ಮುಂಬೈ(ಮಹಾರಾಷ್ಟ್ರ): ತೆಲಂಗಾಣದ ಭಾರತ ರಾಷ್ಟ್ರ ಸಮಿತಿ ಮಹಾರಾಷ್ಟ್ರ ಗ್ರಾಮ ಪಂಚಾಯಿತಿ ಚುನಾವಣೆಯಲ್ಲಿ ಭಾರೀ ಸದ್ದು ಮಾಡಿದೆ. ಭಂಡಾರ ಮತ್ತು ನಾಂದೇಡ್ ಜಿಲ್ಲೆಗಳಲ್ಲಿ ಗ್ರಾಮ ಪಂಚಾಯಿತಿಗಳನ್ನು ಗೆಲ್ಲುವ ಮೂಲಕ ಬಿಆರ್ಎಸ್ ನೆರೆ ರಾಜ್ಯದಲ್ಲೂ ರಾಜಕೀಯ ಅಸ್ತಿತ್ವವನ್ನು ಕಂಡುಕೊಂಡಿದೆ.
ರಾಜ್ಯದಲ್ಲಿ ಇತ್ತೀಚೆಗೆ ನಡೆದ ಗ್ರಾಮ ಪಂಚಾಯಿತಿ ಚುನಾವಣೆಯ ಫಲಿತಾಂಶವನ್ನು ಬಿಡುಗಡೆ ಮಾಡಲಾಗಿತ್ತು. ವಿದರ್ಭದ ಅನೇಕ ಗ್ರಾಮ ಪಂಚಾಯಿತಿಗಳಲ್ಲಿ ಬಿಆರ್ಎಸ್ ಖಾತೆ ತೆರೆದಿದೆ. ಭಂಡಾರ ಜಿಲ್ಲೆಯೊಂದರಲ್ಲೇ 19 ಗ್ರಾಮ ಪಂಚಾಯಿತಿಗಳಲ್ಲಿ ಬಿಆರ್ಎಸ್ ವಿಜಯ ಪತಾಕೆಯನ್ನು ಹಾರಿಸಿದೆ ಎಂದು ಮಾಜಿ ಶಾಸಕ ಮತ್ತು ಬಿಆರ್ಎಸ್ ಮುಖಂಡ ಚರಣ್ ವಾಘ್ಮರೆ ಹೇಳಿದ್ದಾರೆ. ನಾಂದೇಡ್ ನಲ್ಲಿಯೂ ಗುಲಾಬಿ ಪಕ್ಷ ಚಂಡಮಾರುತ ಸೃಷ್ಟಿಸಿದೆ ಎಂಬುದು ಈ ಚುನಾವಣೆಯಿಂದ ಸ್ಪಷ್ಟವಾಗಿದೆ. ಆದ್ದರಿಂದ, ಮುಂಬರುವ ಚುನಾವಣೆಯಲ್ಲಿ ಬಿಜೆಪಿ, ಎಸ್ಸಿಪಿ, ಕಾಂಗ್ರೆಸ್ ಮತ್ತು ಶಿವಸೇನೆಯ ಎರಡೂ ಮೈತ್ರಿಕೂಟಗಳಿಗೆ ಪೈಪೋಟಿ ನೀಡುವುದಾಗಿ ಭಾರತ ರಾಷ್ಟ್ರ ಸಮಿತಿ ಸ್ಪಷ್ಟಪಡಿಸಿದೆ.
ಭಂಡಾರ ಜಿಲ್ಲೆಯ 66 ಗ್ರಾಪಂಗಳ ಫಲಿತಾಂಶವನ್ನು ಸೋಮವಾರ ಪ್ರಕಟಿಕೊಂಡಿದೆ. ಈ ಚುನಾವಣೆಯಲ್ಲಿ ಇದೇ ಮೊದಲ ಬಾರಿಗೆ ತನ್ನ ಅಭ್ಯರ್ಥಿಗಳನ್ನು ಕಣಕ್ಕಿಳಿಸಿದ್ದ ಬಿಆರ್ಎಸ್, 11 ಗ್ರಾಪಂಗಳನ್ನು ವಶಪಡಿಸಿಕೊಂಡಿದೆ. ಆಡಳಿತಾರೂಢ ಬಿಜೆಪಿಗೆ ಸೆಡ್ಡು ಹೊಡೆದಿರುವುದರ ಜೊತೆಗೆ ಕಾಂಗ್ರೆಸ್ ರಾಜ್ಯಾಧ್ಯಕ್ಷ ನಾನಾ ಪಟೋಳೆಗೆ ಅವರದೇ ಜಿಲ್ಲೆಯಲ್ಲಿ ಕಾಂಗ್ರೆಸ್ ಅನ್ನು ಬಿಟ್ಟು ಮುಂಬರುವ ಚುನಾವಣೆಯಲ್ಲಿ ನಾವು ಸ್ಪರ್ಧಿಸಲು ಸಿದ್ಧ ಎಂಬ ಸಂದೇಶ ರವಾನಿಸಿದೆ.
