'ದಿ ಸಿನಿಫೈಲ್ಸ್' ನಡೆಸಿದ ಹೊಸ ಸಮೀಕ್ಷೆಯು, ಹೆಚ್ಚಿನ ಸಂಖ್ಯೆಯ ಭಾರತೀಯ ಪ್ರೇಕ್ಷಕರು ಬಿಗ್ ಸ್ಕ್ರೀನ್ನಲ್ಲೇ ಸಿನಿಮಾಗಳನ್ನು ವೀಕ್ಷಿಸಲು ಬಯಸುತ್ತಾರೆ, ಥಿಯೇಟರ್ ಅನುಭವನ್ನು ಆನಂದಿಸುತ್ತಾರೆ ಎಂಬುದನ್ನು ಬಹಿರಂಗಪಡಿಸಿದೆ. ಶೇ. 74ರಷ್ಟು ಪ್ರೇಕ್ಷಕರು ಸಿನಿಮಾ ಬಿಡುಗಡೆಗೊಂಡ ಮೊದಲ ಮೂರು ದಿನಗಳಲ್ಲೇ ಬಿಗ್ಸ್ಕ್ರೀನ್ನಲ್ಲಿ ಸಿನಿಮಾ ವೀಕ್ಷಿಸುವ ಪ್ರಯತ್ನ ಮಾಡುತ್ತಾರೆ ಮತ್ತು ಥಿಯೇಟರ್ಗಳಲ್ಲಿ ತಮ್ಮ ಸಿನಿಮೀಯ ಅನುಭವನ್ನು ಆನಂದಿಸಲು ಪರ್ಫೆಕ್ಟ್ ಪ್ಲಾನ್ ಕೂಡ ಹಾಕುತ್ತಾರೆ ಎಂಬುದಾಗಿಯೂ ಅಧ್ಯಯನ ತಿಳಿಸಿದೆ.
ರಾಷ್ಟ್ರೀಯ ಸಿನಿಮಾ ದಿನದ (ಅಕ್ಟೋಬರ್ 13) ಮುನ್ನ ಈ ಅಧ್ಯಯನ ನಡೆದಿದೆ. ಶೇ. 98ರಷ್ಟು ಭಾರತೀಯರು ಪರ್ಫೆಕ್ಟ್ ಸಿನಿಮೀಯ ಅನುಭವ ಅಥವಾ ಮ್ಯಾಜಿಕ್ ಬಿಗ್ ಸ್ಕ್ರೀನ್ ಮೂಲಕ ಮಾತ್ರ ಸಾಧ್ಯ ಎಂದು ನಂಬುತ್ತಾರೆ ಎಂಬುದನ್ನು ಈ ವರದಿ ಬಹಿರಂಗಪಡಿಸಿದೆ.
ಅಧ್ಯಯನಕ್ಕೆ ಪ್ರತಿಕ್ರಿಯಿಸಿದವರ ಪೈಕಿ ಶೇ. 90ರಷ್ಟು ಜನರು, ಥಿಯೇಟರ್ಗಳಿಗೆ ಹೋಗಲು ಇಚ್ಛಿಸುತ್ತಾರೆ. ಔಟಿಂಗ್ ಎಂಬ ವಿಷಯ ಬಂದಾಗ ಶಾಪಿಂಗ್ ಸೇರಿದಂತೆ ಇತರ ಆಯ್ಕೆಗಳಿಗಿಂತ ಚಿತ್ರಮಂದಿರಕ್ಕೆ ಹೆಚ್ಚು ಪ್ರಾಶಸ್ತ್ಯ ಕೊಡುತ್ತಾರೆ. ಅದರಲ್ಲೂ ಯಂಗರ್ ಜನರೇಶನ್ ಪ್ರತೀ ವಾರ ಥಿಯೇಟರ್ಗೆ ಹೋಗುವ ಬಗ್ಗೆ ಆಲೋಚಿಸುತ್ತದೆ.
