સુરત: ચીન સહિત સમગ્ર દેશમાં કોરોના કહેર વચ્ચે લોકોમાં ફફડાટ વ્યાપી ગયો છે. વાયરસથી બચવા લોકો સેનેટરાઈઝ તેમજ માસ્કનો ઉપયોગ કરી રહ્યા છે. જેને લઈને સુરત શહેરમાં માસ્કની ડિમાન્ડ ખૂબ જ જોવા મળી રહી છે. પરતું જથ્થો હાલ ખૂટી પડતા વેપારીઓ દ્વારા અલગથી હજારો- લાખોના લોટમાં માસ્કના ઓર્ડર આપવામાં આવી રહ્યા છે. શહેરના સચિન વિસ્તારમાં સિલાઈ મશીનના વેપારીઓ દ્વારા ઓવર ટાઈમ કરાવી પ્રતિદિવસ 20 હજાર માસ્કનું પ્રોડક્શન કરવામાં આવી રહ્યું છે.
જો કે, સુરતમાં અલગ અલગ વેપારીઓ દ્વારા ઓર્ડરથી હજારો ,લાખો નહીં પરંતુ એક કરોડની સંખ્યામાં માસ્ક બનાવડાવવામાં આવી રહ્યા છે.જ્યાં સુરતના સચિન વિસ્તારમાં નાના ઉદ્યોગ ધરાવતા અને સિલાઈ મશીન કરતા મૂળ ઓરિસ્સાના વેપારીને પ્રતિદિવસ ચાલીસથી પંચાસ હજાર માસ્કનો ઓર્ડર વેપારી દ્વારા આપવામાં આવ્યો છે.જેની સામે બે શિફ્ટમાં વીસથી ત્રીસ હજારનું પ્રતિદિન પ્રોડક્શન કરવામાં આવી રહ્યું છે.