ಲಾಸ್ ಏಂಜಲೀಸ್‌ನಲ್ಲಿ ನಡೆದ ವಿಶ್ವ ಪ್ರತಿಷ್ಠಿತ ಆಸ್ಕರ್ 2023ರಲ್ಲಿ ಭಾಗಿಯಾಗಿ ಭಾರತದ ಕೀರ್ತಿ ಹೆಚ್ಚಿಸಿದ ನಟಿ ದೀಪಿಕಾ ಪಡುಕೋಣೆ ಮನೆಗೆ ಮರಳಿದ್ದಾರೆ. ಶುಕ್ರವಾರ ರಾತ್ರಿ ಮುಂಬೈ ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಂಡರು. ಅಭಿನಂದನೆ ತಿಳಿಸಿದ ಪಾಪರಾಜಿಗಳಿಗೆ ಸಕಾರಾತ್ಮಕವಾಗಿ ಸ್ಪಂದಿಸಿ, ನಸುನಕ್ಕು ಮುನ್ನಡೆದರು.
ದೀಪಿಕಾ ಏರ್ಪೋರ್ಟ್ ಲುಕ್ ವೈರಲ್: ಏರ್ಪೋರ್ಟ್ನಲ್ಲಿ ಹೆಚ್ಚಾಗಿ ಕೂಲ್ ಲುಕ್ನಲ್ಲಿ ಕಾಣಸಿಗುತ್ತಾರೆ ವಿಶ್ವದ ಒಂಭತ್ತನೇ ಸುಂದರಿ ಖ್ಯಾತಿಯ ದೀಪಿಕಾ ಪಡುಕೋಣೆ. ಈ ಬಾರಿ ಬ್ಲ್ಯಾಕ್ ಡ್ರೆಸ್, ಶೂನಲ್ಲಿ ಸಖತ್ ಕ್ಲಾಸಿ ಲುಕ್ನಲ್ಲಿ ಎಲ್ಲರ ಗಮನ ಸೆಳೆದರು. ದೀಪಿಕಾ ಪಡುಕೋಣೆ ಏರ್ಪೋರ್ಟ್ ಲುಕ್ ಸಖತ್ ವೈರಲ್ ಆಗುತ್ತಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಜಾಗ ಪಡೆದಿದೆ.
ಅಭಿಮಾನಿಗಳ ಮೆಚ್ಚುಗೆ.. ದೀಪಿಕಾ ಪಡುಕೋಣೆ ಅವರ ಏರ್ಪೋರ್ಟ್ ಬ್ಲ್ಯಾಕ್ ಲುಕ್ ನೆಟಿಜನ್‌ಗಳ ಹೃದಯ ಕದ್ದಿದ್ದು, ಅವರ ಚಿತ್ರಗಳಿಗೆ ಪ್ರತಿಕ್ರಿಯಿಸಿದ ಸಾಮಾಜಿಕ ಮಾಧ್ಯಮ ಬಳಕೆದಾರರು, "ಎಷ್ಟು ಮುದ್ದಾಗಿದೆ" ಎಂದು ಕಾಮೆಂಟ್ ಮಾಡಿದ್ದಾರೆ. ವಿಮಾನ ನಿಲ್ದಾಣದ ನೋಟಕ್ಕೆ ಬಂದಾಗ ''ದೀಪಿಕಾಗೆ ಉತ್ತಮವಾದದ್ದು ತಿಳಿದಿದೆ" ಎಂದು ಮತ್ತೊಬ್ಬರು ತಿಳಿಸಿದ್ದಾರೆ.
ಆಸ್ಕರ್ ವೇದಿಕೆಯಲ್ಲಿ ದೀಪಿಕಾ ಪಡುಕೋಣೆ: ಬಾಲಿವುಡ್ ಮಸ್ತಾನಿ ದೀಪಿಕಾ ಪಡುಕೋಣೆ ಮೊದಲ ಬಾರಿಗೆ ಆಸ್ಕರ್ ವೇದಿಕೆಯಲ್ಲಿ ಪ್ರೆಸೆಂಟರ್ ಪಾತ್ರ ಅಲಂಕರಿಸಿದ್ದರು. ವೇದಿಕೆಯಲ್ಲಿ 'ನಾಟು ನಾಟು' ಗಾಯಕರನ್ನು ಪರಿಚಯಿಸಿದರು ಮತ್ತು ಜೋರಾದ ಹರ್ಷೋದ್ಘಾರಗಳ ನಡುವೆ ಹಾಡಿನ ಬಗ್ಗೆ ಪ್ರೇಕ್ಷಕರಿಗೆ ತಿಳಿಸಿದರು. 'ನಾಟು ನಾಟು' ಹಾಡು ವಿಶ್ವದಲ್ಲಿ ಜನಪ್ರಿಯತೆ ಗಳಿಸಿದ್ದರ ಬಗ್ಗೆಯೂ ಮಾತನಾಡಿದ್ದರು. ಡಿಸೈನರ್ ಲೇಬಲ್ ಲೂಯಿಸ್ ವಿನ್ಯಾಸಗೊಳಿಸಿದ್ದ ಆಫ್ ಶೋಲ್ಡರ್ ಗೌನ್ ಧರಿಸಿ ಎಲ್ಲರ ಗಮನ ಸೆಳೆದಿದ್ದರು.
