ಹೈದರಾಬಾದ್: ತೆಲುಗು ನಟ ಪವನ್ ಕಲ್ಯಾಣ್ ಅವರ ಮಾಜಿ ಪತ್ನಿ ರೇಣು ದೇಸಾಯಿ ಹಾಗೂ ಪುತ್ರ ಅಕಿರ್ ನಂದನ್ಗೆ ಸೋಂಕು ದೃಢಗೊಂಡಿದೆ.
ಇದಕ್ಕೆ ಸಂಬಂಧಿಸಿದಂತೆ ಖುದ್ದಾಗಿ ಇನ್ಸ್ಟಾಗ್ರಾಂ ಮೂಲಕ ಮಾಹಿತಿ ಹಂಚಿಕೊಂಡಿರುವ ರೇಣು ದೇಸಾಯಿ, ನನಗೆ ಮತ್ತು ನನ್ನ ಮಗ ಅಕಿರ್ನಿಗೆ ಸೋಂಕು ತಗುಲಿರುವುದು ದೃಢಪಟ್ಟಿದೆ. ಸದ್ಯ ಹೋಂ ಐಸೋಲೇಷನ್ಗೊಳಗಾಗಿದ್ದು, ಚೇತರಿಸಿಕೊಳ್ಳುತ್ತಿದ್ದೇವೆ. ಎಲ್ಲರೂ ಕೊರೊನಾ ಬಗ್ಗೆ ಎಚ್ಚರದಿಂದ ಇರುವಂತೆ ಮನವಿ ಮಾಡಿರುವ ಅವರು, ಕಡ್ಡಾಯವಾಗಿ ಮಾಸ್ಕ್ ಬಳಕೆ ಮಾಡುವಂತೆ ಮನವಿ ಮಾಡಿದ್ದಾರೆ.
ಇದನ್ನೂ ಓದಿ: ಯುಪಿಯಲ್ಲಿ ಪಕ್ಷ ತೊರೆದ ಓರ್ವ ಸಚಿವ, ಮೂವರು ಬಿಜೆಪಿ ಶಾಸಕರು: ಶರದ್ ಪವಾರ್‌ ಹೇಳಿದ್ದೇನು ಗೊತ್ತೇ?
ಕಳೆದ ವರ್ಷ ನಾನು ಕೋವಿಡ್ನ ಎರಡು ಡೋಸ್ ಪಡೆದುಕೊಂಡಿದ್ದು, ಇದೀಗ ಅಕಿರ್ನಿಗೆ ನೀಡಲಿದ್ದೇನೆ. ನೀವೂ ಕೂಡ ಕೋವಿಡ್ನ ಎರಡು ಡೋಸ್ ಪಡೆದುಕೊಳ್ಳಿ ಎಂದು ಮನವಿ ಮಾಡಿದ್ದಾರೆ.
ಕೋವಿಡ್ನ ಮೂರನೇ ಅಲೆ ಕಾಳ್ಗಿಚ್ಚಿನಂತೆ ಹರಡುತ್ತಿದ್ದು, ಕಳೆದ ಕೆಲ ದಿನಗಳಿಂದ ಅನೇಕ ಸೆಲೆಬ್ರಿಟಿಗಳಿಗೆ ಸೋಂಕು ದೃಢಪಟ್ಟಿದೆ. ಇಂದು ಬೆಳಗ್ಗೆ ಅಷ್ಟೇ ಖ್ಯಾತ ಗಾಯಕಿ ಲತಾ ಮಂಗೇಶ್ಕರ್ ಅವರಿಗೆ ಕೋವಿಡ್ ಸೋಂಕು ದೃಢಗೊಂಡಿದ್ದು, ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಕಳೆದ ಕೆಲ ದಿನಗಳ ಹಿಂದೆ ಟಾಲಿವುಡ್ನ ನಟ ಮಹೇಶ್ ಬಾಬು ಹಾಗೂ ನಟಿ ತ್ರಿಶಾಗೂ ಸೋಂಕು ದೃಢಗೊಂಡಿತ್ತು.
