રાજકોટ શહેર અને જિલ્લાની બેઠક માટે રાણીંગાવાડીમાં સેન્સ પ્રક્રિયા હાથ (Sens Process in Rajkot) ધરવામાં આવી છે. વિધાનસભા બેઠક 69માં શહેર ભાજપ પ્રમુખથી માંડી ડેપ્યુટી મેયર, પૂર્વ મેયર અને સંઘ સાથે જોડાયેલા નેતાઓ દાવેદારી કરશે. ડો.કિરીટ સોલંકી, વંદના મકવાણા અને ભરત બારોટ દ્વારા સેન્સની પ્રક્રિયા શરૂ કરવામાં આવી છે. રાજકોટ પશ્ચિમ બેઠક પર પૂર્વ મુખ્યપ્રધાન વિજય રૂપાણીનું દાવેદારોના લિસ્ટમાં નામ નથી. પરંતુ સમર્થકો વિજય રૂપાણીનું પહેલું નામ મૂકશે તેવી શક્યતાઓ છે. રાજકોટ શહેરની ચાર સીટની સેન્સ પ્રક્રિયામાં ભાજપના કાર્યકરોની નારાજગી સામે આવી હતી. તો બીજી તરફ જિલ્લા ભાજપ મંત્રીના પતિએ ગ્રામ્ય અને શહેર ભાજપના આગેવાનો સાથે માથાકૂટ કરી હતી. (Rajkot Contenders List)
સ્થાનિક ભાજપમાં સૂર ઉઠ્યો સેન્સ પ્રક્રિયામાં રાજકોટના મેયર ડો.પ્રદીપ ડવ નિરીક્ષક પાસે જતા નિરીક્ષકે કહ્યું કે, તમે તમારા વોર્ડમાં જ અપેક્ષિત છો. આથી સ્થાનિક ભાજપમાં સૂર ઉઠ્યો છે. મેયર તો શહેરના મુખ્ય અગ્રણી છે, તેમણે બધા સેન્સમાં અપેક્ષિત રાખવા જોઈએ. રાજકોટ દક્ષિણની બેઠક પર ધારાસભ્ય ગોવિંદ પટેલ, ધનસુખ ભંડેરી, રાજકોટ ચેમ્બર ઓફ કોમર્સના પ્રમુખ વી.પી. વૈષ્ણવ, ઉદ્યોગપતિ જયંતી સરધારા સહિતના દાવેદારો પહોંચ્યા છે. (Assembly Elections in Gujarat)
સેન્સ પ્રક્રિયામાં માથાકૂટ રાણીગાવાડી ખાતે રાજકોટ શહેરની ચાર સીટ માટે સેન્સ પ્રક્રિયા હાથ ધરાતા વરવા દ્રશ્યો જોવા મળ્યા હતા. જિલ્લા ભાજપ મંત્રીના પતિ વિનુ ઠુંમરે શહેર અને ગ્રામ્યના આગેવાનો સાથે બોલાચાલી કરી હતી. અપેક્ષિત ન હોવા છતાં સેન્સ પ્રક્રિયામાં જવા માગતા હતા. પરંતુ સેન્સ પ્રક્રિયામાં જવા દેવામાં ન આવતા માથાકૂટ થઈ હતી. રાજકોટ ગ્રામ્ય બેઠક પર સેન્સ પ્રક્રિયા પૂર્ણ થઈ ગઈ છે. આ બેઠક પર હાલના ધારાસભ્ય લાખા સાગઠીયા, મોહન દાફડા, ભાનુ બાબરીયા, રાજુ અઘેરા, બાલુ મકવાણા, ગિરીશ પરમાર, કંચન બગડા, બીંદીયા મકવાણા અને મનોજ રાઠોડે દાવેદારી નોંધાવી છે.
