पुलिस तीरंदाजी प्रतियोगिता कु शुभारंभ: देहरादून पुलिस लाइन मा उत्तराखंड पुलिस द्वारा आयोजित 11वीं अखिल भारतीय पुलिस तीरंदाजी प्रतियोगिता-2022 कु उद्घाटन सीएम पुष्कर सिंह धामी न कोरी. इस दौरान सीएम धामी न तीरंदाजी मा हाथ भी आजमाई. वखी मुख्यमंत्री धामी न प्रदेश मा खेल कोटा पुनः प्रारंभ करनु क घोषणा भी कोरी. प्रतियोगिता मा19 राज्यों क पुलिस टीम समेत सशस्त्र बलों क सबू थै मिलाकर 26 टीम प्रतिभाग करना छन.
तीरथ न लोकसभा मा उठैई उत्तराखंडी बोली कु मुद्दा: गढ़वाल लोकसभा सांसद तीरथ सिंह रावत न आज संसद क शून्यकाल मा देवभूमि उत्तराखंड क लोक भाषा गढ़वाली, कुमाऊंनी व जौनसारी कु अन्य क्षेत्रीय भाषाओं क भांति संविधान क आठवीं अनुसूची मा सम्मिलित करणु व संवैधानिक दर्जा देन क संबंध मा मांग कोरी.
हरीश रावत न सिंधिया कु बतैई मौसमी पक्षी: उत्तराखंड पूर्व सीएम हरीश रावत न भाजपा नेता ज्योतिरादित्य सिंधिया अर ऊंक जैसा नेता ज्यूंन कांग्रेस छोड़ी ऊंथै मौसमी पक्षी बतैई. हरीश रावत न ईटीवी भारत कु दैई एक्सक्लूसिव इंटरव्यू मा बोली कि यन नेता पतझड़ आन पर घोंसला बदल दैणा छन. हरीश रावत न बोली कि हम जैसा कांग्रेसी पतझड़ आन पन वसंत कु इंतजार करदा छन अर इस दौरान पेड़ कु खाद पानी दैन रहंदा.
पुलकित क पिता विनोद आर्य पन ड्राइवर न लगैई आरोप: उत्तराखंड क पूर्व राज्य मंत्री अर अंकिता हत्याकांड क मुख्य आरोपी पुलकित आर्य क पिता डॉ विनोद आर्य क खिलाफ ऊंक ड्राइवर न रिपोर्ट दर्ज करैई च. पीड़ित ड्राइवर न विनोद आर्य पन बार-बार ऊंक साथ अप्राकृति संबंध बनाणु क प्रयास करणु कु आरोप लगैई.
HC न UKPCB क आदेश पन लगैई रोक: उत्तराखंड हाईकोर्ट न उत्तराखंड प्रदूषण नियंत्रण बोर्ड क प्रदूषण बोर्ड मा रजिस्ट्रेशन एवं ईपीआर एक्शन प्लान पेश न करणु कु आदेश पन अग्रिम आदेश तक रोक लगै. कोर्ट न बोर्ड कु 20 दिसंबर तक जवाब पेश करणु कु बोली च. मामला क अगला सुनवाई 20 दिसंबर कु व्हाल.
उत्तराखंड मा खुलला 1800 वेलनेस सेंटर: मेडिकल कॉलेज श्रीनगर मा 3 लाख 50 लीटर क्षमता वाल पानी क टैंक क स्वास्थ्य मंत्री धन सिंह रावत न उद्घाटन कोरी. पानी क टैंक बनणु थै लोगों कु राहत मिलला. उन्होंन बतैई कि पूरे प्रदेश भर मा 1800 वेलनेस सेंटर बणै जाणु कु योजना तैयार की ग्याई च.
'शिवा' बनी शाकिब न युवती दगड़ कोरी दुष्कर्म: शिवा ठाकुर बन शाकिब सैफी न रामनगर क लड़की दगड़ जबरन शारीरिक संबंध बनैई. येका बाद धर्म बदलने कु दबाव बनैई. धर्म न बदलना पन वैक पिटाई कोरी. पुलिस न युवती क तहरीर पन शाकिब समेत 5 लोगों कु खिलाफ उत्तराखंड धार्मिक स्वतंत्रता अधिनियम 2018 क साथ कई धाराओं मा मुकदमा दर्ज कैरी च. धर्मांतरण विरोधी कानून कु तहत यूं केस दर्ज कैरी ग्याई च.
मोस्टवांटेड सुशील गुज्जर चार गुर्गों दगड़ गिरफ्तार: उत्तराखंड पुलिस न उत्तर प्रदेश अर दिल्ली पुलिस क मोस्ट वांटेड सुशील कुमार गुज्जर समेत गैंग क 4 कुख्यात अपराधियों कु मेरठ अर देहरादून क आशारोड़ी चेकपोस्ट इलाके थै गिरफ्तार केरी च. सुशील कुमार गुज्जर क इस गिरोह न पिछला दिनों देहरादून रेस कोर्स मा एक बड़ू व्यापारी कु दिनदहाड़े बंधक बनैई लाखों क लूट कु अंजाम दैई च. पुलिस टीम क इस कामयाबी पन पौने दुई लाख क इनाम दैई ग्याई च.
लक्सर मा जमीन विवाद मा दुई पक्षों मा मारपीट: हरिद्वार की लक्सर तहसील क शेरपुर बेला अर माडा बेला गांव क सीमा पन ग्राम पंचायत क जमीन कु खातिर दोनों गांव क ग्रामीणों मा विवाद शुरू ह्वैगी, जो मारपीट अर पथराव मा तब्दील ह्वै ग्याई वखी, मौके पन पौछिंन पुलिस क ऊपर भी ग्रामीणों न पथराव कैरी. जैका बाद मौके पन हरिद्वार एसएसपी पोछिंन अर मामला कु शांत कराई. गांव मा भारी पुलिस बल तैनात च. साथ मा आरोपियों कु खिलाफ कार्रवाई जारी च.
डोईवाला क धन्याड़ी पुल क अप्रोच रोड मा ऐई दरार: त्रिवेंद्र सिंह रावत क सरकार मा बणै धन्याड़ी पुल क एप्रोच रोड क एक हिस्सा धंस गैई. मार्ग मा भारी वाहनों क आवाजाही पन रोक लगैई ग्याई च. बथै दी कि साल 2018 मा पुल क निर्माण कैरी ग्याई. लेकिन पुल बनणु कु एक साल बाद बड़ासी पुल क अप्रोच रोड धंस गैई. वखी, अब धन्याड़ी पुल क अप्रोच रोड भी धंस गैई च. नयू पुल क अप्रोच रोड मा ऐई दरारों कु कारण ग्रामीणों मा भारी गुस्सा च.
चीन-तिब्बत सीमा पन अलर्ट: वखी, अरुणाचल प्रदेश क तवांग मा चीनी सेना की हरकत क बाद उत्तराखंड मा भी सीमाओं पन सैनिकों की संख्या कु बढ़ै देई ग्यै च. उत्तराखंड मा 345 किलोमीटर कु क्षेत्र चीन अर चीन अधिकृत तिब्बत सीमा से सट्यूं च. यन मा उत्तरकाशी क नेलांग घाटी मा माइनस 4 डिग्री अर न्यूनतम तापमान -10 डिग्री क बीच भारतीय सेना अर आईटीबीपी क जवान तैनात छन.
