BAN vs AFG: 90 ವರ್ಷಗಳ ನಂತರ ಟೆಸ್ಟ್​ನಲ್ಲಿ ದಾಖಲೆಯ ರನ್​ ಗೆಲುವು ಬರೆದ ಬಾಂಗ್ಲಾ: ಏಕೈಕ ಟೆಸ್ಟ್​ನಲ್ಲಿ ಅಫ್ಘಾನಿಸ್ತಾನಕ್ಕೆ ಹೀನಾಯ ಸೋಲು

90 ವರ್ಷಗಳ ನಂತರ ಟೆಸ್ಟ್​ ಕ್ರಿಕೆಟ್​ ಇತಿಹಾಸದಲ್ಲಿ ಬೃಹತ್​ ಅಂತರದ ಗೆಲುವು ದಾಖಲಾಗಿದೆ. 1934 ರ ನಂತರ 500 ಕ್ಕೂ ಹೆಚ್ಚು ರನ್​ ಅಂತರದ ಗೆಲುವನ್ನು ದಾಖಲಾಗಿದೆ. ಅಫ್ಘಾನಿಸ್ತಾನದ ವಿರುದ್ಧದ ಏಕೈಕ ಟೆಸ್ಟ್​ನಲ್ಲಿ ಬಾಂಗ್ಲಾದೇಶ 546 ರನ್​ ಗೆಲುವು ಬರೆದಿದೆ.

ಡಾಕಾ (ಬಾಂಗ್ಲಾದೇಶ): ಅಫ್ಘಾನಿಸ್ತಾನ ವಿರುದ್ಧದ ಏಕೈಕ ಟೆಸ್ಟ್ ಪಂದ್ಯದಲ್ಲಿ ಬಾಂಗ್ಲಾದೇಶ 546 ರನ್‌ಗಳ ಬೃಹತ್ ಮೊತ್ತದ ಗೆಲುವನ್ನು ದಾಖಲಿಸಿ 21 ನೇ ಶತಮಾನ ಕ್ರಿಕೆಟ್​ನ ದೊಡ್ಡ ಗೆಲುವನ್ನು ಬರೆದಿದೆ. ಟೆಸ್ಟ್​ ಕ್ರಿಕೆಟ್​​ ಇತಿಹಾಸದಲ್ಲಿ ಮೂರನೇ ದೊಡ್ಡ ಅಂತರದ ಗೆಲುವು ಇದಾಗಿದೆ. ಇದಕ್ಕೂ ಮುನ್ನ ಟೆಸ್ಟ್​ನಲ್ಲಿ ಎರಡು ಬೃಹತ್​ ಗೆಲುವುಗಳು ದಾಖಲಾಗಿದ್ದವು. ಇಂಗ್ಲೆಂಡ್ 1928 ರಲ್ಲಿ ಆಸ್ಟ್ರೇಲಿಯಾವನ್ನು 675 ರನ್‌ಗಳಿಂದ ಸೋಲಿಸಿತ್ತು. ಆಸ್ಟ್ರೇಲಿಯಾ ಆರು ವರ್ಷಗಳ ಅಂದರೆ 1934ರಲ್ಲಿ ಇಂಗ್ಲೆಂಡ್​ನ್ನು 562 ರನ್‌ಗಳಿಂದ ಸೋಲಿಸಿತ್ತು. ಬಾಂಗ್ಲಾದೇಶ ಮೂರನೇ ಬೃಹತ್​ ಗೆಲುವು ದಾಖಲಿಸಿದೆ.

90 ವರ್ಷಗಳ ನಂತರ ಟೆಸ್ಟ್​ನಲ್ಲಿ 500ಕ್ಕೂ ಹೆಚ್ಚು ರನ್​ ಅಂತರದ ಗೆಲುವು: 1934 ರಲ್ಲಿ ಇಂಗ್ಲೆಂಡ್​ ವಿರುದ್ಧ ಆಸ್ಟ್ರೇಲಿಯಾ ಆರು ವರ್ಷಗಳ ಹಿಂದಿನ ಸೇಡಿನ ಗೆಲುವನ್ನು ದಾಖಲಿಸಿತ್ತು. ಇದಾದ ನಂತರ ಟೆಸ್ಟ್​ನಲ್ಲಿ ಇಷ್ಟು ಬೃಹತ್​ ಮೊತ್ತದ ಗೆಲುವು ದಾಖಲಾಗಿರಲಿಲ್ಲ. ಅಫ್ಘಾನಿಸ್ತಾನ ವಿರುದ್ಧದ ಬಾಂಗ್ಲಾದೇಶ ಆಡಿದ ಏಕೈಕ ಟೆಸ್ಟ್​ನಲ್ಲಿ ಈ ದಾಖಲೆ ನಿರ್ಮಾಣವಾಗಿದೆ.

