कांग्रेस री जीत जश्न रे लायक नी है: सीएम जयराम ठाकुर

तुहांरी बोलिया जो जिंदा रखने री ईटीवी भारत ने कीती पहल, पूरे प्रदेशा रा हाल जाणा बस इक क्लिका पर...

महंगाई कन्ने NOTA ए बिगाड़ेया हिमाचल च भाजपा रा खेल, भीतरघात ए भी बढ़ाई चिंता

हिमाचल च सत्ता रे सेमी फाइनल च भाजपा बुरी तरह ते हारी गई. मंडी लोकसभा सीट समेत तीनों विधानसभा सीटां पर भाजपा जो हार रा सामणा करना पैया. प्रदेश रे मुख्यमंत्री जयराम ठाकुर ए केहा कि भाजपा ए जीत रे लिए हर संभव प्रयास किते, लेकिन कांग्रेस ए महंगाई जो हथियार रे रूप च इस्तेमाल कितेया है. सीएम ए केहा कि मंडी रे चुनावी इतिहास च ये सबते घट अंतर री जीत है.

बेरोजगारें ए भरेया पुलिस रा खजाना, दो लाख आवेदनां ते जमा होई 6 करोड़ री रकम

बेरोजगारी री मार झेला दे हिमाचल प्रदेश च पुलिस विभाग ए भर्ती आवेदन ते करीब 6 करोड़ रुपये री रकम जमा कीती है. 1334 पदां लेई 2 लाख ते ज्यादा युवाएं आवेदन किते हन. इक अनुमान रे अनुसार हिमाचल प्रदेश च साल भर च 18,000 पदां पर भर्तियां होई हैं कन्ने शुल्क रे रूप च 30 करोड़ रुपए री रकम जमा होई है. बड़ी गल है कि हर भर्ती किसी न किसी कारण विवाद च रेहंदी है. प्रदेश च फिलहाल 8,27,712 युवा बेरोजगार हन.

Covid Update: देश च 250 दिनां च कोरोना एक्टिव केस सबसे घट, हिमाचल च इक दिन च 4 लोकां री मौत

केंद्रीय स्वास्थ्य मंत्रालय (Union Health Ministry) री ओर ते मंगलवारा जो जारी आंकड़ेयां रे अनुसार देश च 24 घंटेयां च कोरोना रे 10,423 नए मामले आए हन. कोरोना री वजह ते 443 लोकां री मौत भी होई है. वहीं, हिमाचल प्रदेश च इक दिन च कोरोना रे 168 नए मामले सामने आए हन. प्रदेश च पिछले 24 घंटेयां च कोरोना ते चार आदमियां री मौत होई है. प्रदेश च कोरोना संक्रमण (Corona Infection) ते हुण तक 3,745 लोकां री मौत होई चुकी है.

शिमला फल मंडी च कमिशन एजेंट रे कन्ने लखां रुपये री ठगी, जांच च जुटी पुलिस

पुलिस री ओर ते प्रदेश च बागवानां कन्ने किसानां ते विशेष सावधानी बरतने री अपील कीती गई है, ताकि लोक ठगी रा शिकार होणे ते बची सकें. इसरे बावजूद राजधानी शिमला च ठगी रे मामले आए दिन सामने आदे हन. ठगी रा नया मामला फल मंडी भट्टाकुफर रा है, जहां इक कमिश्न एजेंट रे कन्ने महाराष्ट्र रे एक बंदे लखां रुपये री ठगी कीती है. मामले री पुष्टि डीएसपी कमल वर्मा (DSP Kamal Verma) ए कीती है. तिनें केहा कि पुलिस ए मामला दर्ज करी ने जांच शुरू करी दीती है.

हिमाचल उपचुनाव: कांग्रेस री शानदार जीत ते राजीव शुक्ला गदगद, बोले- जीत रा देशव्यापी असर होणा

हिमाचल प्रदेश उपचुनाव च कांग्रेस री जीत पर कार्यकर्ता कन्ने नेता खुश हन. वहीं, हिमाचल प्रभारी राजीव शुक्ला ए जनता रा धन्यवाद करदे होए केहा कि प्रदेश री जनता ए भाजपा जो सत्ता ते हटाणे रा मन बनाई लितेया है. राजीव शुक्ला ए दावा करदे होए केहा कि निश्चित तौर आगामी विधानसभा चुनाव च हिमाचल च कांग्रेस री सरकार बनणी.

