ರಾಂಚಿ: 81 ಕ್ಷೇತ್ರಗಳನ್ನು ಹೊಂದಿರುವ ಜಾರ್ಖಂಡ್ ವಿಧಾನಸಭೆಗೆ ಕೇಂದ್ರ ಚುನಾವಣಾ ಆಯೋಗ ಚುನಾವಣಾ ದಿನಾಂಕ ಘೋಷಣೆ ಮಾಡಿದೆ. ಒಟ್ಟು 5 ಹಂತಗಳಲ್ಲಿ ಮತದಾನ ನಡೆಯಲಿದ್ದು ನವೆಂಬರ್ 30ರಿಂದ ಮತದಾನ ಆರಂಭಗೊಳ್ಳಲಿದೆ.
ಕೇಂದ್ರ ಚುನಾವಣಾಧಿಕಾರಿ ಸುನೀಲ್ ಅರೋರಾ ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದ್ದು, ಕ್ರಿಸ್‌ಮಸ್‌ಗೂ ಮುನ್ನ ಚುನಾವಣೆ ಪ್ರಕ್ರಿಯೆ ಮುಗಿಯಲಿದ್ದು, ಇಂದಿನಿಂದಲೇ ಮಾದರಿ ನೀತಿ ಸಂಹಿತೆ ಜಾರಿಗೊಳ್ಳಲಿದೆ ಎಂದು ತಿಳಿಸಿದ್ದಾರೆ.
ಐದು ಹಂತದಲ್ಲಿ ಮತದಾನ
- ನವೆಂಬರ್ 30: 13 ಕ್ಷೇತ್ರಕ್ಕೆ ಮೊದಲ ಹಂತ
- ಡಿಸೆಂಬರ್7: 20 ಕ್ಷೇತ್ರಕ್ಕೆ ಎರಡನೇ ಹಂತ
- ಡಿಸೆಂಬರ್ 12: 17ಕ್ಷೇತ್ರಕ್ಕೆ ಮೂರನೇ ಹಂತ
- ಡಿಸೆಂಬರ್ 16: 15ಕ್ಷೇತ್ರಕ್ಕೆ ನಾಲ್ಕನೇ ಹಂತ
- ಡಿಸೆಂಬರ್ 20: 16ಕ್ಷೇತ್ರಕ್ಕೆ ಐದನೇ ಹಂತ
- ಫಲಿತಾಂಶ: ಡಿಸೆಂಬರ್ 23ಜಾರ್ಖಂಡ್ ವಿಧಾನಸಭೆ ಚುನಾವಣೆ
ರಾಜ್ಯದ 19 ಜಿಲ್ಲೆಗಳನ್ನು ಹೆಚ್ಚು ಸೂಕ್ಷ್ಮ ಮತಗಟ್ಟೆಗಳು ಎಂದು ಘೋಷಣೆ ಮಾಡಲಾಗಿದ್ದು, ಇವು 67 ವಿಧಾನಸಭಾ ಕ್ಷೇತ್ರಗಳನ್ನೊಳಗೊಂಡಿವೆ. ಜಾರ್ಖಂಡ್ನಲ್ಲಿ ಸದ್ಯ ರಘುವರ್ ದಾಸ್ ನೇತೃತ್ವದ ಬಿಜೆಪಿ ಸರ್ಕಾರ ಆಡಳಿತ ನಡೆಸುತ್ತಿದ್ದು, ಮುಂದಿನ ವರ್ಷ ಜನವರಿ 5ರಂದು ಸರ್ಕಾರದ ಅವಧಿ ಮುಕ್ತಾಯಗೊಳ್ಳಿದೆ.
2014ರ ವಿಧಾನಸಭಾ ಚುನಾವಣೆಯಲ್ಲಿ 81 ಕ್ಷೇತ್ರಗಳ ಪೈಕಿ ಬಿಜೆಪಿ 37 ಕ್ಷೇತ್ರ, ಜೆಎಂಎಂ 19, ಜಾರ್ಖಂಡ್ ವಿಕಾಸ್ ಮೊರ್ಚಾ 8 ಹಾಗೂ ಕಾಂಗ್ರೆಸ್ 6 ಕ್ಷೇತ್ರಗಳಲ್ಲಿ ಗೆಲುವು ಪಡೆದಿತ್ತು.
