ಕ್ರಿಕೆಟಿಗ ಕೆ.ಎಲ್.ರಾಹುಲ್ ತಮ್ಮ ಪತ್ನಿ ಮತ್ತು ನಟಿ ಅಥಿಯಾ ಶೆಟ್ಟಿ ಅವರನ್ನು ಅಭಿನಂದಿಸುವ ಅವಕಾಶವನ್ನು ಎಂದಿಗೂ ಕಳೆದುಕೊಳ್ಳುವುದಿಲ್ಲ. ಲಾಕ್ಮೆ ಫ್ಯಾಶನ್ ವೀಕ್ 2023 ರಲ್ಲಿ ಅಥಿಯಾ ಶೆಟ್ಟಿ ರ‍್ಯಾಂಪ್ ವಾಕ್ ಮಾಡಿದ್ದಾರೆ. ಈ ವಿಡಿಯೋವನ್ನು ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿರುವ ರಾಹುಲ್ ಪಿಂಕ್ ಹಾರ್ಟ್ ಎಮೋಜಿನೊಂದಿಗೆ ಅಥಿಯಾ ಶೆಟ್ಟಿ ಅವರನ್ನು ಟ್ಯಾಗ್ ಮಾಡಿದ್ದಾರೆ.
ಅಥಿಯಾ ಕೂಡ ರಾಹುಲ್ ಸ್ಟೋರಿಯನ್ನು ಮರು ಹಂಚಿಕೊಂಡು ಕೃತಜ್ಞತೆ ಹೇಳಿದ್ದಾರೆ. ಜೊತೆಗೆ 'ಲವ್ ಯು' ಎಂದು ಬರೆದು ಪತಿಯ ಸ್ಟೋರಿಗೆ ಪ್ರತಿಕ್ರಿಯಿಸಿದ್ದಾರೆ. ಲಾಕ್ಮೆ ಫ್ಯಾಷನ್ ವೀಕ್ನಲ್ಲಿ ಅಥಿಯಾ ಶೆಟ್ಟಿ ನೇರಳೆ ಬಣ್ಣದ ಉಡುಪಿನಲ್ಲಿ ರ‍್ಯಾಂಪ್ ವಾಕ್ ಮಾಡಿದ್ದರು.
ರಾಹುಲ್- ಅಥಿಯಾ ವಿವಾಹ: ಜನವರಿ 23 ರಂದು ಕ್ರಿಕೆಟಿಗ ಕೆ.ಎಲ್.ರಾಹುಲ್ ಮತ್ತು ಬಾಲಿವುಡ್ ನಟಿ ಅಥಿಯಾ ಶೆಟ್ಟಿ ದಾಂಪತ್ಯ ಜೀವನ ಆರಂಭಿಸಿದ್ದಾರೆ. ಮಹಾರಾಷ್ಟ್ರದ ಖಂಡಾಲಾದಲ್ಲಿರುವ ಅಥಿಯಾ ಶೆಟ್ಟಿ ತಂದೆ, ನಟ ಸುನೀಲ್ ಶೆಟ್ಟಿ ಫಾರ್ಮ್‌ಹೌಸ್‌ನಲ್ಲಿ ಕುಟುಂಬಸ್ಥರು ಮತ್ತು ಸ್ನೇಹಿತರು ಸೇರಿದಂತೆ ಕೆಲವೇ ಮಂದಿಯ ಸಮ್ಮುಖದಲ್ಲಿ ಈ ಮದುವೆ ಸಮಾರಂಭ ನಡೆದಿತ್ತು. ವಿವಾಹವಾಗುವವರೆಗೂ ತಮ್ಮ ಪ್ರೀತಿಯನ್ನು ಗುಟ್ಟಾಗಿಯೇ ಇಟ್ಟುಕೊಂಡಿದ್ದ ಈ ಜೋಡಿ ಮದುವೆ ಬಳಿಕವಷ್ಟೇ ಫೋಟೋ ಹಂಚಿಕೊಂಡಿದ್ದರು.
ಇದನ್ನೂ ಓದಿ: ಲಾಕ್ಮೆ ಫ್ಯಾಶನ್ ವೀಕ್ 2023: ತುಂಬು ಗರ್ಭಿಣಿ ರ‍್ಯಾಂಪ್ ವಾಕ್ಗೆ ಜಾಹ್ನವಿ ಕಪೂರ್ ಮೆಚ್ಚುಗೆ
ವಿವಾಹ ಸಮಾರಂಭದ ದಿನ ಕೆಲವು ಫೋಟೋಗಳನ್ನಷ್ಟೇ ಈ ಜೋಡಿ ಶೇರ್ ಮಾಡಿಕೊಂಡಿದ್ದರು. ಬಳಿಕ ಹಂತ ಹಂತವಾಗಿ ಅರಿಶಿಣ ಶಾಸ್ತ್ರ, ಮೆಹಂದಿ, ಸಂಗೀತ ಕಾರ್ಯಕ್ರಮಗಳ ಫೊಟೋಗಳನ್ನು ಹಂಚಿಕೊಂಡರು. ಅವರ ಈ ಫೋಟೋಗಳು ಸಾಮಾಜಿಕ ಮಾಧ್ಯಮದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿತ್ತು. ಜೊತೆಗೆ ಭಾರೀ ಮೆಚ್ಚುಗೆ ಗಳಿಸಿದ್ದವು.
