ಬಾಲಿವುಡ್ ಸೂಪರ್‌ ಸ್ಟಾರ್ ಶಾರುಖ್ ಖಾನ್ ಗುರುವಾರ ತಮ್ಮ 58ನೇ ಹುಟ್ಟುಹಬ್ಬ ಆಚರಿಸಿಕೊಂಡರು. 2023 ನಟನಿಗೆ ವಿಶೇಷವಾಗಿರುವ ಹಿನ್ನೆಲೆಯಲ್ಲಿ ಬರ್ತ್ಡೇ ಸೆಲೆಬ್ರೇಶನ್ ಕೂಡ ಅದ್ಧೂರಿಯಾಗಿತ್ತು. ಪ್ರಪಂಚದಾದ್ಯಂತ ಇರುವ ಅಭಿಮಾನಿಗಳಿಗಾಗಿ ಮುಂದಿನ ಬಹುನಿರೀಕ್ಷಿತ ಚಿತ್ರ 'ಡಂಕಿ'ಯ ಟೀಸರ್ ಅನ್ನು ಈಗಾಗಲೇ ಅನಾವರಣಗೊಳಿಸಲಾಗಿದೆ. ಇದರ ಜೊತೆಗೆ, ಶಾರುಖ್ ತಮ್ಮ ಉತ್ಸಾಹಿ ಅಭಿಮಾನಿಗಳೊಂದಿಗೂ ಉತ್ತಮ ಸಮಯ ಕಳೆದರು.
ಫ್ಯಾನ್ಸ್ ಮೀಟ್ ಆ್ಯಂಡ್ ಗ್ರೀಟ್: ಬರ್ತ್ಡೇ ಹಿನ್ನೆಲೆಯಲ್ಲಿ ಅವರು ಮುಂಬೈ ನಗರದಲ್ಲಿ ಫ್ಯಾನ್ಸ್‌ಗಾಗಿ ಮೀಟ್ ಆ್ಯಂಡ್ ಗ್ರೀಟ್ ಸೆಷನ್ ಆಯೋಜಿಸಿದ್ದರು. ಡಂಕಿ ಸಿನಿಮಾ ನಿರ್ದೇಶಕ ರಾಜ್‌ಕುಮಾರ್ ಹಿರಾನಿ ಮತ್ತು ಬರಹಗಾರ ಅಭಿಜತ್ ಜೋಷಿ ಅವರೊಂದಿಗೆ ಶಾರುಖ್ ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿ, ಮುಂಬರುವ ಚಿತ್ರದ ಕುರಿತು ಮಾತನಾಡಿದರು.
-
His dance moves will make you go crazy #ShahRukhKhan #SRKDay#HappyBirthdaySRKpic.twitter.com/vUZr16FPMZ
— 𝒀𝒐𝒖𝒏𝒖𝒔 (@Playbowled) November 2, 2023 " class="align-text-top noRightClick twitterSection" data="
">His dance moves will make you go crazy #ShahRukhKhan #SRKDay#HappyBirthdaySRKpic.twitter.com/vUZr16FPMZ
— 𝒀𝒐𝒖𝒏𝒖𝒔 (@Playbowled) November 2, 2023His dance moves will make you go crazy #ShahRukhKhan #SRKDay#HappyBirthdaySRKpic.twitter.com/vUZr16FPMZ
— 𝒀𝒐𝒖𝒏𝒖𝒔 (@Playbowled) November 2, 2023
ಎಸ್ಆರ್ಕೆ ಮೆಚ್ಚಿನ ಚಿತ್ರ ಯಾವುದು?: ಸೋಷಿಯಲ್ ಮೀಡಿಯಾ ಪ್ಲಾಟ್ಫಾರ್ಮ್ ಎಕ್ಸ್ನಲ್ಲಿ ಎಸ್ಆರ್ಕೆ ಫ್ಯಾನ್ಸ್ ಪೇಜ್ಗಳು ಈ ಕಾರ್ಯಕ್ರಮದ ಹಲವು ಫೋಟೋ, ವಿಡಿಯೋಗಳನ್ನು ಹಂಚಿಕೊಂಡಿವೆ. ವಿಡಿಯೋಗಳಲ್ಲಿ ಕಿಂಗ್ ಖಾನ್ ತಮ್ಮ ಅಭಿಮಾನಿಗಳೊಂದಿಗೆ ಸಂವಾದ ನಡೆಸುತ್ತಿರೋದು ಮತ್ತು ಡಂಕಿ ಕುರಿತು ಮಾತನಾಡುತ್ತಿರುವುದನ್ನು ನೋಡಬಹುದು. ಈ ಸಂದರ್ಭದಲ್ಲಿ ವರ್ಷದ ಮೆಚ್ಚಿನ ಚಿತ್ರ ಡಂಕಿ ಎಂಬುದನ್ನು ಅವರು ಬಹಿರಂಗಪಡಿಸಿದರು.
