તક્ષશિલા અગ્નિ કાંડની ઘટના બાદ સુરત ફાયર વિભાગ દ્વારા ફાયરની અપૂરતી સુવિધાઓના પગલે સંસ્થાઓને સિલ કરવાની કાર્યવાહી કરવામાં આવી રહી છે. છેલ્લા કેટલાક દિવસોથી રિંગ રોડની ટેક્સટાઈલ માર્કેટો સામે આ પ્રમાણેની કાર્યવાહી ફાયરે હાથ ધરી છે. જો કે ફાયરની આ કામગીરી સામે સવાલ ઉભા થઇ રહ્યા છે. સુરતના રિંગ રોડ વિસ્તારમાં આવેલ સિલ્ક સીટી ટેક્સટાઈલ માર્કેટમાં ભીષણ આગ લાગી હોવાનો કોલ મળતા ફાયર કાફલો દોડતો થઈ ગયો છે. . માર્કેટના ગ્રાઉન્ડ ફ્લોરના ભાગે લાગેલી આગ બાદ ધુમાડાના ગોટે-ગોટા સમગ્ર વિસ્તારમાં જોવા મળ્યા. જેના કારણે માર્કેટ સંપુર્ણ ખાલી કરી દેવામાં આવી. આગની ઘટનાના પગલે સમગ્ર વિસ્તારમાં નાશભાગ થઈ હતી. જ્યારે આગની ઘટના બાદ પોલીસનો મોટો કાફલો પણ સ્થળ પર દોડી આવ્યો છે.
સુરતની સિલ્ક સીટી ટેકસ્ટાઈલ્સ માર્કેટમાં આગ, લોકોમાં નાશભાગ
