પોરબંદર પાલિકાની જનરલ બોર્ડની બેઠક મળી: લોક મેળાના ઠરાવ અંગે કોંગ્રેસે કર્યો વિરોધ

પોરબંદરઃ જિલ્લામાં શુક્રવારે નગરપાલિકાની જનરલ બોર્ડની બેઠક મળી હતી. શુક્રવારે યોજાયેલી જનરલ બોર્ડની બેઠકમાં 44 સુધરાઈ સભ્યો માંથી 18 સભ્યો ગેર હાજર રહ્યા હતા. આ બેઠકમાં આગામી જન્માષ્ટમી લોકમેળા માટે 60 લાખની રકમની ફાળવણી અંગે નો ઠરાવ પણ હોવાથી વિપક્ષના નેતાએ આ અંગે લેખિત વિરોધ કર્યો હતો. વિપક્ષના નેતા જીત આગઠ ટ્રાવેલ હિસ્ટ્રી હોવાના કારણે તેઓને હોમ કોરેન્ટાઇન કરાયા છે. જેથી તેઓ બેઠકમાં ઉપસ્થિત રહ્યા ન હતા, પરંતુ તેઓએ લોકમેળાના ઠરાવ અંગે લેખિત વીરોધ નોંધાવ્યો હતો. ત્યારે આ બાબતે કોઈ નિર્ણય લેવામાં આવ્યો નથી તેમ નગરપાલિકાના સદસ્ય ચેતના બેન તિવારીએ જણાવ્યું હતું.