ಆಸ್ಕರ್ನಲ್ಲಿ ಭಾರತದ ಸಾಧನೆ: ಆಸ್ಕರ್ 2023ರಲ್ಲಿ ಭಾರತೀಯ ಚಲನ ಚಿತ್ರೋದ್ಯಮ ಅಭೂತಪೂರ್ವ ಯಶಸ್ಸು ಕಂಡಿದೆ. ಸೌತ್ ಖ್ಯಾತ ನಿರ್ದೇಶಕ ಎಸ್‌.ಎಸ್‌ ರಾಜಮೌಳಿ ನಿರ್ದೇಶನದ ಆರ್ಆರ್ಆರ್ ಸಿನಿಮಾದ ಸೂಪರ್ ಹಿಟ್ ನಾಟು ನಾಟು ಹಾಡು ಅತ್ಯುತ್ತಮ ಮೂಲ ಗೀತೆ ವಿಭಾಗದಲ್ಲಿ ಪ್ರಶಸ್ತಿ ಪಡೆದುಕೊಂಡಿದೆ. ಹಾಗೆಯೇ, ಕಾರ್ತಿಕಿ ಗೊನ್ಸಾಲ್ವೆಸ್ ನಿರ್ದೇಶನದ "ದ ಎಲಿಫೆಂಟ್ ವಿಸ್ಪರರ್ಸ್" ಅತ್ಯುತ್ತಮ ಕಿರು ಸಾಕ್ಷ್ಯಚಿತ್ರ ಪ್ರಶಸ್ತಿ ಮುಡಿಗೇರಿಸಿಕೊಂಡು ಭಾರತದ ಖ್ಯಾತಿ ಹೆಚ್ಚಿಸಿದೆ. ಈ ಮೂಲಕ ಚಿತ್ರತಂಡದವರ ಖ್ಯಾತಿ ಮತ್ತಷ್ಟು ಹೆಚ್ಚಿದೆ. ಸ್ಟಾರ್ ನಟರ ಜನಪ್ರಿಯತೆ ಸಾಗರದಾಚೆಗೆ ದಾಟಿದೆ.
ಇದನ್ನೂ ಓದಿ: 'ಹ್ಯಾಪಿ ಬರ್ತ್ ಡೇ ಬೇಬಿ': ಪತಿ ಸೊಹೈಲ್ ಜನ್ಮದಿನಕ್ಕೆ ವಿಶೇಷ ವಿಡಿಯೋ ಹಂಚಿಕೊಂಡ ಹನ್ಸಿಕಾ ಮೋಟ್ವಾನಿ
ದೀಪಿಕಾ ಪಡುಕೋಣೆ ಮುಂದಿನ ಚಿತ್ರಗಳು: ಇನ್ನು ಬಾಲಿವುಡ್ ಮಸ್ತಾನಿಯ ಮುಂದಿನ ಸಿನಿಮಾ ವಿಚಾರ ಗಮನಿಸುವುದಾದರೆ ದೀಪಿಕಾ ಪಡುಕೋಣೆ 'ಫೈಟರ್'ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಚಿತ್ರದಲ್ಲಿ ಅವರನ್ನು ಆ್ಯಕ್ಷನ್ ಅವತಾರದಲ್ಲಿ ಕಾಣಬಹುದು. ಇದರಲ್ಲಿ ಹೃತಿಕ್ ರೋಷನ್ ಜೊತೆ ತೆರೆ ಹಂಚಿಕೊಂಡಿದ್ದಾರೆ. ಈ ಚಿತ್ರವು 2024ರ ಜನವರಿಯಲ್ಲಿ ಚಿತ್ರಮಂದಿರಗಳಲ್ಲಿ ತೆರೆಕಾಣಲಿದೆ. ಉಳಿದಂತೆ 'ಪ್ರಾಜೆಕ್ಟ್ ಕೆ' ಮತ್ತು 'ದಿ ಇಂಟರ್ನ್' ರಿಮೇಕ್ನಲ್ಲಿ ಕೂಡ ಕಾಣಿಸಿಕೊಳ್ಳಲಿದ್ದಾರೆ. ವಿವಾದಗಳ ನಡುವೆಯೇ ಇತ್ತೀಚೆಗೆ ತೆರೆಕಂಡ ಪಠಾಣ್ ಚಿತ್ರ ಅಭೂತಪೂರ್ವ ಯಶಸ್ಸು ಕಂಡಿದೆ.
ಇದನ್ನೂ ಓದಿ: ತಾಯ್ನಾಡಿಗೆ ಹಿಂತಿರುಗಿದ RRR ಖ್ಯಾತಿಯ ನಟ ರಾಮ್ಚರಣ್ಗೆ ಅದ್ದೂರಿ ಸ್ವಾಗತ
