyKLhH

  — England Cricket (@englandcricket) July 9, 2022 " class="align-text-top noRightClick twitterSection" data="

  That's outrageous, @dmalan29! 👏
  
  Kohli departs...
  
  Scorecard/clips: https://t.co/aZbATuE7p7
  
  🏴󠁧󠁢󠁥󠁮󠁧󠁿 #ENGvIND 🇮🇳 pic.twitter.com/XPVQfyKLhH

  — England Cricket (@englandcricket) July 9, 2022

  ">

  That's outrageous, @dmalan29! 👏
  
  Kohli departs...
  
  Scorecard/clips: https://t.co/aZbATuE7p7
  
  🏴󠁧󠁢󠁥󠁮󠁧󠁿 #ENGvIND 🇮🇳 pic.twitter.com/XPVQfyKLhH

  — England Cricket (@englandcricket) July 9, 2022

ಮೊದಲ ಟಿ-20 ಪಂದ್ಯದಿಂದ ವಿಶ್ರಾಂತಿ ಪಡೆದುಕೊಂಡಿದ್ದ ವಿರಾಟ್​ ಕೊಹ್ಲಿ, ಎರಡನೇ ಪಂದ್ಯದಲ್ಲಿ ಕಣಕ್ಕಿಳಿದಿದ್ದರು. ಮೊದಲ ಪಂದ್ಯದಲ್ಲಿ ಮಿಂಚಿದ್ದ ದೀಪಕ್ ಹೂಡಾ ಅವರನ್ನ ಹೊರಗಿಟ್ಟು ಅನುಭವಿ ವಿರಾಟ್​ಗೆ ಕಣಕ್ಕಿಳಿಸಲಾಗಿತ್ತು. ಈ ಪಂದ್ಯದಲ್ಲಿ ಅವರ ಬ್ಯಾಟ್​ನಿಂದ ಹೇಳಿಕೊಳ್ಳುವಂತಹ ಪ್ರದರ್ಶನ ಏನು ಮೂಡಿ ಬಂದಿಲ್ಲ. ಹೀಗಾಗಿ, ಮತ್ತೊಮ್ಮೆ ನೆಟ್ಟಿಗರ ಆಕ್ರೋಶಕ್ಕೆ ಕಾರಣವಾಗಿದ್ದಾರೆ.

ಮುಂಬರುವ ಟಿ-20 ವಿಶ್ವಕಪ್​ಗೆ ಬಲಿಷ್ಠ ಪ್ಲೇಯಿಂಗ್ XI ತಂಡ ಕಟ್ಟುವ ಇರಾದೆ ಹೊಂದಿರುವ ಟೀಂ ಇಂಡಿಯಾಗೆ ವಿರಾಟ್​ ಕೊಹ್ಲಿ ಫಾರ್ಮ್ ಹೆಚ್ಚಿನ ತಲೆನೋವಾಗಿದೆ. ಇವರನ್ನ ತಂಡದಿಂದ ಹೊರಗಿಟ್ಟು, ಯುವ ಪ್ಲೇಯರ್ಸ್​ಗೆ ಚಾನ್ಸ್ ನೀಡಬೇಕಾ ಅಥವಾ ಇವರನ್ನೇ ತಂಡದಲ್ಲಿ ಮುಂದುವರೆಸಬೇಕಾ ಎಂಬ ಗೊಂದಲದಲ್ಲಿ ಆಯ್ಕೆ ಸಮಿತಿ ಇದೆ.

ವಿರಾಟ್​ ಕೈಯಲ್ಲಿ ಕೇವಲ 4 ಪಂದ್ಯ: ಎರಡನೇ ಟಿ-20 ಪಂದ್ಯದಲ್ಲಿ ಫೇಲ್ ಆಗಿರುವ ವಿರಾಟ್​ ಕೈಯಲ್ಲಿ ಇದೀಗ ಒಂದು ಏಕದಿನ ಹಾಗೂ ಮೂರು ಏಕದಿನ ಪಂದ್ಯಗಳು ಮಾತ್ರ ಉಳಿದಿವೆ. ಇಲ್ಲಿ ಉತ್ತಮವಾದ ಪ್ರದರ್ಶನ ನೀಡದೇ ಹೋದರೆ ಅವರು ವಿಶ್ವಕಪ್​ ತಂಡದಲ್ಲಿ ಅವಕಾಶ ಪಡೆದುಕೊಳ್ಳುವ ಸಾಧ್ಯತೆ ಬಹಳ ವಿರಳ ಎನ್ನಲಾಗ್ತಿದೆ.

ಟೀಂ ಇಂಡಿಯಾದಲ್ಲಿ ಸೂರ್ಯಕುಮಾರ್, ಶ್ರೇಯಸ್ ಅಯ್ಯರ್, ದೀಪಕ್ ಹೂಡಾ, ಸಂಜು ಸ್ಯಾಮ್ಸನ್​, ಹಾರ್ದಿಕ್ ಪಾಂಡ್ಯ, ಇಶಾನ್ ಕಿಶನ್​ರಂತಹ ಪ್ಲೇಯರ್ ಇರುವ ಕಾರಣ, ಕೊಹ್ಲಿ ಸ್ಥಾನ ಉಳಿಸಿಕೊಳ್ಳುವುದು ತುಂಬಾ ಮಹತ್ವ ಪಡೆದುಕೊಂಡಿದೆ.

ಟ್ರೋಲ್​ಗೆ ಗುರಿಯಾದ ವಿರಾಟ್​: ಅತ್ಯುತ್ತಮ ಫಾರ್ಮ್​ನಲ್ಲಿದ್ದ ದೀಪಕ್ ಹೂಡಾಗೆ ಹೊರಗಿಟ್ಟು, ವಿರಾಟ್​ ಕೊಹ್ಲಿಗೆ ಚಾನ್ಸ್ ನೀಡುವ ಮೂಲಕ ತಂಡ ಕೈಸುಟ್ಟುಕೊಂಡಿದ್ದು, ಈ ವಿಷಯವನ್ನಿಟ್ಟುಕೊಂಡು ಅನೇಕರು ಕೊಹ್ಲಿಯನ್ನ ಟ್ರೋಲ್ ಮಾಡಿದ್ದಾರೆ.