ಭಂಡಾರ ಜಿಲ್ಲೆಯ 66 ಗ್ರಾಮ ಪಂಚಾಯಿತಿಗಳಿಗೆ ಚುನಾವಣೆ ನಡೆಯಬೇಕಿತ್ತು. ಆದರೆ, ಇವರಲ್ಲಿ ಇಬ್ಬರು ಅವಿರೋಧವಾಗಿ ಆಯ್ಕೆಯಾದರು. ಹಾಗಾಗಿ ಉಳಿದ ಸ್ಥಾನಗಳಿಗೆ ಮತದಾನ ನಡೆದಿತ್ತು. ಈ ಪೈಕಿ ಮೊಹದಿ ತಾಲೂಕು ಅತಿ ಹೆಚ್ಚು 57 ಗ್ರಾಪಂ ಗಳನ್ನು ಹೊಂದಿತ್ತು. ಈ ಬಾರಿಯ ಚುನಾವಣೆಯಲ್ಲಿ ಮೊದಲ ಬಾರಿಗೆ ಬಿಆರ್ಎಸ್ ನಿಂದ 50 ಅಭ್ಯರ್ಥಿಗಳು ಕಣದಲ್ಲಿದ್ದರು. ಈ ಪೈಕಿ 19 ಕಡೆ ಬಿಆರ್ಎಸ್ ಅಭ್ಯರ್ಥಿಗಳು ಆಯ್ಕೆಯಾಗಿದ್ದಾರೆ. ಮುಂಬರುವ ವಿಧಾನಸಭಾ ಚುನಾವಣೆ ಹಾಗೂ ಲೋಕಸಭೆ ಚುನಾವಣೆಯಲ್ಲಿ ಬಿಆರ್ಎಸ್ ಪಕ್ಷ ತನ್ನ ಪ್ರಾಬಲ್ಯ ತೋರಲಿದೆ ಎಂದು ಮಾಜಿ ಶಾಸಕ ಚರಣ್ ವಾಘ್ಮರೆ ಭವಿಷ್ಯ ನುಡಿದಿದ್ದಾರೆ.
ಬಿಆರ್‌ಎಸ್‌ನ ವಿಜೇತ ಅಭ್ಯರ್ಥಿಗಳು: ಅಂಶಬಾಯಿ ಗೋವಿಂದ ಅಡೆ, ಶಾಂತಾಬಾಯಿ ಶಿವಾಜಿ ರಾಠೋಡ್, ವಿನಯ್ ಮರೋಟಿ ಚವ್ಹಾಣ್, ತುಳಸಾಬಾಯಿ ಶಂಕರ ಚವ್ಹಾಣ್, ರಾಮರಾವ್ ವಸ್ರಾಮ್ ಚವ್ಹಾಣ್, ಮೋತಿರಾಮ್ ಠಾಕರ ಚವ್ಹಾಣ್.
ನಾಂದೇಡ್ ಜಿಲ್ಲೆಯ ಒಟ್ಟು 64 ಗ್ರಾಪಂ ಸ್ಥಾನಗಳ ಫಲಿತಾಂಶ: ಬಿಜೆಪಿ 10, ಶಿವಸೇನೆಯ ಶಿಂಧೆ ಗುಂಪು 0, ಠಾಕ್ರೆ ಗುಂಪು 0, ಅಜಿತ್ ಪವಾರ್ ಗುಂಪು 25 (2 ಅವಿರೋಧ), ಶರದ್ ಪವಾರ್ ಗುಂಪು 03, ಕಾಂಗ್ರೆಸ್ 9, ಬಿಆರ್ಎಸ್ 11 ಗ್ರಾಮ ಪಂಚಾಯಿತಿಗಳಲ್ಲಿ ಗೆಲುವ ಸಾಧಿಸಿದೆ.
ಇದನ್ನೂ ಓದಿ: ಬಿಜೆಪಿ ಅಧಿಕಾರಕ್ಕೆ ಬಂದರೆ ವಿಶ್ವದ 3ನೇ ಆರ್ಥಿಕ ಶಕ್ತಿ.. ಕಾಂಗ್ರೆಸ್ ಬಂದ್ರೆ ಶೇ '85ರಷ್ಟು ಕಮಿಷನ್' ಜಾರಿ: ಮೋದಿ