વિજય રૂપાણીની સીટ પર કોણ વિજય રૂપાણીને સીટ પર એડવોકેટ અનિલ દેસાઈએ દાવેદારી નોંધાવી છે. આ સીટ પર તેમને પ્રબળ દાવેદાર માનવામાં આવે છે. અનિલ દેસાઈએ જણાવ્યું હતું કે, જનસંઘથી કાર્યકર છું, કાર્યકરો અને સમર્થકોના ટેકાથી દાવેદારી નોંધાવી છે. પાર્ટી જેને ટિકિટ આપે તેને જીતાડવા કાર્યકરોનો સંકલ્પ છે. લોકશાહી ઢબે ટિકિટ માગવાનો દરેકને અધિકાર છે. વિજય રૂપાણીની ટિકિટને લઈને જણાવ્યું હતું કે, અમે કમળને વિજય બનાવીશું. રાજકોટ દક્ષિણ બેઠક પર મનપાના શાસક પક્ષના નેતા વિનુ ધવાએ દાવેદારી નોંધાવી છે. તેઓએ જણાવ્યું હતું કે, રાજકોટની ચારેય બેઠક પર સ્થાનિક દાવેદારોને જ ટિકિટ આપવાની માંગ છે. બહારના આયાતી દાવેદારોને લઈને કાર્યકરોમાં વિરોધ છે. આને લઈને ભરત બોઘરાને ટિકિટ મળવાના ચાન્સ ઘટી રહ્યા છે.
ધારાસભ્ય ગોવિંદ પટેલે શું કહ્યું રાજકોટ દક્ષિણ બેઠકના ધારાસભ્ય ગોવિંદ પટેલ સેન્સ આપવા માટે પહોંચ્યા હતા. તેઓએ જણાવ્યું હતું કે, પ્રત્યેક વ્યક્તિ ચૂંટણી લડવા માટે માટે દાવેદારી કરી શકે છે. રાજકારણમાં પડેલી વ્યક્તિ પથારીમાં હોય તો પણ તેને ચૂંટણી લડવાની ઈચ્છા હોય છે. પરંતુ હું તો દોડતો વ્યક્તિ છું એટલે સ્વાભાવિક ઈચ્છા હોય કે પાર્ટી પસંદ કરે તો ચૂંટણી લડી નાખીશ. મને 100 ટકા વિશ્વાસ છે પાર્ટી પર. બહારનો ઉમેદવાદ હોય કે જેને, પાર્ટીની સાથે લગાવ ન હોય, વોર્ડના કાર્યકર્તાઓ સાથે લગાવ ન હોય એ પ્રકારનું કોઈ આવે તો તેને પગ પર જોર આવતા સમય લાગે. આ વખતે સમય જાજો નથી તો તેના કારણે નુકસાન થવાની સંભાવના પણ છે.
90 હજાર મતદાર વિશ્વકર્મા સમાજના રાજકોટ વિધાનસભા 70 બેઠક પર આપાગીગાના ઓટલાના મહંત નરેન્દ્ર સોલંકીએ ટિકિટની માંગણી કરી છે. તેઓએ જણાવ્યું હતું કે, ભાજપ દરેક જ્ઞાતિને ટિકિટ માટે સાચવે છે. વિશ્વકર્મા સમાજની વાત છે તે મુજબ મારે 6 ટિકિટ મળવી જોઈએ. રાજકોટની આ બેઠક પર હું 4 ટર્મ કોર્પોરેટર રહ્યો છું. ડેપ્યુટી મેયર અને સ્ટેન્ડિંગ કમિટીનો ચેરમેન રહ્યો હતો. 90 હજાર મતદાર વિશ્વકર્મા સમાજના છે. OBCનો અન્ય સ્થળે સમાવેશ કરી શકાય તેમ છે. 80 ટકા ભાજપ સાથે જોડાયેલા છીએ, અમને પ્રતિનિધિત્વ મળે તે યોગ્ય છે. 149 બેઠક ક્રોસ કરવા માટે અમને ટિકિટ મળવી જરૂરી છે.
