ವಾಷಿಂಗ್ಟನ್ ಡಿಸಿ: ಅಮೆರಿಕದ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಎರಡನೇ ದೋಷಾರೋಪಣೆ ವಿಚಾರಣೆ ಮಂಗಳವಾರ ಸೆನೆಟ್ನಲ್ಲಿ ಆರಂಭವಾಯಿತು. ಸೆನೆಟ್ನ ಅಧ್ಯಕ್ಷ ಪ್ರೊ-ಟೆಂಪೋರ್ ಪ್ಯಾಟ್ರಿಕ್ ಲೀಹಿ ಅವರು ವಿಚಾರಣೆ ನಡೆಸಿದರು.
2020 ರ ಚುನಾವಣೆಯಲ್ಲಿ ಅಧ್ಯಕ್ಷ ಜೋ ಬೈಡನ್ ಅವರ ಗೆಲುವನ್ನು ಕಾಂಗ್ರೆಸ್ ಪರಿಶೀಲಿಸದಂತೆ ತಡೆಯಲು ಜನವರಿ 6 ರಂದು ಯುಎಸ್ ಕ್ಯಾಪಿಟಲ್ನಲ್ಲಿ ದಂಗೆ ಮಾಡಲು ಪ್ರಚೋದಿಸಿದ್ದಾರೆ ಎಂದು ಆರೋಪಿಸಿ ಸೋಮವಾರ ಹೌಸ್ ಆಫ್ ರೆಪ್ರೆಸೆಂಟೇಟಿವ್ಸ್ ಟ್ರಂಪ್ ವಿರುದ್ಧ ದೋಷಾರೋಪಣೆ ಪಟ್ಟಿಯನ್ನು ಸಲ್ಲಿಸಿತ್ತು.
ಓದಿ:ಟ್ರಂಪ್ ದೋಷಾರೋಪಣೆ ಪ್ರಕರಣ; ವಿಚಾರಣೆಗೆ ವೇದಿಕೆ ಸಿದ್ಧ ಆದರೆ ನಿಗದಿಯಾಗಿಲ್ಲ ಸಮಯ
ಈ ಸಂಬಂಧ ಫೆಬ್ರವರಿ 9 ರಂದು ದೋಷಾರೋಪಣೆ ವಿಚಾರಣೆಯ ವಾದಗಳು ನಡೆಯಲಿವೆ. ಸೆನೆಟರ್‌ಗಳ ಪ್ರಮಾಣವಚನ ಸ್ವೀಕರಿಸಿದ ನಂತರ, ಟ್ರಂಪ್ ದೋಷಾರೋಪಣೆ ವಿಚಾರಣೆಯನ್ನು ಅಸಾಂವಿಧಾನಿಕ ಎಂದು ಘೋಷಿಸುವ ರಿಪಬ್ಲಿಕನ್ ಸೆನೆಟರ್ ರಾಂಡ್ ಪಾಲ್ ಅವರ ಪ್ರಯತ್ನವನ್ನು ಸೆನೆಟ್ ತಿರಸ್ಕರಿಸಿತು. ಪಾಲ್ ಅವರ ಸಾಂವಿಧಾನಿಕ ಕ್ರಮವನ್ನು ತಡೆಯಲು ಸೆನೆಟ್ 55-45 ಮತ ಚಲಾಯಿಸಿತು.
ದೋಷಾರೋಪಣೆ ವಿಚಾರಣೆಯಲ್ಲಿ ಟ್ರಂಪ್ ಅವರನ್ನು ಖುಲಾಸೆಗೊಳಿಸಲಾಗುವುದು ಎಂದು ಮತ ಎಣಿಕೆ ತೋರಿಸುತ್ತದೆ ಎಂದು ಪಾಲ್ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