ಈ ವರದಿಯನ್ನು ಟಿಕೆಟ್ ಬುಕ್ ಮಾಡುವ ವೇದಿಕೆ ಬುಕ್ ಮೈ ಶೋ ಬಿಡುಗಡೆ ಮಾಡಿದೆ. ಭಾರತದಲ್ಲಿನ 650 ನಗರಗಳು ಮತ್ತು ಪಟ್ಟಣಗಳಲ್ಲಿ ಟಿಕೆಟ್ ಪ್ಲಾಟ್‌ಫಾರ್ಮ್‌ನಲ್ಲಿ ವಹಿವಾಟು ನಡೆಸುವ ಗ್ರಾಹಕರ ನೆಲೆಯಲ್ಲಿ ಸಮೀಕ್ಷೆ ನಡೆಸಲಾಗಿದೆ. ಸಮೀಕ್ಷೆಗೆ ಪ್ರತಿಕ್ರಿಯಿಸಿದವರ ಪೈಕಿ ಶೇ. 41ರಷ್ಟು ಮಂದಿ ಯಂಗರ್ ಜನರೇಶನ್. 59 ಪ್ರತಿಶತದಷ್ಟು ಜನರು ಯಂಗರ್ ಜನರೇಶನ್ ದಾಟಿದವರು.
ಪ್ರತಿಕ್ರಿಯಿಸಿದವರಲ್ಲಿ ಶೇ.74ರಷ್ಟು ಜನರು ಗುಣಮಟ್ಟದ ಆಡಿಯೋ - ವಿಡಿಯೋ ಅನುಭವಕ್ಕಾಗಿ ಚಿತ್ರಮಂದಿರದಲ್ಲೇ ಚಲನಚಿತ್ರವನ್ನು ವೀಕ್ಷಿಸಲು ಇಚ್ಚಿಸುತ್ತಾರೆ. ಸಮೀಕ್ಷೆಗೆ ಪ್ರತಿಕ್ರಿಯಿಸಿದವರ ಪೈಕಿ ಶೇ.40 ರಷ್ಟು ಜನರು ಯಾವಾಗಲೂ ಐಮ್ಯಾಕ್ಸ್, 4ಡಿಎಕ್ಸ್ ಸೇರಿದಂತೆ ಆಧುನಿಕ ಸ್ಕ್ರೀನ್ಗಳನ್ನು ಆರಿಸಿಕೊಳ್ಳುತ್ತಾರೆ. 92 ಪ್ರತಿಶತದಷ್ಟು ವೀಕ್ಷಕರು ಬ್ಲಾಕ್‌ಬಸ್ಟರ್ ಸಿನಿಮಾ, ದೃಶ್ಯ ಪರಿಣಾಮ, ಬಿಗ್ ಬಜೆಟ್ ಚಲನಚಿತ್ರಗಳು, ಆ್ಯಕ್ಷನ್ ಚಲನಚಿತ್ರಗಳು, ಸೈನ್ಸ್ ಫಿಕ್ಷನ್, ಫ್ಯಾಂಟಸಿ ಚಲನಚಿತ್ರಗಳು ಅಥವಾ ತ್ರಿಡಿ ಚಲನಚಿತ್ರಗಳಂತಹ ಕೆಲ ಅಂಶಗಳ ಆಧಾರದ ಮೇಲೆ ಬಿಗ್ ಸ್ಕ್ರೀನ್ ಆಯ್ಕೆ ಮಾಡಿಕೊಳ್ಳುತ್ತಾರೆ.
ಇದನ್ನೂ ಓದಿ: ಯಶ್ ಕುರಿತು ಟಾಲಿವುಡ್‌ ನಟ ರವಿತೇಜ ಹೇಳಿಕೆಗೆ ಅಭಿಮಾನಿಗಳ ಅಸಮಾಧಾನ
ಎಲ್ಲದಕ್ಕಿಂತ ಹೆಚ್ಚು ಥಿಯೇಟರ್ಗಳಿಗೆ ಹೋಗಲು ಗ್ರಾಯಕರು ಆಯ್ಕೆ ಮಾಡುವ ಪ್ರಮುಖ ನಿರ್ಣಾಯಕ ಅಂಶಗಳೆಂದರೆ - ಕಥಾಹಂದರ, ಪಾತ್ರವರ್ಗ, ನಿರ್ದೇಶಕರು, ವಿಮರ್ಶೆಗಳು, ರೇಟಿಂಗ್‌ಗಳು ಮತ್ತು ಅವರ ಮೇಲೆ ಟ್ರೇಲರ್‌ ಬೀರಿದ ಪ್ರಭಾವ.
ಇದನ್ನೂ ಓದಿ: ಸೌಂದರ್ಯದ ಪ್ರತಿರೂಪ ನಟಿ ತಮನ್ನಾ : ಸ್ಟೈಲಿಶ್ ಸೀರೆಯುಟ್ಟ ಹಾಲ್ಗೆನ್ನೆ ಚೆಲುವೆಯ ಬೆಡಗು ಭಿನ್ನಾಣ
