ETV Bharat / bharat

ಮಹಾರಾಷ್ಟ್ರ, ತಮಿಳುನಾಡು ಸೇರಿ ಆರು ರಾಜ್ಯಗಳಲ್ಲಿ ಎನ್​ಐಎ ಕಾರ್ಯಾಚರಣೆ : ತೀವ್ರ ಶೋಧ

author img

By ETV Bharat Karnataka Team

Published : Oct 11, 2023, 9:56 AM IST

Updated : Oct 11, 2023, 12:08 PM IST

nia-raids-at-madurai-in-tamil-nadu-and-mumbai-in-maharashtra
ಮಹಾರಾಷ್ಟ್ರ, ತಮಿಳುನಾಡಿನಲ್ಲಿ ಬೆಳ್ಳಂಬೆಳಗ್ಗೆ ಎನ್​ಐಎ ಕಾರ್ಯಾಚರಣೆ : ತೀವ್ರ ಶೋಧ

ದೇಶದ ಆರು ರಾಜ್ಯಗಳಲ್ಲಿ ಎನ್​ಐಎ ಅಧಿಕಾರಿಗಳು ದಾಳಿ ನಡೆಸಿ ಶೋಧ ಕಾರ್ಯ ನಡೆಸಿದ್ದಾರೆ.

ಚೆನೈ/ ಮುಂಬೈ : ರಾಷ್ಟ್ರೀಯ ತನಿಖಾ ದಳದ ಅಧಿಕಾರಿಗಳು ಬುಧವಾರ ಬೆಳ್ಳಂಬೆಳಗ್ಗೆ ಕಾರ್ಯಾಚರಣೆ ನಡೆಸಿದ್ದಾರೆ. ಕಳೆದ ವರ್ಷ ಪ್ರಧಾನಿ ನರೇಂದ್ರ ಮೋದಿ ಬಿಹಾರ ಭೇಟಿ ವೇಳೆ ಗಲಭೆ ನಡೆಸಲು ಸಂಚು ರೂಪಿಸಿದ ಆರೋಪ ಪ್ರಕರಣ ಸಂಬಂಧ ಎನ್​ಐಎ ಅಧಿಕಾರಿಗಳು ದೇಶದ ವಿವಿದೆಡೆ ದಾಳಿ ನಡೆಸಿದ್ದಾರೆ. ಮಹಾರಾಷ್ಟ್ರ, ಉತ್ತರಪ್ರದೇಶ, ರಾಜಸ್ಥಾನ , ದೆಹಲಿ, ತಮಿಳುನಾಡು ಮತ್ತು ಮಧ್ಯಪ್ರದೇಶದಲ್ಲಿ ಎನ್​ಐಎ ಅಧಿಕಾರಿಗಳು ಏಕಕಾಲಕ್ಕೆ ದಾಳಿ ನಡೆಸಿದ್ದು, ಮಾಹಿತಿ ಕಲೆ ಹಾಕುತ್ತಿದ್ದಾರೆ. ಎನ್​ಐಎ ಅಧಿಕಾರಿಗಳು ನಿಷೇಧಿತ ಸಂಘಟನೆ ಪಾಪ್ಯುಲರ್​ ಫ್ರಂಟ್​ ಆಫ್​ ಇಂಡಿಯಾ (ಪಿಎಫ್​ಐ) ಮುಖಂಡರ ಮನೆ ಮೇಲೆ ದಾಳಿ ನಡೆಸಿದೆ ಎಂದು ತಿಳಿದುಬಂದಿದೆ.

ಆರು ರಾಜ್ಯಗಳಲ್ಲಿ ಎನ್​ಐಎ ಕಾರ್ಯಾಚರಣೆ : ದೇಶದ ಆರು ರಾಜ್ಯಗಳಲ್ಲಿ ಎನ್​ಐಎ ಅಧಿಕಾರಿಗಳು ಶೋಧ ಕಾರ್ಯ ನಡೆಸಿದ್ದಾರೆ. ರಾಜಸ್ಥಾನದ ಟೋಂಕ್, ಕೋಟಾ, ಗಂಗಾಪುರ್​ ಮತ್ತು ದೆಹಲಿಯ ಹೌಝ್​ ಕಾಜಿ, ಬಲ್ಲಿಮಾರನ್​ ಪ್ರದೇಶಗಳಲ್ಲಿ ದಾಳಿ ನಡೆಸಲಾಗಿದೆ. ಮಹಾರಾಷ್ಟ್ರದಲ್ಲಿ ಮುಂಬೈ, ಥಾಣೆ, ನವಿ ಮುಂಬೈ, ಭೀವಂಡಿ ಜಿಲ್ಲೆಗಳಲ್ಲೂ ಎನ್​ಐಎ ಆಧಿಕಾರಿಗಳು ಶೋಧ ನಡೆಸಿದ್ದಾರೆ. ಇದುವರೆಗೆ ಐದರಿಂದ ಏಳು ಜನರನ್ನು ಬಂಧಿಸಿದೆ ಎಂದು ವರದಿಯಾಗಿದೆ.

