વડોદરા જિલ્લાના સાવલીના ગોઠડા ગામ પાસે આવેલી મહેશ્વરી કાર્બોરાઇઝિંક એન્જીનીયરીંગ પ્રા. લી. કંપનીમાં જી.ઇ.બીના અધિકારીઓ સહિત કર્મચારીઓએ 15 વર્ષ અગાઉ વીજચેકીંગ રેડ કરી વીજચોરી ઝડપી પાડી હતી. જે બાબતે 29,69 લાખ રૂપિયાનો કેસ કંપની સામે કર્યો હતો.
આ કેસની સુનાવણી સાવલીની સેસન્સ કોર્ટમાં હાથ ધરાઇ હતી. સરકાર પક્ષે સરકારી વકીલની ધારદાર દલીલો અને પુરાવાને ધ્યાનમાં રાખી આ મુદ્દે આજે કંપની વિરુદ્ધ ચુકાદો આવ્યો છે. જેમાં વીજચોરી કરતા કંપની માલિક મુકુંદ શાંતિલાલ પટેલને રૂપિયા 79.7 લાખ અને 2 વર્ષની સાદી કેદની સજા ફટકારી હતી.