हिमाचल मानवाधिकार आयोग ए जारी कितेया नोटिस
शिमले रे डाउनडेल च 6 साला रे बच्चे योगराज रे तेंदुए रे हमले ते मारे जाणे रे मामले च पुलिस अधीक्षक शिमला, उप अरण्यपाल वन्य प्राणी कन्ने डीएफओ वन्य प्राणी शिमला शहर जो नोटिस जारी होया है. हिमाचल प्रदेश मानवाधिकार आयोग ए इस मामले री सुनवाई 22 नवंबर जो रखी है.
पब्लिक सर्विस कमीशन ए जारी कितेया पेपरां रा शेड्यूल
हिमाचल पब्लिक सर्विस कमीशन ए एचएएस रे पेपरां रा शेड्यूल जारी करी दितेया ए. कमीशन ए ऑफिशियल वेबसाइटा पर भी पेपरां रा शेड्यूल अपलोड कितेया है.
सी. पालरासु ते सरकार ए छीनी लितेया खाद्य आपूर्ति विभाग
आईएएस अफसर सी. पालरासु (IAS officer C. Palrasu) ते खाद्य आपूर्ति जेड़ा अहम विभाग वापस लेई लितेया गया है. कैबिनेट मीटिंग रे दौरान खाद्य आपूर्ति विभाग ते जुड़ी कुछ गलां ब्रीफ करने लेई उक्त अफसर जो सदेया गया था. जिस च तिस री हालत ठीक नी थी. बाद च तिनां जो मीटिंग ते चली जाणे लेई केहा गेया. ऐसे च कैबिनेट च गहमागहमी रे बाद ते एक्शन लितेया गया.
मंडी च राज्य रा दूजा विश्वविद्यालय खोलने जो लेई ने कमेटी गठित
मंडी च राज्य रा दूजा विश्वविद्यालय खोलना मुख्यमंत्री जयराम ठाकुर रा महत्वकांक्षी प्रोजेक्ट है. अगर ये प्रोजेक्ट जल्द पूरा होआं तां हिमाचल प्रदेश विश्वविद्यालय रे बाद मंडी च सूबे रा दूजा विश्वविद्यालय होगा. दो विश्वविद्यालयां च प्रदेश रे छह-छह जिलेयां रे कॉलेजां जो बंडेया जाणा. मंडी विश्वविद्यालय री अधिसूचना जारी होने पर ऐथी अलग ते उपकुलपति कन्ने रजिस्ट्रार री नियुक्ति कीती जाणी. इसदे लेई अध्यादेश च अलग ते नियमां रे प्रावधान किते जाणे.
हिमाचल च 100 फीसदी क्षमता रे कन्ने चलणी बसां
प्रदेश च 50 फीसदी ते ज्यादा यात्रियां जो बसा च बैठाने पर लगी रोक हटाई दिती गई है. हुण प्रदेश च 100 फीसदी क्षमता रे कन्ने बसां चलणी. सोमवारा जो कैबिनेट मीटिंग च ये फैसला लितेया गया है. हुण सरकारी बसां च शत प्रतिशत सीटां पर सवारियां जो बैठाई जाई सकां.
शिमला पहुंची कांग्रेस की राष्ट्रीय प्रवक्ता
कांग्रेस री राष्ट्रीय प्रवक्ता सुप्रिया श्रीनेत शिमला पहुंची हैं. इस दौरान पत्रकारां ने गल करदे होए तिनें केहा कि कैग रे पूर्व हेड विनोद राय ए पूर्व सांसद संजय निरुपम ते माफी मंगी लीती है. ऐसे च कांग्रेस रे खिलाफ होए षड्यंत्र रा पर्दाफाश होई गेया है. तिनें केहा कि आरएसएस कन्ने बीजेपी री संस्थां रे इशारे पर ये सब होया था. वहीं, नोटबंदी पर तिनें केहा कि देश री अर्थव्यवस्था तबाह होई गई है.
हिमाचल री जनता रे सामणे 4 साल रा लेखा-जोणा रखणा जयराम सरकारा
चुनावी साल च जयराम सरकारा चार साल रा लेखा-जोखा लेई ने जनता रे बीच जाणा. चुनाव ते पहले भाजपा ए स्वर्णिम हिमाचल दृष्टिपत्र-2017 तैयार कितेया था. सरकार ये दावा करा दी है कि दृष्टि पत्र री अधिकांश घोषणां कन्ने वादे पूरे किते जाई चुके हन. सोमवारा जो कैबिनेट मीटिंग (Cabinet Meeting) च स्वर्णिम दृष्टि पत्र कन्ने चार साल रे कार्यकाल रा आकलन कितेया गया.
कंगना रनौत पद्मश्री अवार्ड ते सम्मानित, CM जयराम ए दीती बधाई
फिल्म जगत च एक्ट्रेस कंगना रनौत (Actress Kangana Ranaut) जो पद्म श्री (Padma Shri) ते सम्मानित कितेया गेया है. वहीं, मुख्यमंत्री जयराम ठाकुर (Chief Minister Jai Ram Thakur) ए भी कंगना रनौत जो बधाई दीती है. मुख्यमंत्री ए केहा कि कंगना रनौत जो मिले इस सम्माना पर पूरे हिमाचला जो गर्व री अनुभूति होई है.
हिमाचल सरकार रे स्कूल खोलने के फैसले पर बोले बिलासपुर के अभिभावक
हिमाचल प्रदेश च 10 कन्ने 15 तारीख ते छोटे बच्चेयां लेई स्कूल खुली जाणे. ये फैसला सोमवारा जो होई कैबिनेट बैठक च लितेया गेया है. सरकार रे इस फैसले पर बिलासपुर रे लोकें अपणी प्रतिक्रिया दीती है. अभिभावकां रा केहणा है कि बच्चेयां हुण स्कूल जाणा तां सही मायने च पढ़ाई री परिभाषा जो समझी पाणा.
आगामी विधानसभा चुनाव च भुगतने होणे परिणाम: HRTC पेंशनर
हिमाचल परिवहन सेवानिवृत्त कर्मचारी कल्याण मंच (Himachal Transport Retired Employees Welfare Forum ) ए हमीरपुर च इक बैठक करी ने आगामी रणनीति पर चर्चा कीती. जिला प्रधान अजमेर ठाकुर ए केहा कि 17 कन्ने 18 नवंबरा जो मंडी च प्रदेश कार्यसमिति री अहम बैठक च सरकार कन्ने प्रबंधन रे प्रति मांगां जो लेई ने रणनीति बनाई जाणी. एचआरटीसी रे रिटायर्ड कर्मचारियें सरकारा जो अल्टीमेटम दितेया है कि यदि तिनां री मंगां पूरी नी होई तां आगामी विधानसभा चुनावां च सरकारा जो इसरा परिणाम भुगतना होणा.
ये भी पढ़ें- Petrol-Diesel Price: आज भी नहीं बढ़ी तेल की कीमतें, जानें अपने शहर का दाम
