- બાળ કલ્યાણ સમિતિએ બાળકો માટે વિશેષ કામગીરી
- પાલક વાલીઓને દર માસે રૂપિયા 4 હજારની સહાય મળશે
- જિલ્લામાં માતા-પિતા ગુમાવનારા 183 બાળકો
વલસાડ : કોરોનાકાળના દોઢ વર્ષ દરમિયાન વલસાડ જિલ્લામાં બાળકોના માતા-પિતા બન્ને કોરોનાથી મૃત્યુ પામ્યા હતા. પાલક વાલીઓને મહિને 4 હજાર સહાય પૂરી પાડવાની યોજના અમલમાં મૂકાઇ છે. આ સાથે જ બાળકોના માતા-પિતામાંથી કોઇ એકનું મોત થયું હોય તેવા બાળકોનો પણ સર્વે કરાવવામાં આવ્યો હતો. જેમાં વલસાડ જિલ્લામાં કોરોનામાં માતા-પિતામાંથી કોઈ એકને ગુમાવનારા બાળકોની સંખ્યા 183 હોવાનું સામે આવ્યું છે.
એક વાલી સાથે બાળકોને જિલ્લા બાળ કલ્યાણ સમિતિની કચેરીએ બોલાવાયા
આ બાળકોને સહાય મળે તે માટે વલસાડ જિલ્લા બાળ કલ્યાણ સમિતિના ચેરપર્સન સોનલ સોલંકી જૈન અને કમિટિ સભ્યો દ્વારા કાર્યવાહી હાથ ધરવામાં આવી છે. જે બાળકોના માતા કે પિતા કોઇ એકનું કોરાનામાં મોત થયું હતું તેવા 183 બાળકોને એક વાલી સાથે વલસાડ જિલ્લા બાળ કલ્યાણ સમિતિની કચેરીએ બોલાવવામાં આવ્યા હતા.
સરકાર દ્વારા દર માસે બાળકોના એકાઉન્ટમાં 4 હજાર જેટલી રકમ
જ્યાં બાળકોને સહાય માટેની પ્રક્રિયા હાથ ધરવામાં આવી છે. તમામ બાળકોને વાલીઓના ડોક્યુમેન્ટ સહિત બાળકોને ખાતામાં સીધી સહાય મળી રહે તે માટેની તમામ પ્રક્રિયા જિલ્લા બાળ કલ્યાણ સમિતિ દ્વારા હાથ ધરાઈ છે. બાળકોના પાલક વાલી ઓ ને સરકાર દ્વારા દર માસે બાળકોના એકાઉન્ટમાં સીધા 4 હજાર જેટલી રકમ મળશે.
આ પણ વાંચો -
- કોરોનામાં માતા-પિતા ગુમાવનાર બાળકોને બારડોલી જનતા કેળવણી મંડળ આપશે મફત શિક્ષણ
- કોરોનાની કારણે અનાથ થયેલા બાળકો માટે દાખલ કરેલી અરજી અંગે કેન્દ્ર અને દિલ્હી સરકારને નોટિસ
- કોરોનાના કારણે માતાપિતા ગુમાવનારા બાળકોને આણંદની સંસ્થા વિનામૂલ્યે શિક્ષણ આપશે
- કોરોનામાં એક વાલી ગુમાવનાર બાળકને પણ હવેથી અપાશે સહાય : રાજ્ય સરકાર
- ડાંગમાં માતા-પિતાની છત્રછાયા ગુમાવનાર બાળકો માટે આધારરૂપ બની પાલક માતા-પિતા યોજના
