ಸಿಡ್ನಿ(ಆಸ್ಟ್ರೇಲಿಯಾ): ಶ್ರೀಲಂಕಾ ಸ್ಟಾರ್ ಬ್ಯಾಟರ್ ಧನುಷ್ಕಾ ಗುಣತಿಲಕ ಮಹಿಳೆಯ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿದಾಗ ಕುತ್ತಿಗೆ ಹಿಸುಕಿ ಉಸಿರುಗಟ್ಟಿಸಿದ್ದ, ಇದರಿಂದ ತಾನು ಮೆದುಳಿನ ತಪಾಸಣೆಗೆ ಒಳಗಾಗಬೇಕಾಗಿ ಬಂತು ಎಂದು ದೂರುದಾರೆ ಮಹಿಳೆ ಆರೋಪಿಸಿದ್ದಾಗಿ ವರದಿಯಾಗಿದೆ.
ಶ್ರೀಲಂಕಾದ ಆಟಗಾರನ ಜೊತೆಗೆ ತಾನು ಡೇಟಿಂಗ್ ಹೋದಾಗ ನನ್ನ ಮೇಲೆ 4 ಬಾರಿ ಲೈಂಗಿಕ ದೌರ್ಜನ್ಯ ಎಸಗಿದ್ದಾನೆ. ಈ ವೇಳೆ, ಆತ ನನ್ನ ಕತ್ತನ್ನು ಹಿಸುಕಿದ್ದ. ಉಸಿರುಗಟ್ಟಿಸುವ ಯತ್ನ ನಡೆಸಿದ್ದ. ಇದರಿಂದ ತಪ್ಪಿಸಿಕೊಳ್ಳಲು ನಾನು ಒದ್ದಾಡಿದೆ. ಕೈ ಹಿಡಿದು ಎಳೆದರೂ ಬಿಡದ ಆತ ಬಿಗಿಯಾಗಿ ಹಿಡಿದಿದ್ದ ಎಂಬುದಾಗಿ ಮಹಿಳೆ ಪೊಲೀಸರಿಗೆ ತಿಳಿಸಿದ್ದಾಳೆ.
ಆಟಗಾರನ ಈ ಕೃತ್ಯ ನನ್ನ ಪ್ರಾಣಕ್ಕೆ ಕುತ್ತು ತರುವ ಹಾಗಿತ್ತು. ಇದರಿಂದ ಮಹಿಳೆ ತೀವ್ರ ಆತಂಕಗೊಂಡಿದ್ದರು. ಇದನ್ನು ಗಮನಿಸಿದರೆ, ಮಹಿಳೆಗೆ ಇದರಲ್ಲಿ ಸಮ್ಮತಿ ಇರಲಿಲ್ಲ ಎಂಬುದು ತಿಳಿದು ಬರುತ್ತದೆ ಎಂದು ವರದಿ ಹೇಳಿದೆ. ಪ್ರಕರಣದ ಮುಂದಿನ ವಿಚಾರಣೆಯನ್ನು ನವೆಂಬರ್ 12ಕ್ಕೆ ನಿಗದಿಪಡಿಸಲಾಗಿದೆ.
ಈ ಮಧ್ಯೆ ಅತ್ಯಾಚಾರ ಆರೋಪ ಕೇಳಿಬಂದು ಜೈಲುಪಾಲಾಗಿರುವ ಗುಣತಿಲಕ ವಿರುದ್ಧ ಶ್ರೀಲಂಕಾ ಕ್ರಿಕೆಟ್ ಮಂಡಳಿ ನಿಷೇಧ ಹೇರಿದ್ದು, ಎಲ್ಲ ಮಾದರಿಯ ಕ್ರಿಕೆಟ್ನಿಂದ ಆಟಗಾರನನ್ನು ಅಮಾನತು ಮಾಡಲಾಗಿದೆ.
ಓದಿ: ಅತ್ಯಾಚಾರ ಆರೋಪ: ಕ್ರಿಕೆಟ್ನಿಂದ ಗುಣತಿಲಕಗೆ ಲಂಕಾ ಕ್ರಿಕೆಟ್ ಮಂಡಳಿ ನಿಷೇಧ