રાજકોટ દક્ષિણ બેઠકની વાત પશ્ચિમ બેઠક પર સમર્થકો પહેલું નામ વિજય રૂપાણી પછી બીજું નામ નીતિન ભારદ્વાજનું મૂકશે તેવી શક્યતાઓ છે. તો બીજી તરફ રૂપાણી વ્યક્તિગત દાવેદારી ન નોંધાવે તેવી શક્યતા છે. રૂપાણી પહેલા જ કહી ચૂક્યા છે કે, પાર્ટી આદેશ કરશે તો જ તેઓ ચૂંટણી લડશે. જ્યારે રાજકોટ દક્ષિણ બેઠક પર ધનસુખ ભંડેરીએ દાવેદારી નોંધાવી છે. તેઓએ જણાવ્યું હતું કે, કોઈ પણ ઉમેદવાર આવે અમે તન મન ધનથી જીતાડીશું. જ્યારે પશ્ચિમ બેઠકને લઈને ભાજપના નેતા નીતિન ભારદ્વાજે જણાવ્યું હતું કે, વિજય રૂપાણી ચૂંટણી લડે તે કાર્યકરોની પ્રથમ લાગણી અને માંગણી છે. આ બેઠક પર રૂપાણી જ લડી શકે છે. ઉલ્લેખનીય છે કે, નીતિન ભારદ્વાજ રૂપાણીના નજીકના નેતા માનવામાં આવે છે. ધોરાજી-ઉપલેટા બેઠક પર પ્રવીણ માકડિયા, મહેન્દ્ર પાડલિયા અને મનિષ ચાંગેલાએ દાવેદારી નોંધાવી છે.
જેતપુર-જામકંડોરણા બેઠક જયેશ રાદડિયાએ જેતપુર-જામકંડોરણા બેઠક પર દાવેદારી નોંધાવ્યા બાદ જણાવ્યું હતું કે, વર્ષોથી હું લોકો વચ્ચે રહ્યો છું, લોકોની મુશ્કેલીમાં હંમેશા પરિવારની જેમ સાથે રહ્યો છું. જેતપુર બેઠક પર ફરીથી ભાજપનો ભગવો લહેરાશે. અન્ય 2 દાવેદાર જશુમતિ કોરાટ અને જિલ્લા ભાજપ પ્રમુખ મનસુખ ખાચરીયાએ દાવેદારી નોંધાવતા જણાવ્યું હતું કે, તમામને દાવેદારી કરવાનો અધિકાર છે. કોને ટિકિટ આપવી તે પાર્લામેન્ટરી બોર્ટ નક્કી કરતું હોય છે. રાજકીય પાર્ટીમાં જમીન સાથે જે જોડાયેલી વ્યક્તિ હોય છે તેને ટિકિટ આપવામાં આવતી હોય છે.
