લંડનઃ સંશોધકોની એક ટીમે સામાન્ય રીતે ચેપમાં જોવા મળતા (Harmful Oral Bacteria) બેક્ટેરિયાની ઓળખ કરી છે. આ શોધ જે મોંના બેક્ટેરિયા અને અન્ય રોગો વચ્ચેની કડીની ઊંડી સમજ પૂરી પાડે (Oral Bacteria Increasing Diseases) છે. અભ્યાસમાં જાણવા મળ્યું છે કે, સૌથી સામાન્ય બેક્ટેરિયા (Identification of bacteria) ફર્મિક્યુટ્સ, બેક્ટેરોઇડેટ્સ, પ્રોટીઓબેક્ટેરિયા અને એક્ટિનોબેક્ટેરિયા હતા. જ્યારે સામાન્ય પ્રજાતિઓ (જનરા) સ્ટ્રેપ્ટોકોકસ એસપીપી., પ્રીવોટેલા એસપીપી. અને સ્ટેફાયલોકોકસ એસપીપી હતી.
મૌખિક બેક્ટેરિયા વધતા રોગો: અગાઉના અભ્યાસોએ મોંઢાના સ્વાસ્થ્ય અને કેન્સર, હૃદય રોગ, ડાયાબિટીસ અને અલ્ઝાઈમર રોગ જેવા સામાન્ય રોગો વચ્ચેની કડી દર્શાવી છે. સ્વીડનના કેરોલિન્સ્કા ઇન્સ્ટિટ્યુટના સંશોધકોએ વર્ષ 2010 અને વર્ષ 2020 ની વચ્ચે સ્વીડનની કેરોલિન્સ્કા યુનિવર્સિટી હોસ્પિટલમાં ગંભીર મોંના ચેપ ધરાવતા દર્દીઓ પાસેથી એકત્રિત નમૂનાઓનું વિશ્લેષણ કર્યું અને સામાન્ય બેક્ટેરિયાની સૂચિ તૈયાર કરી છે.
પ્રોફેસર સાલ્બર્ગ ચેન: કેરોલિન્સ્કા ઇન્સ્ટિટ્યુટના ડેન્ટલ મેડિસિન વિભાગના પ્રોફેસર સાલ્બર્ગ ચેન કહે છે કે, 'સ્ટોકહોમ કાઉન્ટીમાં દસ વર્ષના સમયગાળામાં એકત્રિત કરાયેલા નમૂનાઓમાંથી બેક્ટેરિયલ ચેપના માઇક્રોબાયલ કમ્પોઝિશનની અમે પ્રથમ વખત જાણ કરી રહ્યા છીએ.' જર્નલ માઇક્રોબાયોલોજી સ્પેક્ટ્રમમાં પ્રકાશિત થયેલા અભ્યાસમાં, તેઓએ જણાવ્યું હતું કે, પરિણામો સૂચવે છે કે પ્રણાલીગત રોગની લિંક્સ સાથે ઘણા બેક્ટેરિયલ ચેપ સતત હાજર છે અને કેટલાક છેલ્લા દાયકામાં સ્ટોકહોમમાં પણ વધ્યા છે.
હાનિકારક બેક્ટેરિયા: સાલ્બર્ગ ચેન કહે છે કે, અમારા પરિણામો વિવિધતા અને મોંઢાના ચેપમાં હાનિકારક સુક્ષ્મસજીવોના ફેલાવા અંગે નવી સમજ આપે છે. સંશોધકોએ સમજાવ્યું કે, જો કોઈ ચોક્કસ બેક્ટેરિયમ મોંને ચેપ લગાડે છે અને નુકસાન પહોંચાડે છે. તો તે ખૂબ જ સંભવ છે કે, તે શરીરના અન્ય સ્થળોએ પેશીઓ માટે હાનિકારક હોઈ શકે છે. કારણ કે તે ચેપ ફેલાવવા માટે જવાબદાર છે.
