ನವದೆಹಲಿ: ದೇಶದಲ್ಲಿ ಸಾಕಷ್ಟು ವಿವಾದ ಮತ್ತು ವಿರೋಧಕ್ಕೆ ಕಾರಣವಾದ ಪೌರತ್ವ ತಿದ್ದುಪಡಿ ಕಾಯ್ದೆ (ಸಿಎಎ) ಅನುಷ್ಠಾನ ಇನ್ನೂ ಅನಿಶ್ಚಿತತೆಯಿಂದ ಕೂಡಿದೆ. ಈ ಕಾಯ್ದೆಯಡಿ ರೂಪಿಸಬೇಕಾದ ನಿಯಮಗಳು ಇನ್ನೂ ಕೇಂದ್ರ ಸರ್ಕಾರ ಅಂತಿಮಗೊಳಿಸಿಲ್ಲ. ಈ ನಿಯಮಗಳ ರೂಪಿಸಲು ಮತ್ತುಷ್ಟ ಕಾಲ ತೆಗೆದುಕೊಳ್ಳುವ ಸಾಧ್ಯತೆ ಇದೆ.
ಸಿಎಎ ಕಾಯ್ದೆಯು 2019ರ ಡಿಸೆಂಬರ್ 11ರಂದು ಸಂಸತ್ತಿನಲ್ಲಿ ಅಂಗೀಕರವಾಗಿತ್ತು. ಇದರ ಮರು ದಿನವೇ ಅಂದರೆ 12ರಂದು ರಾಷ್ಟ್ರಪತಿ ರಮಾನಾಥ ಕೋವಿಂದ್ ಒಪ್ಪಿಗೆ ಸೂಚಿಸಿದ್ದರು. 2020ರ ಜನವರಿ 1ರಿಂದಲೇ ಈ ಕಾಯ್ದೆ ಜಾರಿ ಬಂದಿದೆ. ಆದರೆ, ಈ ಕಾಯ್ದೆ ಅನ್ವಯದ ನಿಯಮಗಳು ಇನ್ನೂ ರೂಪಿಸಿಲ್ಲ.
ಈ ನಿಮಯಗಳ ರೂಪಿಸಿ, ಭಾರತದ ಗೆಜೆಟ್ನಲ್ಲಿ ಪ್ರಕಟಿಸುವ ಸಂಬಂಧ ಸಂಸತ್ತಿನ ಲೋಕಸಭೆ ಮತ್ತು ರಾಜ್ಯಸಭೆಯ ಸಮಿತಿಗಳಿಗೆ ಕೇಂದ್ರ ಗೃಹ ಸಚಿವಾಲಯವು 2021ರ ಏಪ್ರಿಲ್ 9ರವರೆಗೆ ಸಮಯ ಕೋರಿತ್ತು. ಬಳಿಕ ಜುಲೈವರೆಗೂ ಕಾಲಾವಕಾಶವನ್ನು ಪಡೆಯಲಾಗಿತ್ತು. ಆದರೂ, ಇನ್ನೂ ಕಾರ್ಯ ಪೂರ್ಣಗೊಂಡಿಲ್ಲ ಎಂದು 'ಈಟಿವಿ ಭಾರತ'ಕ್ಕೆ ಮೂಲಗಳು ಖಚಿತ ಪಡಿಸಿವೆ.
ವಿಳಂಬ ಯಾಕೆ?: ಕೋವಿಡ್ನಿಂದಾಗಿ ಸಿಎಎ ಕಾಯ್ದೆ ಅನ್ವಯ ನಿಮಯಗಳ ರೂಪಿಸುವಲ್ಲಿ ವಿಳಂಬವಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಯಾವುದೇ ಕಾಯ್ದೆ ಅನುಷ್ಠಾನಗೊಳ್ಳುವ ಮೊದಲು ಅದಕ್ಕೆ ನಿಯಮಗಳನ್ನು ರೂಪಿಸುವುದು ಅಗತ್ಯವಾಗಿರುತ್ತದೆ. ಹೀಗಾಗಿ ಈ ನಿಯಮಗಳನ್ನು ರೂಪಿಸುವ ಸಮಯ ಖಂಡಿತವಾಗಿಯೂ ವಿಸ್ತರಿಸಬಹುದು ಎಂದು ಅಧೀನ ಕಾನೂನು ಸಂಸದೀಯ ಸಮಿತಿಯ ಅಧ್ಯಕ್ಷ ಪ್ರತಾಪ್ ಸಿಂಗ್ ಬಾಜ್ವಾ ಹೇಳಿದ್ದಾರೆ. ಅಲ್ಲದೇ, ಈ ಸಂಬಂಧ ಗೃಹ ಸಚಿವಾಲಯದಿಂದ ಇನ್ನೂ ಯಾವುದೇ ಮಾಹಿತಿ ಲಭ್ಯವಾಗಿಲ್ಲ ಎಂದೂ ಅವರು ತಿಳಿಸಿದ್ದಾರೆ.
ಈ ಕುರಿತಂತೆ ಗೃಹ ಸಚಿವಾಲಯದ ಹಿರಿಯ ಅಧಿಕಾರಿ ಸಂಪರ್ಕಿಸಿದಾಗ, ನಿಯಮಗಳ ರೂಪಿಸಲು ಸಚಿವಾಲಯವು ಇತ್ತೀಚೆಗೆ ಇನ್ನೂ ಮೂರು ತಿಂಗಳ ಕಾಲಾವಕಾಶವನ್ನು ಕೋರಿದೆ. ಜತೆಗೆ ಸಚಿವಾಲಯವು ಈ ಸಂಬಂಧಪಟ್ಟ ಎಲ್ಲರೊಂದಿಗೂ ಸಮಾಲೋಚನೆ ನಡೆಸುತ್ತಿದೆ. ಕೋವಿಡ್ ಹಾವಳಿಯಿಂದಾಗಿಯೂ ಬೇಗ ನಿಯಮಗಳ ರೂಪಿಸಲು ಸಾಧ್ಯವಾಗಿಲ್ಲ ಎಂದಿದ್ದಾರೆ.
ಇದನ್ನೂ ಓದಿ: ಅಗ್ನಿ ಅನಾಹುತಕ್ಕೆ ಎಂಟು ತಿಂಗಳ ಮಗು ಸೇರಿ ಐವರು ಸಜೀವ ದಹನ