• As comprehensive as it gets 💪
  
  Bangladesh were dominant in their one-off Test against Afghanistan! #BANvAFG | Details 👇 https://t.co/JYWnuAUbvS

  — ICC (@ICC) June 17, 2023 " class="align-text-top noRightClick twitterSection" data="

  As comprehensive as it gets 💪
  
  Bangladesh were dominant in their one-off Test against Afghanistan! #BANvAFG | Details 👇 https://t.co/JYWnuAUbvS

  — ICC (@ICC) June 17, 2023

  ">

  As comprehensive as it gets 💪
  
  Bangladesh were dominant in their one-off Test against Afghanistan! #BANvAFG | Details 👇 https://t.co/JYWnuAUbvS

  — ICC (@ICC) June 17, 2023

ಜೂನ್​ 14 ರಿಂದ ಜುಲೈ 16ರ ವರೆಗೆ ಒಂದು ಟೆಸ್ಟ್, ಮೂರು ಏಕದಿನ ಮತ್ತು ಎರಡು ಟಿ20 ಪಂದ್ಯಕ್ಕಾಗಿ ಅಫ್ಘಾನಿಸ್ತಾನ ಬಾಂಗ್ಲಾದೇಶದ ಪ್ರವಾಸದಲ್ಲಿದೆ. ಏಕೈಕ ಟೆಸ್ಟ್​ ಪಂದ್ಯದಲ್ಲಿ ಟಾಸ್​ ಗೆದ್ದ ಅಫ್ಘಾನಿಸ್ತಾನ ಬೌಲಿಂಗ್​ ಮಾಡುವ ನಿರ್ಣಯ ತೆಗೆದುಕೊಂಡಿತ್ತು. ಮೊದಲ ಇನ್ನಿಂಗ್ಸ್​ನಲ್ಲಿ ಬಾಂಗ್ಲಾದ ನಜ್ಮುಲ್ ಹೊಸೈನ್ ಶಾಂಟೊ (146) ಶತಕ ಮತ್ತು ಮಹಮ್ಮದುಲ್ ಹಸನ್ ಜಾಯ್ (76) ಅವರ ಅರ್ಧಶತಕದ ನೆರವಿನಿಂದ 382 ರನ್​ ಬೃಹತ್​ ಇನ್ನಿಂಗ್ಸ್​ ಆಡಿತ್ತು.ಇದೇ ಅಫ್ಘಾನಿಸ್ತಾನಕ್ಕೆ ಹೊರೆಯಾಗಿತ್ತು ಎಂದು ಹೇಳಬುದು. 7 ಜನ ಬೌಲರ್​ಗಳ ಪ್ರಯತ್ನ ಪಟ್ಟರೂ ಅಫ್ಘಾನ್​ಗೆ ಬಾಂಗ್ಲಾವನ್ನು ಅಲ್ಪ ಮೊತ್ತಕ್ಕೆ ಕಟ್ಟಿಹಾಕಲು ಆಗಲಿಲ್ಲ.

ಎರಡನೇ ದಿನ ಮೊದಲ ಇನ್ನಿಂಗ್ಸ್​ ಆರಂಭಿಸಿದ ಅಫ್ಘಾನ್​ ಅಲ್ಪಮೊತ್ತಕ್ಕೆ ಕುಸಿಯಿತು. ಎಬಾಡೋತ್ ಹೊಸೈನ್ ಅವರ ದಾಳಿಗೆ ಅಫ್ಘಾನ್​ ಕುಸಿಯಿತು. ಕೇವಲ 39 ಓವರ್​ಗಳನ್ನು ಆಡಿದ ಅಫ್ಘಾನಿಸ್ತಾನದ ಆಟಗಾರರು 146 ರನ್​ ಗಳಿಸಲಷ್ಟೇ ಶಕ್ತರಾದರು. ಇದರಿಂದ 236 ರನ್ ಮುನ್ನಡೆಯನ್ನು ಬಾಂಗ್ಲಾ ಪಡೆಯಿತು. ಆದರೆ ಫಾಲೋ ಆನ್​ ಕೊಡಲು ತಂಡ ಮುಂದಾಗಲಿಲ್ಲ. ಎರಡನೇ ಇನ್ನಿಂಗ್ಸ್​ ಆಡಲು ಬಾಂಗ್ಲಾ ಅಣಿಯಾಯಿತು.

