રાજકોટઃ જિલ્લાના જેતપુરમાં રહેતા જગદીશ રાદડિયા શુક્રવારે બપોરના સમયમાં તેમના મિત્રો સાથે દારૂની પાર્ટી કરવા જેતપુર નજીક આવેલા થોરાળા ગામની સીમમાં વાડીએ ગયા હતા. પાર્ટી સમયે જગદીશ ફોનમાં વાત કરતા કરતા વાડી પાસે આવેલી નદીએ પહોંચ્યો હતો.
દારૂની મહેફીલે જેતપુરના વ્યક્તિનો જીવ લીધો
પરંતુ જગદીશ પરત વાડીએ ન ફરતા તેમના મિત્રો દ્વારા શોધખોળ કરતા તે મળ્યો ન હતો. ત્યારબાદ ગ્રામજનોને ઘટનાની જાણ થતા ગ્રામજનો દ્વારા જગદીશની શોધખોળ શરૂ કરવામાં આવી હતી. જ્યારે વહેલી સવારે સેલુકા પાસે આવેલી નદીમાંથી જગદીશનો મૃતદેહ મળી આવ્યો હતો. આ ઘટનાથી થોડે દુર એક સ્વીફ્ટ કાર મળી આવી હતી. જેમાં MLA ગુજરાતની પ્લેટ પણ જોવા મળી હતી. આ સમગ્ર ઘટનાની જાણ પોલીસને થતાં પોલીસે ઘટના સ્થળે પહોંચી વધુ તપાસ હાથ ધરી હતી.
