ಸೆಂಚುರಿಯನ್: ಇಂಗ್ಲೆಂಡ್ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದಲ್ಲಿ ಮೊದಲ ಇನ್ನಿಂಗ್ಸ್ನ ಮೊದಲ ಎಸೆತದಲ್ಲೇ ಔಟಾಗುವ ಮೂಲಕ ದಕ್ಷಿಣ ಆಫ್ರಿಕಾದ ಆರಂಭಿಕ ಬ್ಯಾಟ್ಸ್ಮನ್ ಡೀನ್ ಎಲ್ಗರ್ ಬೇಡದ ದಾಖಲೆಗೆ ತುತ್ತಾಗಿದ್ದಾರೆ.
ಗುರುವಾರದಿಂದ ಸೆಂಚುರಿಯನ್ಲ್ಲಿ ಆರಂಭವಾದ ಮೊದಲ ಟೆಸ್ಟ್ ಪಂದ್ಯದಲ್ಲಿ ಟಾಸ್ ಗೆದ್ದ ಇಂಗ್ಲೆಂಡ್ ಆತೀಥೇಯರನ್ನು ಬ್ಯಾಟಿಂಗ್ಗೆ ಆಹ್ವಾನಿಸಿತು. ಇದರಂತೆ ಡೀನ್ ಎಲ್ಗರ್ ಹಾಗೂ ಐಡೆನ್ ಮಾರ್ಕ್ರಮ್ ಆರಂಭಿಕರಾಗಿ ಬ್ಯಾಟಿಂಗ್ ಆಗಮಿಸಿದ್ದರು.
ಇಂಗ್ಲೆಂಡ್ ನಾಯಕ ವೇಗಿ ಜೇಮ್ಸ್ ಆ್ಯಂಡರ್ಸನ್ ಮೊದಲ ಓವರ್ ಎಸೆಯಲು ತಿಳಿಸಿದರು. ಆ್ಯಂಡರ್ಸನ್ ಬೌಲಿಂಗ್ ಮಾಡಿದ ಮೊದಲ ಓವರ್ನ ಮೊದಲ ಎಸೆತದಲ್ಲೇ ಎಲ್ಗರ್ ವಿಕೆಟ್ ಕೀಪರ್ಗೆ ಕ್ಯಾಚ್ ನೀಡಿ ಗೋಲ್ಡನ್ ಡಕ್ ಆದರು. ಈ ಮೂಲಕ ಈ ರೀತಿ ಟೆಸ್ಟ್ ಕ್ರಿಕೆಟ್ನಲ್ಲಿ ಔಟಾದ ದಕ್ಷಿಣ ಆಫ್ರಿಕಾದ 4 ನೇ ಬ್ಯಾಟ್ಸ್ಮನ್ ಹಾಗೂ ವಿಶ್ವದ 32 ನೇ ಬ್ಯಾಟ್ಸ್ಮನ್ ಎಂಬ ಕುಖ್ಯಾತಿ ಪಡೆದರು.
ಡೀನ್ ಎಲ್ಗರ್ಗಿಂತ ಮೊದಲು ಗ್ಯಾರಿ ಕಿರ್ಸ್ಟನ್, ಕರ್ಟ್ಲಿ ಆಂಬ್ರೋಸ್, ಜಿಮ್ಮಿ ಕುಕ್ ಹಾಗೂ ಎಡ್ಡಿ ಬಾರ್ಲೊ ದಕ್ಷಿಣ ಆಫ್ರಿಕಾ ತಂಡದ ಪರ ಮೊದಲ ಎಸೆತದಲ್ಲಿ ವಿಕೆಟ್ ಒಪ್ಪಿಸಿದ್ದರು.
