10 હજારથી વધુ લોકોએ ફોર્મ ભરી પાણીના મીટરનો વિરોધ નોંધાવ્યો

સુરતઃ મહાનગર પાલિકા દ્વારા અમરોલી બાદ હવે પુણા ગામ, મોટા વરાછા સહિતના વિસ્તારોમાં પાણીના મીટર લગાવવાની તજવીજ હાથ ધરાઈ રહી છે, ત્યારે આ વાતને લઈ સ્થાનિકો દ્વારા ઉગ્ર વિરોધ નોંધાવવામાં આવી રહ્યો છે. અગાઉ પણ આ અંગે સ્થાનિક લોકો દ્વારા રેલી કાઢી વિરોધ કર્યો હતો, જો કે પોલીસે રેલી નીકળે તે પહેલાં જ લોકોની અટકાયત કરી હતી. ત્યારે સોસાયટીના 10 હજારથી વધુ લોકોએ ફોર્મ ભરી પાણીના મીટરનો વિરોધ નોંધાવ્યો હતો. સ્થાનિક કોર્પોરેટરની આગેવાનીમાં કમિશનરને આવેદનપત્ર આપવામાં આવ્યું હતુ. જો આ અંગે યોગ્ય નિર્ણય નહિ લેવામાં આવે તો આગામી સમયમાં ઉગ્ર વિરોધ નોંધાવવામાં આવશે તેવી ચીમકી ઉચારી હતી.