પનવેલમાં રહેતા અશોક કુમાર વાડીલાલ પોતાના પરિવાર સાથે સ્ટેચ્યુ ઓફ યુનિટીને જોવા માટે કેવડીયા આવી રહ્યા હતા. આ કારમાં બે પુરુષ, બે મહિલા અને 10 વર્ષની બાળકી મળી કુલ પાંચ શખ્સો હતાં. રાજપીપળા નજીક કુવારપરા પાસે આવેલ રુદ્રાક્ષ પેટ્રોલ પમ્પ હાઇવે પર એક ગાડી રોંગ સાઈડ પરથી અંદર આવતા ફૂલ ઝડપે આવતી આ રેનોલ્ટ ગાડીના ડ્રાઇવરે સ્ટેરિંગ પર કાબુ ગુમાવ્યો હતો. પેટ્રોલ પમ્પના ડિવાઈડર પર ચડી જતા ગાડીએ હવામાં છલાંગ લગાવીને ચાર પાંચ પલટી મારી હતી.
ગાડીમાં બે પુરૂષ અને બે મહિલાઓ સહિત તેમની 10 વર્ષની એક દીકરી પણ હતી. જેમાં એક મહિલા અને એક પુરૂષને ગંભીર ઇજા થઇ બાકીને સાધારણ ઇજા થઇ પરંતુ, આ અકસ્માતમાં કોઈ પણ જાનહાની થઇ નથી. પેટ્રોલ પમ્પના મેનેજર અને તેમના સ્ટાફે 108 બોલાવી રાજપીપળા સિવિલમાં ઘાયલોને ખસેડ્યા હતાં.