દાવેદારો દાવેદારી માટે લોબિંગ રાજકોટ ગ્રામ્ય બેઠકની સેન્સ પ્રક્રિયા હાથ ધરવામાં આવી છે. બાદમાં રાજકોટ પશ્ચિમ, રાજકોટ પૂર્વ અને રાજકોટ દક્ષિણ બેઠકની સેન્સ પ્રક્રિયા હાથ ધરવામાં આવી છે. રાજકોટ પૂર્વ બેઠક પર રાજ્ય કક્ષાના પ્રધાન અરવિંદ રૈયાણીએ ફરી દાવેદારી કરવા ઇચ્છુક છે. 75 પ્લસ વટાવી ચૂકેલા પૂર્વ પ્રધાન અને ધારાસભ્ય ગોવિંદ પટેલે પણ ફરી દાવેદારી કરવા ઇચ્છુક છે. રાજકોટમાં સેન્સ પ્રક્રિયામાં નિરીક્ષકો આકરા પાણીએ થયા છે. કેટલાક કોર્પોરેટરોએ વિધાનસભા બહારના ઉમેદવારોની સેન્સ આપતા નિરીક્ષકો અકળાયા હતા. કોર્પોરેટરોને ટકોર કરી હતી કે, સ્થાનિક અને ઓળખતા હોય તેવા ઉમેદવારોની સેન્સ આપો. સેન્સ પ્રક્રિયામાં અલગ અલગ દાવેદારો પોતાની દાવેદારી માટે લોબીંગ કરતા હોવાનું સામે આવ્યું છે.(Rajkot Sense Process)
જસદણ-વીંછિયા બેઠક હાલના ધારાસભ્ય કુંવરજી બાવળિયા સેન્સ પ્રક્રિયામાં ભાગ લેવા પહોંચ્યા છે. જસદણ ભાજપમાં આંતરિક જૂથવાદ વચ્ચે તેઓ સેન્સ પ્રક્રિયામાં પહોંચ્યા છે. કુંવરજી બાવળિયાની સામે ગજેન્દ્ર રામાણીએ દેવેદારી નોંધાવી છે. ગજેન્દ્ર રામાણી જસદણ તાલુકાના ભાજપના પાયાના કાર્યકર્તા અને જસદણ ભાજપના પ્રમુખ પણ રહી ચૂક્યા છે. ગજેન્દ્ર રામાણીએ જણાવ્યું હતું કે, મતદારોની માંગણી છે કે આ વખતે મને ટિકિટ મળે. ભરત બોઘરા અંગે જણાવ્યું હતું કે, તેઓ દાવેદારી નોંધાવશે નહીં. તેઓ અન્ય સીટ પરથી દાવેદારી નોંધાવી શકે છે. જ્યારે બાવળિયાએ જણાવ્યું હતું કે, પ્રજા મારી સાથે છે, એટલે હું દાવેદારી માટે આવ્યો છું.(Rajkot assembly seat)
કોઈ પણને ટિકિટ મળી શકે તેમ છે ગ્રામ્ય બેઠક માટે લોધિકા તાલુકા, કોટડા તાલુકા ત્યારબાદ રાજકોટ તાલુકાની સેન્સ લેવાયેલા બાદ વોર્ડ નં. 18, 12 અને 11ની સેન્સ લેવામાં આવશે. સેન્સ લેવા આવનાર ડો.કિરીટ સોલંકીએ જણાવ્યું હતું કે, જે લોકો સેન્સ આપવા આવ્યા નથી તેમને પણ ટિકિટ મળી શકે છે. અંતિમ નિર્ણય પાર્ટી કરતી હોય છે. અત્યાર સુધી અનેક વખત રાજકોટમાં સેન્સ આપવા ન આવનારા વ્યક્તિઓને ટિકિટ મળી ચૂકી છે. ગુજરાતમાં નરેન્દ્ર મોદીની વિકાસયાત્રા વિજય બનાવશે. આ વખતે ભાજપનો વિજય અભૂતપૂર્વ હશે. ટિકિટ ફાઇનલનું હાઈકમાન્ડ નક્કી કરશે. રાજકોટ વિધાનસભા બેઠકોનો ઇતિહાસ રહ્યો છે, જે લોકોની ભૂતકાળમાં સેન્સ લીધી નહોતી તેમને પણ ટિકિટ અપાઈ હતી.(sense process contenders 2022)