धनबल पर जनबल री जीत, मुख्यमंत्री दें इस्तीफा: कुलदीप राठौर

उपचुनावां च कांग्रेस जो मिली बड्डी जीत रे बाद पार्टी रे प्रदेशाध्यक्ष कुलदीप सिंह राठौर ए जनता रा आभार जताया है. राठौर ए केहा कि उपचुनावां च धनबल पर जनबल री जीत होई है. तिनें केहा कि इस हार रे बाद मुख्यमंत्री जो चाहिए वो अपणे पदा ते इस्तीफा दें कन्ने प्रदेश च तुरन्त चुनाव करवाए जाएं.

कांग्रेस री जीत जश्न रे लायक नी है: सीएम जयराम ठाकुर

हिमाचल प्रदेश च इक लोकसभा कन्ने तीन विधानसभा सीटां पर होए उपचुनाव च कांग्रेस ए सारी सीटां पर जीत दर्ज कीती है. वहीं, उपचुनाव च मिली हार रे बाद सीएम जयराम ठाकुर ए केहा कि बेशक महंगाई वैश्विक मुद्दा है कन्ने इसो कांग्रेस ए हथियार रे रूप च इस्तेमाल कितेया है. सीएम ए केहा कि मंडी रे चुनावी इतिहास च ये सबते घट अंतर री जीत है. कांग्रेस री जीत जश्न रे लायक नी है.

विक्रमादित्य सिंह ए जनता जो दितेया कांग्रेस री जीत रा श्रेय

हिमाचल प्रदेश च होए उपचुनाव च कांग्रेस ए एकतरफा जीत हासिल कीती है. कांग्रेस जो जीताणे लेई विधायक विक्रमादित्य ए प्रदेश री जनता रा आभार जताया है. तिनें केहा कि जनता पढ़ी लिखी कन्ने समझदार है कन्ने येही कारण है कि भाजपा जनता जो गुमराह करने च नाकाम रेही. विक्रमादित्य सिंह ए केहा कि जीत ए तय करी दितेया कि मंडी एथी री जनता री है ये किसी व्यक्ति विशेष री नी है.

बर्फ ते ढके रोहतांग दर्रे रा दीदार करने पहुंच दा सैलानी, कारोबारियों रे चेहरां पर लौटी रौनक

बर्फ री सफेद चादर ओढ़े रोहतांग दर्रा देश-विदेश ते आणे वाले सैलानियां लेई आकर्षण रा केंद्र बणी रा. रोजाना बढ़ा दी सैलानियां री भीड़ ते हुण घाटी रे पर्यटन कारोबारियां रे चेहरां पर भी रौनक लौटी आई है, लेकिन मौसम विभाग रे द्वारा आणे वाले दिनां च मौसम खराब होणे री संभावना जताई है. ऐसे च रोहतांग दर्रे च पर्यटकां री आवाजाही हुण मौसमा री परिस्थितियां पर ही निर्भर रेहणी.

हमीरपुर शहर रे इनां जगहां पर नहीं जलाई पाणा पटाखे

रोशनी कन्ने खुशियां रे त्योहार दीपावली रे दिन लोक खूब पटाखे करां ए. ऐसे च कोई अप्रिय घटना ना घटे इसो लई ने हमीरपुर प्रशासन ए कुछ आदेश जारी किते हन. जिला दण्डाधिकारी देवश्वेता बनिक रे आदेशां रे अनुसार 2 ते 4 नवंबर तक हमीरपुर शहर च मिनी सचिवालय ते हॉस्पिटल तक कन्ने पेट्रोल पंप ते भोटा चौक तक मुख्य बाजार च पटाखेयां री बिक्री या जमा करने पर प्रतिबंध रेहणा. इसी तरह मेन बाजार नादौन, सुजानपुर, भोटा, बड़सर, जाहू, भरेड़ी, भोरंज, गलोड़ और बिझड़ी के मुख्य बाजार च भी ये पाबंदी लागू रेहणी.