ಮುಂಬೈ (ಮಹಾರಾಷ್ಟ್ರ): ಡ್ಯಾನ್ಸ್ ರಿಯಾಲಿಟಿ ಶೋ ಜಲಕ್ ದಿಖ್ಲಾ ಜಾದಲ್ಲಿ ಸ್ಪರ್ಧಿಗಳು ತಮ್ಮ 'ಪಚ್ತಾವೋ'ಗೆ ಹಾಡಿಗೆ ನೀಡಿದ ಪರ್ಫಾರ್ಮೆನ್ಸ್ ನೋಡಿ ಬಾಲಿವುಡ್ನ ಸೆನ್ಸೇಷನಲ್ ತಾರೆ ನೋರಾ ಪತೇಹಿ ಭಾವುಕರಾಗಿದ್ದಾರೆ. ಸೃತಿ ಜಾ ಅವರ ಅಭಿನಯವು 2019ರಲ್ಲಿ ಹಾಡಿನ ಚಿತ್ರೀಕರಣ ಸಮಯದ ಹಾರ್ಟ್ ಬ್ರೇಕಿಂಗ್ ಸನ್ನಿವೇಶವೊಂದನ್ನು ನೆನಪು ಮಾಡಿಸಿತು ಎಂದು ಡ್ಯಾನ್ಸ್ ರಿಯಾಲಿಟಿ ಶೋ ಜಡ್ಜ್ ಕುರ್ಚಿಯಲ್ಲಿ ಕುಳಿತಿರುವ ನೋರಾ ಪತೇಹಿ ಕಣ್ಣೀರಿಟ್ಟಿದ್ದಾರೆ.
'ಪಚ್ತಾವೋ' ಹಾಡು ಚಿತ್ರೀಕರಣದ ಸಮಯದಲ್ಲಿ ನಾನು ಬ್ರೇಕಪ್ ನೋವಿನಲ್ಲಿದ್ದೆ ಎಂದು ನೋರಾ ಹೇಳಿರುವ ಡ್ಯಾನ್ಸ್ ರಿಯಾಲಿಟಿ ಶೋನ ವಿಡಿಯೋ ಕ್ಲಿಪ್ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.
ವಿಡಿಯೋದಲ್ಲಿ ನೋರಾ, 'ಸೃತಿ ಮತ್ತು ವಿವೇಕ್ ನನ್ನ ಹಾಡಿಗೆ ನೀವು ನೀಡಿದ ಅಭಿನಯ ನನಗೆ ಬಹಳ ಹತ್ತಿರವಾಗಿದೆ. ಈ ಹಾಡಿನ ಚಿತ್ರೀಕರಣದ ನಾನೂ ಕೂಡ ಅಂತಹುದೇ ಭಾವನಾತ್ಮಕ ಸನ್ನಿವೇಶ ಎದುರಿಸುತ್ತಿದ್ದೆ. ಹಾಗಾಗಿ ಆ ಭಾವನೆ ನನ್ನ ಅಭಿನಯದಲ್ಲೂ ಬಳಸಿಕೊಳ್ಳಲು ಸಾಧ್ಯವಾಗಿತ್ತು. ಇದು ನೃತ್ಯದ ವಿಷಯದಲ್ಲಿ ನಿಮ್ಮ ಬೆಸ್ಟ್ ಪರ್ಫಾರ್ಮೆನ್ಸ್ ಆಗಿರದೇ ಇರಬಹುದು. ಆದರೆ ಭಾವನಾತ್ಮಕವಾಗಿ ಟಚ್ ಮಾಡಿದೆ ಎಂದಿದ್ದಾರೆ.
2019ರಲ್ಲಿ ಬಿಡುಗಡೆಯಾಗಿದ್ದ 'ಪಚ್ತಾವೋಗೆ' ಆಲ್ಬಮ್ ಸಾಂಗ್ಗೆ ಅರಿಜಿತ್ ಸಿಂಗ್ ಧ್ವನಿಯಾಗಿದ್ದಾರೆ. ಜಾನಿ ಬರೆದಿರುವ ಈ ಹಾಡಿಗೆ ಬಿ ಪ್ರಾಕ್ ಸಂಗೀತ ಸಂಯೋಜನೆ ಮಾಡಿದ್ದು, ಹಾಡು ಸಖತ್ ಹಿಟ್ ಆಗಿತ್ತು. ನೋರಾ ಪತೇಹಿ ಜೊತೆಗೆ ವಿಕ್ಕಿ ಕೌಶಲ್ ಮತ್ತು ಪ್ರಭ್ ಉಪ್ಪಲ್ ಕೂಡ ಅಭಿನಯಿಸಿರುವ ಈ ಹಾಡು ಇಂದಿಗೂ ಹಿಟ್ ಲಿಸ್ಟ್ನಲ್ಲಿದೆ.
ಇತ್ತೀಚೆಗೆ ಬಿಡುಗಡೆಗೊಂಡ 'ಥ್ಯಾಂಕ್ ಗಾಡ್' ಸಿನಿಮಾದ ಮನಿಕೆ ಹಾಡಿನಲ್ಲಿ ನೋರಾ ಕಾಣಿಸಿಕೊಂಡಿದ್ದರು. ಜಾನ್ ಅಬ್ರಹಾಂ, ರಿತೇಶ್ ದೇಶಮುಖ್ ಮತ್ತು ಶೆಹನಾಜ್ ಗಿಲ್ ಜೊತೆಗೆ ನೋರಾ ಮುಂಬರುವ 100 ಪರ್ಸೆಂಟ್ ಸಿನಿಮಾದಲ್ಲಿ ಅಭಿನಯಿಸುತ್ತಿದ್ದಾರೆ.
ಇದನ್ನೂ ಓದಿ: ಹಿಂದಿ ದೃಶ್ಯಂ 2 ಅಬ್ಬರ.. 9 ದಿನಗಳಲ್ಲಿ 126 ಕೋಟಿ ಕಲೆಕ್ಷನ್