મોટા માથાઓ લડી લેવાના મૂડમાં ગુજરાતના પૂર્વ મુખ્યપ્રધાન રૂપાણીની રાજકોટ પશ્ચિમ બેઠક પર સૌ કોઈની મીટ મંડાઈ છે. ભાજપનો ગઢ ગણાતી આ બેઠક પર શહેર ભાજપ પ્રમુખ કમલેશ મિરાણીથી માંડીને ડેપ્યુટી મેયર ડો.દર્શિતા શાહ મેદાનમાં છે. અનેક મોટા માથાઓ પણ લડી લેવાના મૂડમાં છે. આ બેઠક પર સૌથી વધુ લોહાણા, બ્રાહ્મણ, વાણીયા અને કડવા પાટીદાર સમાજના મતદારો છે. આ બેઠક પર સૌરાષ્ટ્રના સૌથી વધુ હાઈપ્રોફાઈવ મતદારો છે. આ બેઠક પર વર્ષો સુધી ભાજપના પીઢ નેતા અને ક્ષત્રિય સમાજના અગ્રણી વજુભાઈ વાળા ચૂંટાઈને આવતા હતા. (Sense Process Contenders List in Rajkot)
સૌથી વધુ ચર્ચામાં આ બેઠક રાજકોટ ગ્રામ્ય બેઠકો પર સૌથી વધુ ચર્ચામાં ગોંડલ બેઠકની સેન્સ પ્રક્રિયા છે. બીજી તરફ જસદણ બેઠકની સેન્સ પ્રક્રિયા પણ ચર્ચાનો વિષય બન્યો છે. ગોંડલ અને જસદણ બેઠક પર સૌની નજર છે. ગોંડલ બેઠક પર કોણ કોણ દાવેદારી કરશે તેના પર સૌની નજર છે. ગોંડલ બેઠક પર બે ક્ષત્રિય અગ્રણીઓના પુત્રોને ટિકિટ માટે ભારે ખેંચતાણ છે. જસદણ બેઠક પર પૂર્વ પ્રધાન કુંવરજી બાવળિયા અને પ્રદેશ ભાજપ ઉપાધ્યક્ષ ડો.ભરત બોઘરાના જૂથવાદ વચ્ચે સેન્સ પ્રક્રિયા હાથ ધરવામાં આવી છે. તો બીજી તરફ જયેશ રાદડિયાની જેતપુર-જામકંડોરણા બેઠક પર કોણ કોણ દાવેદારી કરશે તેના પર સહકારી અને ખેડૂત આગેવાનોની નજર છે. (Rajkot Assembly Candidates List)
રાજકોટ દક્ષિણ બેઠક પર 11 દાવેદાર ગોવિંદ પટેલ (ધારાસભ્ય), ધનસુખ ભંડેરી (પૂર્વ મેયર), ઉદય કાનગડ (ભાજપ અગ્રણી), ભરત બોઘરા (ઉપાધ્યક્ષ પ્રદેશ ભાજપ), નરેન્દ્ર સોલંકી (પૂર્વ સ્ટેન્ડિંગ કમિટી ચેરમેન), વી.પી.વૈષ્ણવ (પ્રમુખ, ચેમ્બર ઓફ કોમર્સ), જયંતિ સરધારા (ઉદ્યોગપતિ), વિનુ ધવા (નેતા, શાસક પક્ષ), સંજય ધવા (પૂર્વ કોર્પોરેટર), રમેશ ધવા (પૂર્વ કોર્પોરેટર), નિતીન રામાણી (કોર્પોરેટર). (Rajkot assembly election)
રાજકોટ ગ્રામ્ય બેઠકમાં 35ની દાવેદારી લાખા સાગઠીયા (ધારાસભ્ય), ભાનુ બાબરિયા (પૂર્વ ધારાસભ્ય), મોહન દાફડા (જિલ્લા પંચાયત સદસ્ય), ગિરીશ પરમાર (જિલ્લા ભાજપ અગ્રણી) અને મનોજ રાઠોડ (તાલુકા ભાજપ અગ્રણી).(Gujarat Assembly Elections 2022)
જેતપુર - જામકંડોરણા બેઠક પર 6 દાવેદારો નોંધાયા જયેશ રાદડિયા, જસુમતી કોરાટ, જનક ડોબરીયા (વીરપુર જલારામ), પ્રતિપાલસિંહ જાડેજા, પી.જી.ક્યાડા, મનસુખ ખાચરિયા. (Gujarat Assembly Elections)
