- હિંમતનગર એપીએમસી માર્કેટ મગફળીથી ઊભરાયું
- 700થી વધારે ખેડૂત મગફળી સાથે માર્કેટમાં ઉમટ્યા
- સરકારના ટેકાના ભાવથી પણ વધુ ભાવ મળતા ખેડૂતો ખુશ
સાબરકાંઠા: સમગ્ર ગુજરાતમાં હાલના તબક્કે મગફળીનું ઉત્પાદન તેમજ વેચાણ શરૂ થતાં સાબરકાંઠાના હિંમતનગર એપીએમસી માર્કેટ યાર્ડમાં (Himmatnagar APMC) આજે એક સાથે 700થી વધારે વાહનોથી ઉભરાઈ ચૂક્યું છે. કેન્દ્ર સરકાર દ્વારા નિયત કરેલા ટેકાના ભાવથી વધુ ભાવ મળતા હોવાના પગલે ખેડૂત આલમમાં ખુશીનો માહોલ છવાયો છે. જોકે ક્યાંક કેટલાક ખેડૂતોને હજુ પણ વધારે ઊંચા ભાવની લાલસા યથાવત છે .
શરુઆતના તબક્કે ભાવ 1600 બોલી ગયો
એપીએમસી માર્કેટમાં છેલ્લા ત્રણ દિવસથી દિન-પ્રતિદિન મગફળીની (Groundnut Crop) આવક વધી રહી છે જેમાં આજે એકસાથે 700થી વધારે વાહનો મગફળી લઇ માર્કેટ યાર્ડ (Himmatnagar APMC) આવતા એક કિલોમીટર દૂર સુધી વાહનોની કતારો જોવા મળી હતી. મગફળીની જાહેર હરાજીમાં પણ ખેડૂતોને ટેકાના ભાવ કરતાં વધુ ભાવ મળતા ખુશીનો માહોલ છવાયો હતો. કેન્દ્ર સરકાર દ્વારા આ વર્ષે મગફળીનો ભાવ 1110 નક્કી કરી કરતાં લાખોની સંખ્યામાં ખેડૂતોએ રજિસ્ટ્રેશન (Groundnut registration) પણ કરાવ્યું છે ત્યારે શરૂઆતના તબક્કામાં જ મગફળીનો ભાવ 1600થી વધારે બોલાઈ જતા હવે ખેડૂતો જાહેર હરાજીમાં મગફળી આપવાનું વધારે પસંદ કરી રહ્યાં છે. સાથોસાથ કેન્દ્ર સરકાર દ્વારા નક્કી કરેલા ભાવથી પણ વધારે ભાવ જાહેર હરાજીમાં મળતો હોવાના પગલે આગામી સમયમાં હજુ પણ મગફળી સાથેના વાહનોની કતારો વધે તો નવાઈ નહીં.
હિંમતનગરમાં જાહેર હરાજીના બે પોઇન્ટ શરૂ કરાયા
હાલમાં હિંમતનગર માર્કેટ યાર્ડમાં (Himmatnagar APMC) 700થી વધારે વાહનો સહિત જાહેર હરાજી માટેના અલગ-અલગ બે પોઇન્ટ શરૂ કરાયાં છે. જેમાં આજે 1517 સુધીનો ભાવ બોલાયો છે તેમજ એવરેજ ભાવ 1300 થી 1500 વચ્ચેનો મેળવી રહ્યાં છે. જો કે ક્યાંક કેટલાક ખેડૂતોની મગફળીમાં કોઈ ઉણપ હોવાના પગલે ઓછો ભાવ મળતાં રોષ પણ વ્યક્ત થયો છે. ત્યારે હાલના તબક્કે હિંમતનગર માર્કેટયાર્ડમાં ખેડૂતોને મગફળીના (Groundnut SMP) ભાવ કેન્દ્ર સરકાર દ્વારા નિયત કરેલા ભાવથી વધુ મળતા હોવાના પગલે ખુશી છે. જોકે આગામી સમયમાં આ ભાવ યથાવત્ રહે તો જગતના તાતને વધુ ખુશી મળે તે નક્કી બાબત છે.
આ પણ વાંચોઃ બનાસકાંઠા જિલ્લામાં Groundnut Prices Rise, ટેકાના ભાવ કરતાં વધુ ભાવ
આ પણ વાંચોઃ Groundnut registration started: પ્રથમ 4 કલાકમાં 13,681 ખેડૂતોએ રજિસ્ટ્રેશન કરાવ્યું
