ನವದೆಹಲಿ: ಅರ್ಹ ಬಿಡ್ದಾರರ ಹೆಸರನ್ನು ಪ್ರಕಟಿಸುವುದರೊಂದಿಗೆ ಏರ್ ಇಂಡಿಯಾದ ಎರಡನೇ ಹಂತದ ಹೂಡಿಕೆ ಹಿಂತೆಗೆತ ಪ್ರಕ್ರಿಯೆಯು 2021ರ ಜನವರಿ 5ರಂದು ಪ್ರಾರಂಭವಾಗಲಿದೆ.
ಪ್ರಕ್ರಿಯೆಯನ್ನು ಎರಡು ಹಂತಗಳಾಗಿ ವಿಂಗಡಿಸಲಾಗಿದ್ದು, ಮೊದಲನೇ ಹಂತದಲ್ಲಿ ಖರೀದಿಗೆ ಇಚ್ಛಿಸುವ ಬಿಡ್ದಾರರಿಂದ ಆಸಕ್ತಿಯ ಅಭಿವ್ಯಕ್ತಿ (ಇಒಐ) ಸಲ್ಲಿಸಲಾಗಿದೆ. ಅರ್ಹತಾ ಮಾನದಂಡಗಳು ಮತ್ತು ಪ್ರಾಥಮಿಕ ಮಾಹಿತಿ ಜ್ಞಾಪಕ ಪತ್ರದಲ್ಲಿ (ಪಿಐಎಂ) ಉಲ್ಲೇಖಿಸಲಾದ ಇತರ ನಿಯಮಗಳ ಆಧಾರದ ಮೇಲೆ ಅವುಗಳನ್ನು ಅಂತಿಮಗೊಳಿಸಲಾಗುತ್ತದೆ.
ಇದನ್ನೂ ಓದಿ: 5ನೇ ದಿನವೂ ಮುಂಬೈ ಗೂಳಿ ನಾಗಾಲೋಟ: ಬ್ಯಾಂಕಿಂಗ್ ಷೇರು ಗಳಿಕೆ
ಎರಡನೇ ಹಂತದಲ್ಲಿ ಅಂತಿಮಗೊಳಿಸಲಾದ ಆಸಕ್ತ ಬಿಡ್ದಾರರಿಗೆ ಪ್ರಸ್ತಾವನೆ (ಆರ್‌ಎಫ್‌ಪಿ) ಕೋರಿಕೆ ನೀಡಲಾಗುವುದು. ಈ ನಂತರ ಪಾರದರ್ಶಕ ಬಿಡ್ಡಿಂಗ್ ಪ್ರಕ್ರಿಯೆ ನಡೆಯಲಿದೆ ಎಂದು ಸಚಿವಾಲಯ ತಿಳಿಸಿದೆ.
ಕೋವಿಡ್ -19 ಸೋಂಕಿನಿಂದ ಉದ್ಭವಿಸಿರುವ ಪರಿಸ್ಥಿತಿಯ ದೃಷ್ಟಿಯಿಂದ, ಇಒಐಗಳನ್ನು ಸಲ್ಲಿಸಲು ಕೊನೆಯ ದಿನಾಂಕವನ್ನು 2020ರ ಡಿಸೆಂಬರ್ 14ರವರೆಗೆ ಇಒಐ ಸಲ್ಲಿಸಲು ಅಂತಿಮ ಗಡುವು ವಿಸ್ತರಿಸಲಾಯಿತು. ಅರ್ಹ ಆಸಕ್ತ ಬಿಡ್ದಾರರಿಗೆ ತಿಳಿಸುವ ದಿನಾಂಕ 2021ರ ಜನವರಿ 5 ಕೊನೆಯ ದಿನವಾಗಿದೆ.
