ಅಮೇಥಿ (ಉತ್ತರ ಪ್ರದೇಶ): ಪ್ರಸ್ತುತ ವೈನಾಡು ಸಂಸದೀಯ ಕ್ಷೇತ್ರವನ್ನ ತಮ್ಮ ಹಿಂದಿನ ಅಮೇಥಿ ಕ್ಷೇತ್ರಕ್ಕೆ ಹೋಲಿಕೆ ಮಾಡಿರುವ ರಾಹುಲ್ ಗಾಂಧಿ ವಿರುದ್ಧ ರೆಬೆಲ್ ಕಾಂಗ್ರೆಸ್ ಶಾಸಕಿ ಅದಿತಿ ಸಿಂಗ್ ವಾಗ್ದಾಳಿ ನಡೆಸಿದ್ದಾರೆ.
ರಾಜಕೀಯ ಎಬಿಸಿಡಿ ಕಲಿಸಿರುವ ಅಮೇಥಿ ಬಗ್ಗೆ ರಾಹುಲ್ ಗಾಂಧಿ ಈ ರೀತಿಯಾಗಿ ಮಾತನಾಡಿರುವುದು ಸರಿಯಲ್ಲ, ಇದಕ್ಕಾಗಿ ಅವರು ಇಲ್ಲಿನ ಜನರ ಕ್ಷಮೆಯಾಚನೆ ಮಾಡಬೇಕು ಎಂದಿದ್ದಾರೆ. ಕಳೆದ ಎರಡು ದಿನಗಳ ಹಿಂದೆ ವೈನಾಡು ಪ್ರವಾಸ ಕೈಗೊಂಡಿದ್ದ ರಾಹುಲ್ ಗಾಂಧಿ ಅಮೇಥಿ ಬಗ್ಗೆ ಹಗುರವಾಗಿ ಮಾತನಾಡಿದ್ದರು. ಇದೇ ವಿಚಾರವಾಗಿ ಮಾತನಾಡಿರುವ ಅದಿತಿ ಸಿಂಗ್, ಅಮೇಥಿಯಲ್ಲಿ ನಿಮ್ಮ ಪೂರ್ವಜರು ಗೌರವ ಮತ್ತು ವಿಜಯ ಪಡೆದಿದ್ದಾರೆ. ನಿಮಗೆ ದೆಹಲಿ ತಲುಪಿಸಲು ಸಹಾಯ ಮಾಡಿದ್ದು ಅದೇ ಕ್ಷೇತ್ರ. ಈ ರೀತಿಯಾಗಿ ಹೇಳಿಕೆ ನೀಡುವುದು ಸರಿಯಲ್ಲ ಎಂದಿದ್ದಾರೆ.
ಇದನ್ನೂ ಓದಿ: ಲವ್ ಜಿಹಾದ್ಗೆ ತಡೆ; ಉತ್ತರ ಪ್ರದೇಶದಲ್ಲಿ ಧಾರ್ಮಿಕ ಮತಾಂತರ ಮಸೂದೆಗೆ ಅಂಗೀಕಾರ!
ರಾಹುಲ್ ಗಾಂಧಿ ಹೇಳಿದ್ದೇನು!?
ಐಶ್ವರ್ಯ ಕೇರಳ ಯಾತ್ರೆಯಲ್ಲಿ ಭಾಗಿಯಾಗಿದ್ದ ವೇಳೆ ಮಾತನಾಡಿದ್ದ ರಾಹುಲ್ ಗಾಂಧಿ ಉತ್ತರದಿಂದ 15 ವರ್ಷಗಳ ಕಾಲ ಸಂಸದನಾಗಿದ್ದೆನು ಅಲ್ಲಿ ವಿಭಿನ್ನ ರೀತಿಯ ರಾಜಕೀಯ ಬಳಕೆಯಾಗುತ್ತಿತ್ತು. ಆದರೆ ಕೇರಳಕ್ಕೆ ಬಂದಿರುವುದು ತುಂಬಾ ಉಲ್ಲಾಸ ತುಂಬಿದೆ ಎಂದು ಹೇಳಿದ್ದರು.
ಈ ಹಿಂದೆ ಕೂಡ ಆರ್ಟಿಕಲ್ 370 ರದ್ದತಿ ಬಗ್ಗೆ ಮಾತನಾಡಿದ್ದ ಅದಿತಿ, ಇದೊಂದು ಐತಿಹಾಸಿಕ ನಿರ್ಧಾರವಾಗಿದೆ ಎಂದಿದ್ದರು. ಜತೆಗೆ ಉತ್ತರ ಪ್ರದೇಶ ಮುಖ್ಯಮಂತ್ರಿ ಕರೆದಿದ್ದ ವಿಶೇಷ ಅಧಿವೇಶನದಲ್ಲಿ ಇವರು ಭಾಗಿಯಾಗಿದ್ದರು.
