ಸಿನಿಮಾ ಹೊರತುಪಡಿಸಿ ನಟ ಕಿಚ್ಚ ಸುದೀಪ್ ಅವರಿಗೂ ಕ್ರಿಕೆಟ್ಗೂ ಬಿಡಿಸಲಾರದ ನಂಟು. ಬಣ್ಣದ ಲೋಕದಿಂದ ಬಿಡುವು ಮಾಡಿಕೊಂಡು ಆಗಾಗ ಕ್ರಿಕೆಟ್ ಅಂಗಳಕ್ಕೂ ಕಾಲಿಡುವ ಸುದೀಪ್, ತಾವೂ ಕೂಡ ಓರ್ವ ಉತ್ತಮ ಕ್ರಿಕೆಟ್ ಪಟು ಅಂತ ಹಲವು ಬಾರಿ ನಿರೂಪಿಸಿಕೊಟ್ಟವರು. ಸದ್ಯ ಅವರು ಕರ್ನಾಟಕ ಸೆಲೆಬ್ರಿಟಿ ಕ್ರಿಕೆಟ್ ಲೀಗ್ಗೆ (ಸಿಸಿಎಲ್) ಭರ್ಜರಿ ಸಿದ್ಧತೆ ಕೂಡ ನಡೆಸಿದ್ದಾರೆ.
-
What a splendid and a perfect night. 🤗🥂
— Kichcha Sudeepa (@KicchaSudeep) February 6, 2023 " class="align-text-top noRightClick twitterSection" data="
Best wishes my brotherman @SDhawan25 for the forth coming IPL.@PunjabKingsIPL pic.twitter.com/TOm0ChUz2v
">What a splendid and a perfect night. 🤗🥂
— Kichcha Sudeepa (@KicchaSudeep) February 6, 2023
Best wishes my brotherman @SDhawan25 for the forth coming IPL.@PunjabKingsIPL pic.twitter.com/TOm0ChUz2vWhat a splendid and a perfect night. 🤗🥂
— Kichcha Sudeepa (@KicchaSudeep) February 6, 2023
Best wishes my brotherman @SDhawan25 for the forth coming IPL.@PunjabKingsIPL pic.twitter.com/TOm0ChUz2v
ಇದೇ ಖುಷಿಯಲ್ಲಿರುವ ಅವರು ಇದೀಗ ಭಾರತೀಯ ಕ್ರಿಕೆಟ್ ತಂಡದ ಬ್ಯಾಟ್ಸ್ಮನ್ ಶಿಖರ್ ಧವನ್ ಅವರನ್ನು ಭೇಟಿ ಮಾಡಿದ್ದಾರೆ. ಈ ಸಂತಸದ ಕ್ಷಣವನ್ನು ಅವರು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಅಲ್ಲದೇ, ಗಬ್ಬರ್ ಸಿಂಗ್ ಶಿಖರ್ ಧವನ್ ಅವರಿಗೆ ಬರುವ ಐಪಿಎಲ್ 2023ರ ಪಂದ್ಯಕ್ಕೆ ಶುಭಾಶಯ ಕೂಡ ತಿಳಿಸಿದ್ದಾರೆ. ತಮ್ಮ ಅಧಿಕೃತ ಟ್ವಿಟ್ಟರ್ನಲ್ಲಿ ಶಿಖರ್ ಧವನ್ ಅವರನ್ನು ಭೇಟಿ ಮಾಡಿದ ನಾಲ್ಕು ಚಂದದ ಫೋಟೋಗಳನ್ನು ಹಂಚಿಕೊಂಡಿರುವ ಸುದೀಪ್, ‘ಎಂತಹ ಅದ್ಭುತ ಮತ್ತು ಪರಿಪೂರ್ಣ ರಾತ್ರಿ. ಮುಂಬರುವ ಇಂಡಿಯನ್ ಪ್ರೀಮಿಯರ್ ಲೀಗ್ (IPL) ಗಾಗಿ ನನ್ನ ಸಹೋದರನಿಗೆ ಶುಭಾಶಯಗಳು ಎಂದು ಆ ಫೋಟೋಗಳಿಗೆ ಅಂದದ ಶೀರ್ಷಿಕೆ ಹಾಕಿದ್ದಾರೆ. ಅದರಲ್ಲಿ ಇಬ್ಬರು ಬಿಗಿದಪ್ಪಿಕೊಂಡಿರುವ ಒಂದು ಫೋಟೋ ಕೂಡ ಇದೆ.
