बाहरी राज्येयां रे लोकां जो नौकरी देणे पर भड़की युवा कांग्रेस, CM रा घेराव करने रा कितेया एलान
बाहरी राज्येयां रे लोकां जो सरकारी विभागां च नौकरी देणे पर युवा कांग्रेस ए सरकारा रे खिलाफ मोर्चा खोली दितेया है. युवा कांग्रेस रे कार्यकारी अध्यक्ष यदोपति ठाकुर ए केहा कि प्रदेश च हर साल बेरोजगारी रा आंकड़ा बढ़दा ही जादा. युवा रोजगारा रा इतंजार करा दे पर प्रदेश च बीजेपी सरकार उत्तर प्रदेश कन्ने बिहार रे लोकां जो रोजगार देणे च लगी है.
HPTU हमीरपुर: बी फार्मेसी री खाली सीटां भरने लेई होणी स्पॉट काउंसलिंग
हिमाचल प्रदेश तकनीकी विश्वविद्यालय हमीरपुर बी फार्मेसी समेत कई सबजेक्टां री खाली सीटां जो भरने लेई स्पॉट काउंसलिंग करनी. अधिष्ठाता शैक्षणिक प्रो. राजेंद्र गुलेरिया ए केहा कि तीजे चरण री काउंसलिंग रे बाद भी कई शिक्षण संस्थानां च सीटां खाली रह गई हन, जिनां जो भरने लेई स्पॉट काउंसलिंग करवाई जादी. स्पॉट काउंसलिंग लेई पात्र विद्यार्थियां जो संबंधित शिक्षण संस्थान च जाणा होणा कन्ने मेरिट रे आधार पर ही सीटां दीती जाणी.
फॉरेस्ट गार्ड भर्ती: बिलासपुर रे लुहणू मैदान च फिटनेस टेस्ट लेई पहुंचे 1100 अभ्यर्थी
बिलासपुर रे लुहणू मैदान च वन विभाग ए फॉरेस्ट गार्ड भर्ती प्रक्रिया शुरू कर दीती है. पांज अक्तूबर तक चलणे आली भर्ती प्रक्रिया रे पहले दिन शनिवारा जो 1100 अभ्यर्थी पहुंचे. फिटनेस टेस्टा जो पास करने रे बाद 31 अक्तूबर जो लिखित परीक्षा देणी होणी.
प्रधानमंत्री गरीब कल्याण योजना रे तहत कांगड़े च 3400 टन खाद्यान वितरित: परमार
ग्राम पंचायत सुलह च प्रधानमंत्री गरीब कल्याण अन्न योजना रे तहत लाभार्थियां जो संबोधित करदे होए विधानसभा अध्यक्ष विपिन सिंह परमार ए केहेया कि प्रधानमंत्री गरीब कल्याण अन्न योजना च जिले रे 1 लाख 69 हजार 562 परिवारां रे 6 लाख 79 हजार 995 लोकां जो 3400 टन खाद्यान मुफ्त वितरित कितेया गया. इस दौरान विधानसभा अध्यक्ष परमार ए 80 लाभार्थियां जो 5-5 किलो खाद्यान्न वितरित कितेया.
KULLU: सरवरी च HRTC रे ड्राइवरा जो लगेया करंट, कुल्लू हॉस्पिटल च चला दा इलाज
कुल्लू जिले रे मुख्यालय सरवरी च बसा जो पार्क करदे टाइम एचआरटीसी रे कर्मी जो करंट लगी गया. जिसदे बाद एचआरटीसी रे कर्मी जो इलाज लेई कुल्लू हॉस्पिटल लंदेया गया. सूचना मिलते ही पुलिस री टीम भी मौके पर पहुंची गई कन्ने दुर्घटना रे कारणां री जांच कीती जादी.
