રાજકોટમાં હોળીની રાત્રે થયેલી હત્યા મામલે પોલીસે હત્યારા પતીની કરી ધરપકડ

• પતીએ પત્નીના માથાના ભાગે તીક્ષ્ણ ઘા ઝીકી હત્યા કરવામાં આવી હતી
• હોળીમાં ચણાં નાખવાનું ભૂલી જતાં પતીએ કરી હત્યા
• 108નાં તબીબે ઈલમાને મૃત જાહેર કરતા પોલીસને જાણ કરવામાં આવી

રાજકોટ: ગત 21 માર્ચે હોળીની રાત્રે ત્રંબા ગામે વાડીમાં રહી ખેતમજૂરી કરતા મંકર અને તેના પત્ની વચ્ચે સામાન્ય બાબતે બોલાચાલી થઈ હતી. બોલાચાલીમાં ઉશ્કેરાઈ પતી મંકરે તેના પત્નીને ખેતી કામ કરવાની કોષ માથામાં ફટકારી હતી, જેના કારણે પત્નીનું મોત નિપજ્યું હતું. પત્નીનું મોત થયા બાદ મંકર ત્યાંથી નાસી છૂટયો હતો, ગામના લોકોને સમગ્ર ઘટનાનો ખ્યાલ આવતા તેમણે આજીડેમ પોલીસને જાણ કરી હતી. જે બાદ પોલીસે આરોપી મંકરને શોધવા ચક્રો ગતિમાન કર્યા હતા. જો કે, પોલીસે ગણતરીની કલાકોમાં હત્યારા પતીની ધરપકડ કરી ગુનામાં વપરાયેલા હથિયારને કબ્જે કરી વધુ તપાસ હાથ ધરી છે.

આ પણ વાંચો:બેંગ્લુરૂમાં ખજાના માટે પતિએ કરી પત્નીની હત્યા

ઝઘડોનું મુખ્ય કારણ હોળીમા ચણાં નાંખતા ભૂલી જતાં તેનો ઝગડો હત્યામાં ફેરવાયો

આ અંગે પોલીસ પૂછપરછ કરતા મંકરે કહ્યું હતું કે, હોળીનો તહેવાર હોવાથી અમે અહીં નાનકડી એવી હોળી બનાવી હતી. જેમાં હું ચણા નાંખતા ભુલી ગયો હતો, તેથી મારી પત્‍નિએ ચણા કેમ નાંખ્‍યા નહિ તેવું કહી ઝઘડો કરતાં અમારી વચ્‍ચે માથાકુટ થઇ ગઇ હતી. જેને પગલે તેણે બાજુમાં પડેલા લોખંડના હથિયારથી ઈલમાને માથામાં મારી દીધું હતું. તેની વાત સાંભળી અમે તરત 108ને જાણ કરી હતી અને 108નાં તબીબે ઈલમાને મૃત જાહેર કરતા પોલીસને જાણ કરવામાં આવી હતી.

આ પણ વાંચો:જેતપુરમાં હોળીના દિવસે ખેલાઈ ખૂનની હોળી