ಕೌಲಾಲಂಪುರ್: ಎರಡು ಬಾರಿ ಒಲಿಂಪಿಕ್ ಪದಕ ವಿಜೇತೆ ಪಿವಿ ಸಿಂಧು ಮಲೇಷ್ಯಾ ಮಾಸ್ಟರ್ಸ್ ಬ್ಯಾಡ್ಮಿಂಟನ್ ಟೂರ್ನಿಯ ಮೊದಲ ಸುತ್ತಿನಲ್ಲಿ ಚೀನಾದ ಹೆ ಬಿಂಗ್ ಜಿಯಾವೊ ಅವರ ವಿರುದ್ಧ ಪ್ರಯಾಸದ ಜಯಗಳಿಸಿದರು. 7ನೇ ಶ್ರೇಯಾಂಕದ ಸಿಂಧು, ಬಿಂಗ್ ಜಿಯಾವೊ ಅವರನ್ನು 21-13 17-21 21-15 ಸೆಟ್ಗಳಲ್ಲಿ ಸೋಲಿಸಿ ಎರಡನೇ ಸುತ್ತಿಗೆ ಪ್ರವೇಶಿಸಿದರು. ಬಿಂಗ್ ಜಿಯಾವೊ ಅವರನ್ನು ಸೋಲಿಸಲು ಸಿಂಧು ಸುಮಾರು ಒಂದು ಗಂಟೆಕಾಲ ಸಮಯ ತೆಗೆದುಕೊಂಡರು.
7ನೇ ವಿಶ್ವಶ್ರೇಯಾಂಕದ ಪಿವಿ ಸಿಂಧು ಅವರು ಕಳೆದ ತಿಂಗಳು ನಡೆದ ಇಂಡೋನೇಷ್ಯಾ ಓಪನ್ ಸೂಪರ್ 1000 ಟೂರ್ನಿಯಲ್ಲಿ ಇದೇ ಬಿಂಗ್ ಜಿಯಾವೊ ವಿರುದ್ಧ ಆಟವಾಡಿ ಮೊದಲ ಸುತ್ತಿನಲ್ಲಿಯೇ ಸೋತು ನಿರ್ಗಮಿಸಿದ್ದರು. ಆದರೆ, ಈಗ ಮಲೇಷ್ಯಾ ಮಾಸ್ಟರ್ಸ್ನಲ್ಲಿ ಜಿಯಾವೊ ಅವರನ್ನು ಮೊದಲ ಸುತ್ತಿನಲ್ಲಿಯೇ ಸೋಲಿಸಿರುವುದು ಅಂದಿನ ಸೇಡು ತೀರಿಸಿಕೊಂಡಂತಾಗಿದೆ. ಆದಾಗ್ಯೂ ಚೀನಾ ಹೆಡ್ ಟು ಹೆಡ್ನಲ್ಲಿ 10-9 ರಿಂದ ಮುಂದಿದೆ.
ಪುರುಷರ ಸಿಂಗಲ್ಸ್‌ನಲ್ಲಿ ಬಿ ಸಾಯಿ ಪ್ರಣೀತ್ ಮತ್ತು ಪರುಪಳ್ಳಿ ಕಶ್ಯಪ್ ಇಬ್ಬರೂ ಗೆಲುವಿನೊಂದಿಗೆ ಎರಡನೇ ಸುತ್ತಿಗೆ ತೆರಳಿದರು. ವರ್ಮಾ ಅವರು ಕೆವಿನ್ ಕಾರ್ಡನ್ ವಿರುದ್ಧ 21-8 21-9 ಅಂತರದಲ್ಲಿ ಗ್ವಾಟೆಮಾಲನ್ ವಿರುದ್ಧ ಅರ್ಧ ಗಂಟೆಯೊಳಗೆ ಸುಲಭ ಗೆಲುವು ದಾಖಲಿಸಿದರೆ, ಕಶ್ಯಪ್ ಸ್ಥಳೀಯ ಆಟಗಾರ ಟಾಮಿ ಸುಗಿಯಾರ್ಟೊ ಅವರನ್ನು 16-21 21-16 21-16 ಗೇಮ್ಗಳ ಅಂತರದಿಂದ ಸೋಲಿಸಿದರು. ವರ್ಮಾ ಪ್ರಿ ಕ್ವಾರ್ಟರ್ ಫೈನಲ್‌ನಲ್ಲಿ ಲಿ ಶಿ ಫೆಂಗ್ ವಿರುದ್ಧ ಸೆಣಸಲಿದ್ದಾರೆ.
ಇದನ್ನು ಓದಿ:ಟೆನಿಸ್ ತಾರೆ ನೊವಾಕ್ ಜೊಕೊವಿಕ್‌ ಆಸ್ಟ್ರೇಲಿಯಾ ಪ್ರವೇಶಕ್ಕೆ ನಿರ್ಬಂಧ, ವೀಸಾ ರದ್ದು
