તાપી: નામી બિલ્ડર હત્યામાં વપરાયેલી કાર મળી આવી, હત્યારાઓ પોલીસથી દૂર

• નામી બિલ્ડર હત્યામાં વપરાયેલી કાર મળી
• હત્યારાઓ પોલીસથી દૂર
• બિલ્ડરની જાહેરમાં કરાઈ હતી હત્યા

તાપીઃ જિલ્લાના વડામથક વ્યારા ખાતે શુક્રવારના રોજ નિસિશ શાહ નામનાં બિલ્ડર પોતાની મોટર સાઇકલ ઉપર પસાર થઈ રહ્યાં હતા. આ સમયે વ્યારાના શનિદેવ મંદિર ચાર રસ્તા ઉપર કારમાં સવાર 4 અજાણ્યા શખ્સોએ નિસિશ શાહ ઉપર તલવારના ઘા ઝીંકી જાહેરમાં હત્યા કરી ફરાર થયા હતા. જેથી પોલીસ કાફલો ઘટના સ્થળે પહોંચ્યો હતો અને તપાસ હાથ ધરી હતી. જેમાં બારડોલી તાલુકાના મઢીગામની નેહરમાંથી એક કાર મળી આવી હતી.

આ પણ વાંચોઃ વ્યારામાં બિલ્ડરની હત્યામાં વપરાયેલી કાર મઢી નજીક નહેરમાંથી મળી આવી

કારમાંથી 1 ચાકુ અને 1 બેશબોલની સ્ટીક મળી

તપાસમાં મળી આવેલી મહિન્દ્રા કંપનીની ટીયુવી કાર નં.GJ-5JP-2445 CCTV કેમેરામાં જોવા મળેલી કાર મળી આવી હતી. જેની તપાસ કરતા કારમાંથી 1 ચાકુ અને 1 બેશબોલની સ્ટીક મળી આવી હતી. જેતી કાર માલિકની તપાસ કરતાં કાર અપ્લેશના નામે હોવાનું જાણવા મળ્યું હતું.

કાર માલિકનું સારવાર દરમિયાન મોત

પોલીસે ગાડી માલિક અંગે તપાસ કરતાં જાણવા મળ્યું કે, કારના માલિકનું કોરોના સારવાર દરમિયાન મોત થયું છે અને કોઈ ત્રાહિત વ્યકિત પાસે આ કાર ગિરવે મૂકવામાં આવી હતી. જેથી આરોપી હજુ પોલીસ પકડથી દૂર છે.