ತಮಿಳುನಾಡಿನಲ್ಲಿ ಎನ್​ಐಎ ದಾಳಿ : ತಮಿಳುನಾಡಿನ ಮಧುರೈ ಜಿಲ್ಲೆಯ ಹಲವು ಕಡೆಗಳಲ್ಲಿ ಎನ್​ಐಎ ಅಧಿಕಾರಿಗಳು ದಾಳಿ ನಡೆಸಿದ್ದಾರೆ. ಇಲ್ಲಿನ ಕಜಿಮಾರ್ ಸ್ಟ್ರೀಟ್​ನಲ್ಲಿ ಅಧಿಕಾರಿಗಳು ಕಾರ್ಯಾಚರಣೆ ನಡೆಸಿದ್ದಾರೆ. ಜಮಾತ್​ ಹಿಂದ್​ ಮೂವ್​ಮೆಂಟ್​ ಸಂಘಟನೆಯ ರಾಜ್ಯ ಪ್ರಧಾನ ಕಾರ್ಯದರ್ಶಿ ಮೊಹಮ್ಮದ್​ ತಾಜುದ್ದೀನ್​ ಮನೆ ಮೇಲೆ ದಾಳಿ ನಡೆಸಿರುವ ಅಧಿಕಾರಿಗಳು ಮಾಹಿತಿ ಕಲೆ ಹಾಕುತ್ತಿದ್ದಾರೆ​. ಈ ಸಂಘಟನೆ ಹಲವರು ಸರ್ಕಾರದ ವಿರುದ್ಧ ಕಾನೂನು ಬಾಹಿರ ಚಟುವಟಿಕೆ ನಡೆಸುತ್ತಿರುವುದಾಗಿ ಎನ್​ಐಎ ಅಧಿಕಾರಿಗಳು ತಿಳಿಸಿದ್ದಾರೆ.

ರೈಲು ಬಾಂಬ್​ ಸ್ಫೋಟ ಆರೋಪಿ ಮನೆಯಲ್ಲಿ ಶೋಧ : ಮಹಾರಾಷ್ಟ್ರದ ಮುಂಬೈ ಸೇರಿದಂತೆ ಹಲವು ಕಡೆಗಳಲ್ಲಿ ಎನ್​ಐಎ ಅಧಿಕಾರಿಗಳು ದಾಳಿ ನಡೆಸಿದ್ದಾರೆ. 2006ರ ಮುಂಬೈ ರೈಲ್​ ಬಾಂಬ್​ ಸ್ಪೋಟ ಪ್ರಕರಣದ ಪ್ರಮುಖ ಆರೋಪಿ ವಾಹಿದ್ ಶೇಖ್​ನ ಮನೆ ಮೇಲೆ ಎನ್​ಐಎ ದಾಳಿ ನಡೆಸಿದೆ. ವಿಖ್ರೋ​ಲಿಯಲ್ಲಿರುವ ಆರೋಪಿಯ ಮನೆಯಲ್ಲಿ ಅಧಿಕಾರಿಗಳು ಶೋಧ ಕಾರ್ಯ ನಡೆಸುತ್ತಿದ್ದಾರೆ.

ಮುಂಬೈ ಸ್ಫೋಟ ಪ್ರಕರಣ ಸಂಬಂಧ ಅಬ್ದುಲ್​ ವಾಹಿದ್​ ಶೇಖ್​ನಲ್ಲಿ ನ್ಯಾಯಾಲಯವು ಖುಲಾಸೆಗೊಳಿಸಿದೆ. ಆದರೆ ನಿಷೇಧಿತ ಪಿಎಫ್​ಐ ಸಂಘಟನೆ ಜೊತೆ ನಂಟು ಹೊಂದಿರುವ ಶಂಕೆ ಹಿನ್ನೆಲೆ ಎನ್​ಐಎ ಅಧಿಕಾರಿಗಳು ದಾಳಿ ನಡೆಸಿದ್ದಾರೆ ಎಂದು ಹೇಳಲಾಗಿದೆ.

