પોરબંદરઃ પોરબંદરમાં મગફળીના ટેકાના ભાવ લેવા ખેડૂતો 20 ઓક્ટોબર સુધીમાં રજિસ્ટ્રેશન કરાવી શકશે. એપીએમસી, પોરબંદર, રાણાવાવ અને કુતિયાણા તાલુકાના ખેડૂતો રજિસ્ટ્રેશન માટે પોતાના ડોક્યુમેન્ટ સાથે રાખવા પડશે.
ખેડૂતો ગુજરાત રાજ્ય નાગરિક પુરવઠા નિગમના ગોડાઉન ખાતે, તમામ તાલુકા પંચાયત ખાતે અને તમામ ગ્રામ પંચાયત ખાતે રજિસ્ટ્રેશન કરાવી શકશે. રજિસ્ટ્રેશન કરાવતી વખતે ખેડૂતોએ સાત-બાર, આધાર કાર્ડ, બેન્ક પાસબુકની ઝેરોક્ષ રજૂ કર્યેથી મગફળીનું રજિસ્ટ્રેશન કરાવી રહ્યા છે ત્યારે પોરબંદર જિલ્લાના વધુને વધુ ખેડૂતો 20 ઓકટોબર સુધીમા રજિસ્ટ્રેશન પૂર્ણ કરાવે તેવી અપીલ જિલ્લા પુરવઠા અધિકારી વિવેક ટાંકે કરી છે.