ಇದನ್ನೂ ಓದಿ: ಕನ್ನಡಿಗ ರಿಕಿ ಕೇಜ್ ಮುಡಿಗೆ ಮತ್ತೊಂದು ಗ್ರ್ಯಾಮಿ ಗರಿ.. ಪ್ರಶಸ್ತಿಯನ್ನು ದೇಶಕ್ಕೆ ಅರ್ಪಿಸಿದ ಸಂಗೀತ ಸಂಯೋಜಕ
ಭೇಟಿ ಹಿನ್ನೆಲೆಗೆ ಕಾರಣ: ಸುದೀಪ್ ಅವರು ಕರ್ನಾಟಕ ಸೆಲೆಬ್ರಿಟಿ ಕ್ರಿಕೆಟ್ ಪಂದ್ಯವನ್ನು ಆಯೋಜಿಸಿದ್ದು, ಎಲ್ಲರಿಗೂ ಗೊತ್ತಿರುವ ವಿಚಾರ. ಇದೊಂದು ಸ್ಯಾಂಡಲ್ವುಡ್ನ ಎಲ್ಲ ಸೆಲೆಬ್ರಿಟಿಗಳು ಸೇರಿಸಿಕೊಂಡು ಆಡುವ ಪಂದ್ಯ. ಈ ವರ್ಷದ ಲೀಗ್ನಲ್ಲಿ ಒಟ್ಟು 8 ತಂಡಗಳು ಭಾಗವಹಿಸಲಿದ್ದು ಪ್ರತಿ ತಂಡಕ್ಕೂ ಒಬ್ಬ ಅಂತಾರಾಷ್ಟ್ರೀಯ ಕ್ರಿಕೆಟ್ ಪಟು ಕಾಣಿಸಿಕೊಳ್ಳಲಿದ್ದಾರೆ.
ಸುದೀಪ್ ಅವರ ತಂಡಕ್ಕೆ ಶಿಖರ್ ಧವನ್ ಸಾರಥಿಯಾಗಲಿದ್ದಾರೆ ಎಂಬ ಮಾತುಗಳು ಇವೆ. ಆದರೆ, ಈ ಬಗ್ಗೆ ತಾರೆಯರಾರೂ ಖಚಿತಪಡಿಸಿಲ್ಲ. ಸದ್ಯದಲ್ಲೇ ಯಾವ ತಂಡದಲ್ಲಿ ಯಾವ ಅಂತಾರಾಷ್ಟ್ರೀಯ ಕ್ರಿಕೆಟ್ ಪಟು ಕಾಣಿಸಿಕೊಳ್ಳಲಿದ್ದಾರೆ ಅನ್ನೋದು ಶೀಘ್ರದಲ್ಲೇ ಗೊತ್ತಾಗಲಿದೆ.
ಈ ಲೀಗ್ ಫೆಬ್ರವರಿ 18ರಿಂದ ಆರಂಭಗೊಳ್ಳಲಿದ್ದು ಮಾರ್ಚ್ 19ಕ್ಕೆ ಫೈನಲ್ ಪಂದ್ಯ ನಡೆಯಲಿದೆ. ಭಾರತ ಚಿತ್ರರಂಗದ ಅನೇಕ ಕಲಾವಿದರು ಈ ಸೆಲೆಬ್ರಿಟಿ ಕ್ರಿಕೆಟ್ ಲೀಗ್ನಲ್ಲಿ ಪಾಲ್ಗೊಳ್ಳುತ್ತಿದ್ದಾರೆ. ಬೇರೆ ಬೇರೆ ನಗರಗಳು ಪಂದ್ಯದ ಆತಿಥ್ಯ ವಹಿಸಿಕೊಳ್ಳಲಿವೆ. ಅಂದ ಹಾಗೆಯೇ, ಶಿಖರ್ ಧವನ್ ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಪಂಜಾಬ್ ಕಿಂಗ್ಸ್ ತಂಡದ ಪರವಾಗಿ ಕಣಕ್ಕಿಳಿಯಲಿದ್ದಾರೆ. ಅದಕ್ಕಾಗಿ ಅವರು ಕೂಡ ತಯಾರಿ ನಡೆಸಿದ್ದಾರೆ. ಇತ್ತೀಚಿನ ಟಿ20 ಸರಣಿಯಿಂದ ಹೊರಗುಳಿದ ಶಿಖರ್ ಧವನ್ ಐಪಿಎಲ್ 2023ರಲ್ಲಿ ತನ್ನ ಅಬ್ಬರದ ಆಟ ತೋರಿಸಲಿದ್ದಾರೆ.
ಇದನ್ನೂ ಓದಿ: 3 ಮಿಲಿಯನ್ ವೀಕ್ಷಣೆ ಕಂಡ 'ಕಬ್ಜ' ಚಿತ್ರದ ಮಾಸ್ ಸಾಂಗ್: ರೆಟ್ರೋ ಅವತಾರದಲ್ಲಿ ಅಬ್ಬರಿಸಿದ ರಿಯಲ್ ಸ್ಟಾರ್
