ಕೋಲ್ಕತ್ತಾ : ವೆಸ್ಟ್ ಇಂಡೀಸ್ ವಿರುದ್ಧದ ಕೊನೆಯ ಟಿ-20 ಪಂದ್ಯದ ವೇಳೆ ಹ್ಯಾಮ್ಸ್ಟ್ರಿಂಗ್ಗೆ ಒಳಗಾಗಿ ಮೈದಾನ ತೊರೆದಿದ್ದ ವೇಗಿ ದೀಪಕ್ ಚಾಹರ್ ಮುಂಬರುವ ಶ್ರೀಲಂಕಾ ವಿರುದ್ಧದ ಟಿ20 ಸರಣಿಗೆ ಅಲಭ್ಯರಾಗುವ ಸಾಧ್ಯತೆಯಿದೆ ಎನ್ನಲಾಗುತ್ತಿದೆ.
ಪವರ್ ಪ್ಲೇ ನಲ್ಲೇ 2 ವಿಕೆಟ್ ಉರುಳಿಸಿದ್ದ ದೀಪಕ್ ಬೌಲಿಂಗ್ ಮಾಡಲು ಓಡುತ್ತಿದ್ದಾಗ ಸ್ನಾಯು ಸೆಳೆತಕ್ಕೆ ಒಳಗಾಗಿದ್ದರು. ಹಾಗಾಗಿ, ಗುರುವಾರದಿಂದ ಆರಂಭವಾಗಲಿರುವ ಸಿಂಹಳೀಯರ ವಿರುದ್ಧ 3 ಪಂದ್ಯಗಳ ಟಿ-20 ಸರಣಿಗೆ ಅನುಮಾನ ಎನ್ನಲಾಗುತ್ತಿದೆ. ಪಿಟಿಐ ವರದಿಯ ಪ್ರಕಾರ ದೀಪಕ್ ಚಹಾರ್ ಅವರ ಸ್ನಾಯು ಸೆಳೆತ ಯಾವ ಪ್ರಮಾಣದಲ್ಲಿದೆ ಎನ್ನುವುದನ್ನು ಬಿಸಿಸಿಐ ವೈದ್ಯಕೀಯ ತಂಡ ಕಂಡು ಹಿಡಿಯಲಾಗುತ್ತಿದೆ.
ಒಂದು ವೇಳೆ ಮಾಂಸಕಂಡದಲ್ಲಿ ಸೀಳು(tear) ಉಂಟಾಗಿದ್ದರೆ ದೀಪಕ್ ಮುಂದಿನ ಸರಣಿಗಷ್ಟೇ ಅಲ್ಲ, ಇಡೀ ಐಪಿಎಲ್ ಕೂಡ ತಪ್ಪಿಸಿಕೊಳ್ಳುವ ಸಾಧ್ಯತೆಯಿದೆ. ಹಾಲಿ ಚಾಂಪಿಯನ್ ಚೆನ್ನೈ ಸೂಪರ್ ಕಿಂಗ್ಸ್ ಚಾಹರ್ರನ್ನು ಬರೋಬ್ಬರಿ 14 ಕೋಟಿ ರೂ. ನೀಡಿ ಖರೀದಿಸಿದೆ. ಒಂದನೇ ವರ್ಗದ ಟಿಯರ್(ಬಿರುಕು) ಆಗಿದ್ದರೆ ಚೇತಿರಿಸಿಕೊಳ್ಳಲು ಮತ್ತು ಪುನಶ್ಚೇತನಕ್ಕೆ 6 ವಾರಗಳ ಸಮಯ ಬೇಕಾಗಿರುತ್ತದೆ.
ಇದನ್ನೂ ಓದಿ: ವೃದ್ಧಿಮಾನ್ ಸಹಾಗೆ ಪತ್ರಕರ್ತನಿಂದ ಬೆದರಿಕೆ, ಹೆಸರು ಬಹಿರಂಗಪಡಿಸುವಂತೆ ಬಿಸಿಸಿಐ ಸೂಚನೆ
