પોરબંદર: એક તરફ સરકાર દ્વારા સરકારી હોસ્પિટલમાં (Porbandar Civil Hospital) સ્વચ્છતા અને સેફટીની મોટી મોટી જાહેરાતો કરવા માં આવે છે. ત્યારે બીજી બાજુ પોરબંદરની હોસ્પિટલમાં દર્દીઓના વોર્ડમાં શ્વાન (Dogs in patient ward at Porbandar hospital) અને બિલાડી આંટા મારતા જોવા મળતા લોકો પણ આશ્ચર્ય પામે છે. આ બનાવનો પોરબંદર યુથ કોંગ્રેસ કાર્યકર દ્વારા વિડિઓ ઉતારી લેવામાં આવ્યો હતો.
પોરબંદર સિવિલ હોસ્પિટલમાં દર્દીઓ રામ ભરોસે, વડાપ્રધાન ઓચિંતી મુલાકાત લે તેવી માંગ પગલા લેવાની માંગ- તાજેતરમાં
મોરબીમાં બનેલ પુલની દુર્ઘટના બાદ વડા પ્રધાન મોદી એકાએક
મુલાકાત લેવા આવવાના હોવાથી રાતો રાત રંગ રોગાન અને સાફસફાઈ કરવામાં આવી હતી. ત્યારે આજે તારીખ 2 નવેમ્બરના રોજ સવારે પોરબંદરની ભાવસિંહજી સરકારી હોસ્પિટલમાં દર્દીઓના વોર્ડમાં શ્વાન લટાર મારતા દેખાતા દર્દીઓ મુશ્કેલીમાં મુકાય તેવી સ્થિતિ સર્જાઈ હતી. જ્યારે સમગ્ર બાબતે યુથ કોંગ્રેસના આગેવાન મિત સિંગરખિયાએ આ બાબતે કડક પગલાં લેવા માંગ કરી હતી અને વડાપ્રધાન ઓચિંતી મુલાકાત કરે તેમ જણાવ્યું હતું. જ્યારે આ બાબતે પોરબંદર સિવિલ હોસ્પિટલના આરએમઓ નિલેશ મકવાણાએ જણાવ્યું હતું કે, આ અંગે તપાસ કરવામાં આવશે કયા સમયે આ ઘટના બની તે અંગે તપાસ કરી જવાબદારો સામે પગલા લેવામાં આવશે.
