સુરત: મહાનગરપાલિકાએ 3 જેટલી ખાનગી કોવિડ હોસ્પિટલો સાથે એમઓયુ રદ કર્યા છે. કોવિડ દર્દીઓની સારવાર માટે પાલિકા સાથે થયેલ એમઓયુ તાકીદ રદ કરવામાં આવ્યાં છે. પાલિકાએ દર્દીઓને હોસ્પિટલમાં દાખલ ન કરવા સૂચના આપી છે. તેમજ કોવિડ હોસ્પિટલને બંધ કરવા પાલિકા દ્વારા સૂચના આપવામાં આવી છે.
હાલ જ અમદાવાદની બનેલી ઘટના બાદ સુરત મહાનગરપાલિકાએ લાલ આંખ કરી છે. ફાયર વિભાગને હોસ્પિટલોમાં યોગ્ય ફાયર સેફટીની સુવિધાનો અભાવ મળી આવ્યો છે. ઇલેક્ટ્રિલ વાયરિંગ, એકજીટ એન્ટ્રી સહિત અલગ અલગ ફાયર સેફટી મુદ્દે ગત રોજ ચેકિંગ કરવામાં આવ્યું હતું. જેમાં ફાયર વિભાગ દ્વારા હાથ ધરાયેલ ચેકિંગમાં ક્ષતિ મળી આવી હતી.
શહેરની 12 હોસ્પિટલમાં ગ્રીન લીફ હોસ્પિટલ, પીપલોદ હોસ્પિટલ, ટ્રાઇડેન્ટ હોસ્પિટલ, શેઠ પી. ટી.સુરત જનરલ હોસ્પિટલ, લોખાત હોસ્પિટલ, ગિરીશ ગૃપ હોસ્પિટલ, એપલ હોસ્પિટલ, અમીના સાર્વજનિક હોસ્પિટલ, બંસરી હોસ્પિટલ, યુનિટી હોસ્પિટલ, જી.બી.વાઘાણી મલ્ટીસ્પેશયાલિટી હોસ્પિટલ, પરમ હોસ્પિટલને એમઓયુની નોટિસ પાઠવવવામાં આવી છે.