ಎರಡನೇ ಇನ್ನಿಂಗ್ಸ್​ನಲ್ಲಿ ಮತ್ತೆ ನಜ್ಮುಲ್ ಹೊಸೈನ್ ಶಾಂಟೊ (124) ಶತಕ ಗಳಿಸಿದರು. ಅವರ ಜೊತೆಗೆ ಮೊಮಿನುಲ್ ಹಕ್ 121 ರನ್ ಗಳಿಸಿದರು. ಇದರಿಂದ ನಾಲ್ಕನೇ ದಿನಕ್ಕೆ 425 ರನ್​ ಗಳಿಸಿತ್ತು. ಇದರಿಂದ 661 ರನ್​ನ ಮುನ್ನಡೆ ಪಡೆದುಕೊಂಡಿತು. ಬೃಹತ್​ ಮುನ್ನಡೆಯ ನಂತರ ಬಾಂಗ್ಲಾದೇಶದ ಡಿಕ್ಲೇರ್​ ಘೋಷಣೆ ಮಾಡಿತು. ಇದರಿಂದ ಅಫ್ಘಾನ್​ ಗೆಲುವಿಗೆ 662 ರನ್​ನ ಅವಶ್ಯಕತೆ ಇತ್ತು.

ನಾಲ್ಕನೇ ದಿನದ ಕೊನೆಗೆಯಲ್ಲಿ ಬ್ಯಾಟಿಂಗ್​ ಆರಂಭಿಸಿದ ಅಫ್ಘಾನ್ ದಿನದಾಟದ ಅಂತ್ಯಕ್ಕೆ 45 ರನ್​ ಗಳಿಸಿ 2 ವಿಕೆಟ್​ ಕಳೆದುಕೊಂಡಿತ್ತು. ಐದನೇ ದಿನದ ಆಟ ಆರಂಭವಾಗುತ್ತಿದ್ದಂತೆ ಬಾಂಗ್ಲಾ ಬೌಲರ್​ಗಳು ಪಾರಮ್ಯ ಮೆರೆದರು. ತಸ್ಕಿನ್ ಅಹ್ಮದ್ 4 ವಿಕೆಟ್​ ಮತ್ತು ಶೋರಿಫುಲ್ ಇಸ್ಲಾಂ 3 ವಿಕೆಟ್​ ಪಡೆದು ಮಿಂಚಿದರು. ಇದರಿಂದ ಅಫ್ಘಾನಿಸ್ಥಾನ 115ಕ್ಕೆ ಸರ್ವ ಪತನ ಕಂಡಿತು. ಇದರಿಂದ ಬಾಂಗ್ಲಾದೇಶ ಅತಿ ಹೆಚ್ಚ ರನ್​ ಅಂತರದ ಗೆಲುವನ್ನು ದಾಖಲಿಸಿದೆ. ಟೆಸ್ಟ್​ ಇತಿಹಾಸಲ್ಲಿ ಇದು ಮೂರನೇ ಬೃಹತ್​ ಅಂತರದ ಗೆಲುವಾಗಿದೆ.

ಸಂಕ್ಷಿಪ್ತ ಸ್ಕೋರ್​: ಬಾಂಗ್ಲಾದೇಶ 382 (ಶಾಂಟೊ 146, ಝಾಕಿರ್ 76; ಮಸೂದ್ 5-79) ಮತ್ತು 425/4 ಡೆಕ್ಲ್ (ಶಾಂಟೊ 124, ಮೊಮಿನುಲ್ 121*, ಝಾಕಿರ್ 71) ಅಫ್ಘಾನಿಸ್ತಾನ 146 (ಜಜೈ 36, ಜಮಾಲ್ 345; ಇಬಾಡೋಟ್ 31; ಇಬಾಡೋಟ್) ಮತ್ತು 457 (ರಹಮತ್ 30, ತಸ್ಕಿನ್ 4-37, ಶೋರಿಫುಲ್ 3-28) ಬಾಂಗ್ಲಾಕ್ಕೆ 546 ರನ್‌ ಗೆಲುವು

ಇದನ್ನೂ ಓದಿ: Rohit Sharma: ವೆಸ್ಟ್ ಇಂಡೀಸ್ ಪ್ರವಾಸಕ್ಕೆ ರೋಹಿತ್ ಶರ್ಮಾಗೆ ಕೊಕ್​ ಸಂಭವ: ರಹಾನೆಗೆ ಕ್ಯಾಪ್ಟನ್‌ ಹೊಣೆ?