ದೆಹಲಿಯ ನ್ಯೂಸ್‌ಕ್ಲಿಕ್ ಕಚೇರಿಯಲ್ಲಿ ಸಿಬಿಐ ಶೋಧ : ವಿದೇಶಿ ದೇಣಿಗೆ ನಿಯಂತ್ರಣ ಕಾಯ್ದೆಯ ಉಲ್ಲಂಘನೆ ಸಂಬಂಧ ನ್ಯೂಸ್‌ಕ್ಲಿಕ್ ವೆಬ್​ ಪೋರ್ಟಲ್​ ವಿರುದ್ಧ ಸಿಬಿಐ ಪ್ರಕರಣ ದಾಖಲಿಸಿದೆ. ಈ ಸಂಬಂಧ ಇಂದು ಕೇಂದ್ರ ತನಿಖಾ ದಳ(ಸಿಬಿಐ) ನ್ಯೂಸ್​ಕ್ಲಿಕ್​ ಕಚೇರಿಯಲ್ಲಿ ಶೋಧ ಕಾರ್ಯ ನಡೆಸಿದ್ದಾರೆ.

  • #WATCH | CBI conducts searches at the premises of NewsClick in Delhi.

    CBI registered a case against NewsClick for violation of the Foreign Contribution Regulation Act. pic.twitter.com/Z8h3FomDxc

    — ANI (@ANI) October 11, 2023 " class="align-text-top noRightClick twitterSection" data=" ">

ಇದನ್ನೂ ಓದಿ : NIA raids: ಐಸಿಸ್​ ಉಗ್ರ ಚಟುವಟಿಕೆ ಆರೋಪ.. ತಮಿಳುನಾಡು, ತೆಲಂಗಾಣದ 31 ಕಡೆ ಎನ್​ಐಎ ದಾಳಿ

Last Updated :Oct 11, 2023, 12:08 PM IST

TAGGED:

NIA Raids at Madurai in Tamil NaduNIA Raids at Mumbai in Maharashtratrain blast accused Wahid Sheikhಬಾಂಬ್​ ಸ್ಫೋಟ ಆರೋಪಿ ಮನೆಯಲ್ಲಿ ಶೋಧತಮಿಳುನಾಡಿನಲ್ಲಿ ಎನ್​ಐಎ ದಾಳಿ

Quick Links / Policies

Get Us On

ETV Bharat IOS AppETV Bharat Google App

Please write to us, for media partnership and Ad-sales inquiries. Email: adops@etvbharat.com

ಆಯ್ದ ಲೇಖನಗಳು

ಉಳಿತಾಯಕ್ಕೆ FD ಬೆಸ್ಟಾ, ಇಲ್ಲಾRD ನಾ?: ಭರ್ಜರಿ ಗಳಿಕೆಗೆ ಇಲ್ಲಿವೆ ಕೆಲ ಉಪಾಯಗಳು! - Fixed Deposit Vs Recurring Deposit

ದಿನವೊಂದಕ್ಕೆ ಎಷ್ಟು ನೀರು ಕುಡಿಯಬೇಕು?; ಎಷ್ಟು ಕುಡಿದರೆ ಸರಿ, ವೈಜ್ಞಾನಿಕ ಸಂಶೋಧನೆಗಳು ಹೇಳುವುದೇನು? - HOW MUCH OF WATER TO DRINK PER DAY

ಪಾದ - ಕೈಯಲ್ಲಿ ನೋವು, ಮರಗಟ್ಟುವ ಅನುಭವ ಆಗುತ್ತಿದೆಯಾ?; ಹಾಗಾದರೆ ಇದು ನರ ಹಾನಿಯ ಲಕ್ಷಣ ಇರಬಹುದು! - Pricking pain numbness in hands

ಸೂಪರ್​​​​​​​​​​​​​​- ಡೂಪರ್​ ನ್ಯೂಸ್​: ಬ್ಯಾಂಕ್​​​​ಗೆ ಹೋಗದೇ ಪಡೆಯಬಹುದು 1 ಲಕ್ಷದಿಂದ 15 ಲಕ್ಷ ರೂ. ಸಾಲ, ಸರ್ಕಾರದ ಈ ಬಂಪರ್​ ಯೋಜನೆ ಯಾವುದು? - PM SURAJ PORTAL LOAN

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.