ಡೇಟಿಂಗ್ನಲ್ಲಿದ್ದ ಜೋಡಿ: ಕರ್ನಾಟಕ ಮೂಲದವರಾದ ನಟ ಸುನೀಲ್ ಶೆಟ್ಟಿ ಪುತ್ರಿ ಅಥಿಯಾ, ರಾಹುಲ್ ಜೊತೆ ಬಹು ಸಮಯದಿಂದ ಡೇಟಿಂಗ್ನಲ್ಲಿದ್ದರು ಎಂಬ ಗಾಸಿಪ್ ಎಲ್ಲೆಡೆ ಕೇಳಿಬರುತ್ತಿತ್ತು. ಆದರೆ, ತಮ್ಮ ಪ್ರೀತಿ ಬಗ್ಗೆ ಆಗಲಿ ಅಥವಾ ಮದುವೆ ವಿಷಯವನ್ನಾಗಲಿ ಈ ಜೋಡಿ ಎಲ್ಲಿಯೂ ಮುಕ್ತವಾಗಿ ಚರ್ಚಿಸಿರಲಿಲ್ಲ. ಸಂದರ್ಶನಗಳಲ್ಲಿ ತಂದೆ ಸುನೀಲ್ ಶೆಟ್ಟಿ ಕೆಲವು ಸುಳಿವುಗಳನ್ನು ನೀಡಿದ್ದರಷ್ಟೇ. ಮದುವೆ ಬಳಿಕ ಅಂದೇ ನಟ ಸುನೀಲ್ ಶೆಟ್ಟಿ ಅಧಿಕೃತವಾಗಿ ಈ ಮದುವೆಯ ಬಗ್ಗೆ ಖಚಿತಪಡಿಸಿದ್ದರು.
ಇದನ್ನೂ ಓದಿ: ಅಲನ್ನಾ ಮದುವೆ ಸಂಭ್ರಮ: ಶ್ವೇತ ವರ್ಣದ ಉಡುಗೆಯಲ್ಲಿ ಕಂಗೊಳಿಸಿದ ಸಂಬಂಧಿ ಅನನ್ಯಾ ಪಾಂಡೆ
ವಿವಾಹದ ನಂತರ ನವದಂಪತಿ ಅಥಿಯಾ ಮತ್ತು ರಾಹುಲ್ ಮಧ್ಯಪ್ರದೇಶದ ಉಜ್ಜಯಿನಿಯ ಮಹಾಕಾಳೇಶ್ವರಕ್ಕೆ ಭೇಟಿ ಕೊಟ್ಟು ಬಾಬಾ ಮಹಾಕಾಲ್ಗೆ ಪೂಜೆ ಸಲ್ಲಿಸಿದ್ದರು. ಫೆಬ್ರವರಿ 25 ಶನಿವಾರದಂದು ದಂಪತಿ ಶಿವನಿಗೆ ಪೂಜೆ ಸಲ್ಲಿಸಿ ಬಳಿಕ ಬಾಬಾ ಮಹಾಕಾಲ್ ಗರ್ಭಗುಡಿಗೆ ತೆರಳಿ ನಮನ ಸಲ್ಲಿಸಿದ್ದರು. ಅಥಿಯಾ ಶೆಟ್ಟಿ ಹಳದಿ ಬಣ್ಣದ ಸೀರೆಯಲ್ಲಿ ಸಾಂಪ್ರದಾಯಿಕವಾಗಿ ಕಾಣಿಸಿಕೊಂಡಿದ್ದರು. ಜೊತೆಗೆ ಸ್ಟಾರ್ ಕ್ರಿಕೆಟಿಗ ರಾಹುಲ್ ಧೋತಿ ಧರಿಸಿ ದೇವಾಲಯಕ್ಕೆ ಬಂದಿದ್ದರು.
ಇದನ್ನೂ ಓದಿ: ಬಂದೂಕಿನೊಂದಿಗೆ ಛತ್ರಿ ಹಿಡಿದು ಬಂದ 'ಎಕ್ಸ್‌ಕ್ಯೂಸ್ ಮೀ' ಹೀರೋ..'ವೀರ್ ಸಾವರ್ಕರ್ ಸಿನಿಮಾ'ದ ಫಸ್ಟ್ ಲುಕ್ ಬಿಡುಗಡೆ