बिहार-उत्तर प्रदेश रे लोकां जो जयराम सरकार बंडा दी नौकरियां: विक्रमादित्य
विधायक विक्रमादित्य सिंह ए जयराम सरकारा पर निशाणा साधेया है. विधायक विक्रमादित्य सिंह ए केहेया कि सरकार ए बिजली बोर्ड च जेई रे पदां पर भर्ती कीती है, लेकिन हैरानी री गल ये है कि बिहार-उत्तर प्रदेश रे ही 6 लोकां जो नियुक्ति दीती गई है. जिसते पता चला दा ये कि जयराम सरकार प्रदेश रे बेरोजगार युवां रे हितां रे कन्ने खिलवाड़ करा दी.
मेरे कहने ते नी विशेषज्ञां री सलाह रे बाद मरीजां जो कितेयां जां रेफर: डॉ. राजीव सैजल
स्वास्थ्य मंत्री डॉ. राजीव सैजल ए केहेया कि कांग्रेस कार्यकाल च प्रदेश ते मरीज बाहरी राज्यां लेई रेफर किते जां थे. तिनें केहेया कि विशेषज्ञां री सलाह रे बाद ही हॉस्पिटलां ते मरीजां जो रेफर कितेया जां. प्रदेश च स्वास्थ्य सुविधां जो लेई ने कांग्रेस रे उठाए गए सवालां पर स्वास्थ्य मंत्री ए तीखा प्रहार कितेया है. तिनें कहेयां कि जो सोलन में कांग्रेस रे छुटभैईए नेता प्रेसवार्ता करी ने रेफर मरीजां रे आंकड़े रखा दे, सैं सिर्फ लोकां जो गुमराह करने रा काम करा दे हन.
सावधान! इक SMS ते खाली होई सकां तुहांरा बैंक अकाउंट
अगर तुहें एंड्रॉयड फोन रे जरिए नेट बैंकिंग सेवां रा इस्तेमाल करा दे, तां तुहां जो सावधान रेहणे री जरूरत है. देशा री संघीय साइबर सुरक्षा एजेंसी ए हालिया एडवाइजरी च भारतीय साइबर स्पेस च ट्रोजन मालवेयर री घुसपैठ री जानकारी देंदे होए एंड्रायड फोन रा इस्तेमाल करने आले बैंक गाहकां जो सावधान कितेया है. इस सबंध च साइबर अपराध गुप्तचर विभाग रे आईजी अतुल फुलझले ए दसेया कि इस वायरस ने हुण तक 27 ते ज्यादा सार्वजनिक कन्ने निजी क्षेत्रां रे बैंकां जो निशाणा बनाया गया है.
हिमाचल री सेंट्रल यूनिवर्सिटी रा हाल, माइनस नंबर लेणे वालेयां जो भी एडमिशन
हिमाचल प्रदेश रे कांगड़ा जिले च स्थित सेंट्रल यूनिवर्सिटी च माइनस नंबर लेणे आलेयां जो भी एडमिशन मिली जां. यूनिवर्सिटी रे परीक्षा नियंत्रक रा केहणा है कि यूनिवर्सिटी रा काम प्रवेश परीक्षा जो करवाणा कन्ने अभ्यर्थी री ओर ते नबरां जो संबंधित डिपार्टमेंट जो भेजणा होआं. एडमिशन री तमाम काम सरकार री ओर ते बनाई गई री प्रणाली पर ही अधारित होएं.
हमीरपुर रे प्रदीप ठाकुर ए किचन गार्डन जो बोटैनिकल गार्डन च कितेया तब्दील
हमीरपुर रे आईएफएस अफसर प्रदीप ठाकुर ए अपणे किचन गार्डन जो बोटैनिकल गार्डन च तब्दील करी दितेया है. साल 2007 च शुरू किते गए इस गार्डन च तकरीबन 250 पौधे मौजूद हन. इनां च फलां ते लेई ने कई औषधीय पौधे भी मौजूद हन. इतना ही नी प्रदीप ठाकुर ए ठंडे इलाकेयां च पाए जाणे वाले देवदार कन्ने सेब रे पौधेयां जो भी एथी उगाया है.
ये भी पढ़ें- अंतरराष्ट्रीय कुल्लू दशहरा: गोविंद ठाकुर ने देव कारदारों के साथ किया मंथन