58ರ ಹರೆಯದಲ್ಲೂ ಹ್ಯಾಂಡ್ಸಮ್ ಹಂಕ್: ಶಾರುಖ್ ತಮ್ಮ ಪುತ್ರ ಆರ್ಯನ್ ಖಾನ್ ಅವರ ಜನಪ್ರಿಯ ಬಟ್ಟೆ ಬ್ರ್ಯಾಂಡ್ನ ಟೀ ಶರ್ಟ್ ಧರಿಸಿ ಕಾರ್ಯಕ್ರಮಕ್ಕೆ ಬಂದಿದ್ದರು. ಡೆನಿಮ್, ಜಾಕೆಟ್‌ನೊಂದಿಗೆ ಸಖತ್ ಹ್ಯಾಂಡ್ಸಮ್ ಆಗಿ ಕಾಣಿಸಿಕೊಂಡರು. ಪೋನಿಟೇಲ್ ಕೇಶವಿನ್ಯಾಸದಲ್ಲಿ ನೋಟ ಬೀರಿದರು.
ಇದನ್ನೂ ಓದಿ: ಎಸ್ಆರ್ಕೆ - ಫ್ಯಾನ್ಸ್ ಮೀಟ್: ಶಾರುಖ್ ಖಾನ್ ವಿಡಿಯೋ ವೈರಲ್
ಆನ್‌ಲೈನ್‌ನಲ್ಲಿ ಹರಿದಾಡುತ್ತಿರುವ ಮತ್ತೊಂದು ವಿಡಿಯೋದಲ್ಲಿ, ಜಲೇಬಿ ಬೇಬಿ ಸಾಂಗ್ ಮೇಕರ್ ತೆಶರ್‌ ಅವರೊಂದಿಗೆ ಎಸ್ಆರ್ಕೆ ಮೈ ಕುಣಿಸುವುದನ್ನು ಕಾಣಬಹುದು. ಎಸ್ಆರ್ಕೆ ಡೇ ಸೆಲೆಬ್ರೇಶನ್ಗಾಗಿ ತೇಶರ್ ಅವರು ಮುಂಬೈಗೆ ಆಗಮಿಸಿ ಉತ್ತಮ ಸಮಯ ಕಳೆದಿದ್ದಾರೆ. ತೇಶರ್ ತಮ್ಮ ಹಿಟ್ ಸಾಂಗ್ 'ಯಂಗ್ ಶಾರುಖ್' ಹಾಡಿದರು. ಎಸ್ಆರ್ಕೆ ತಮ್ಮ ಅಧಿಕೃತ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ, 2023ರ ಹಿಟ್ ಸಾಂಗ್ಸ್ಗೆ ಗ್ರೂಪ್ ಡ್ಯಾನ್ಸ್ ಮಾಡಿರುವ ವಿಡಿಯೋ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ: ಸಲಾರ್ ಮೇಲೆ ಬೆಟ್ಟದಷ್ಟು ನಿರೀಕ್ಷೆ: ಸಿನಿಮಾದಲ್ಲಿ 750ಕ್ಕೂ ಹೆಚ್ಚು ವಾಹನಗಳ ಬಳಕೆ!
ಡಂಕಿ ಸಿನಿಮಾ ಎಸ್ಆರ್ಕೆ ಮತ್ತು ರಾಜ್‌ಕುಮಾರ್ ಹಿರಾನಿ ಕಾಂಬಿನೇಶನ್ನ ಚೊಚ್ಚಲ ಚಿತ್ರ. ಬೊಮನ್ ಇರಾನಿ, ತಾಪ್ಸಿ ಪನ್ನು, ವಿಕ್ಕಿ ಕೌಶಲ್, ವಿಕ್ರಮ್ ಕೊಚ್ಚರ್ ಮತ್ತು ಅನಿಲ್ ಗ್ರೋವರ್ ಸೇರಿದಂತೆ ಹಲವರು ನಟಿಸಿದ್ದಾರೆ. ರಾಜ್‌ಕುಮಾರ್ ಹಿರಾನಿ ಮತ್ತು ಗೌರಿ ಖಾನ್ ನಿರ್ಮಿಸಿರುವ ಡಂಕಿ ಸಿನಿಮಾವನ್ನು ಜಿಯೋ ಸ್ಟುಡಿಯೋಸ್, ರೆಡ್ ಚಿಲ್ಲೀಸ್ ಎಂಟರ್‌ಟೈನ್‌ಮೆಂಟ್ ಮತ್ತು ರಾಜ್‌ಕುಮಾರ್ ಹಿರಾನಿ ಫಿಲ್ಮ್ಸ್ ಪ್ರಸ್ತುತಪಡಿಸುತ್ತಿದೆ. ಚಿತ್ರಕಥೆಯನ್ನು ಅಭಿಜತ್ ಜೋಶಿ, ರಾಜ್‌ಕುಮಾರ್ ಹಿರಾನಿ ಮತ್ತು ಕನಿಕಾ ಧಿಲ್ಲೋನ್ ಬರೆದಿದ್ದಾರೆ. ಡಿಸೆಂಬರ್‌ 22ರಂದು ಸಿನಿಮಾ ಬಿಡುಗಡೆಗೆ ನಿರ್ಧರಿಸಲಾಗಿದೆ. ಅಂದೇ ಭಾರತದ ಮತ್ತೊಂದು ಬಿಗ್ ಮೂವಿ ಸಲಾರ್ ಕೂಡ ತೆರೆಗಪ್ಪಳಿಸಲಿದೆ.
