મોરબી: જિલ્લાના મચ્છી પીઠ વિસ્તારમાં સાંજના સમયે બે જૂથ વચ્ચે મારામારી થઇ હતી. આ મારામારીની ઘટનામાં છુટા પથ્થરો અને સોડા બોટલના ઘા ઝીંકવામાં આવ્યા હતા. સમગ્ર ઘટનાથી આસપાસના વિસ્તારોમાં નાસભાગ મચી હતી. આ ઘટનાની જાણ થતા મોરબી ડીવાયએસપી અને એ ડિવિઝન કાફલો ઘટા સ્થળે દોડી ગયો હતો અને સ્થિતિ પર કાબુ મેળવ્યો હતો.
મોરબીના મચ્છીપીઠમાં થયેલ જૂથ અથડામણનો મામલે
સમગ્ર મામલે મોરબી એ ડિવિઝન પોલીસ મથકમાં હબીબભાઈ સાયાભાઈ ભટ્ટીએ ફરિયાદ નોંધાવી છે કે, આરોપી હુશેન સીદીકભાઈ ખોડ, શાહરૂખ હાજીભાઈ ખોડ, અસલમ હાજીભાઈ ખોડ, ઈરાન હાજીભાઇ ખોડ, જુસબ હુશેનભાઈ ખોડ અને ઇમરાન હુશેનભાઈ ખોડએ આગાઉ થયેલી બોલાચાલીનો ખાર રાખી મારામારી કરી કરી હતી. ફરિયાદીએ પથ્થરો તથા સોડા બોટલોના છુટા ઘા મારી જાનથી મારી નાખવાની ધમકી આપી હોવાની ફરિયાદએ ડિવિઝન પોલીસ મથકમાં નોંધાવી છે. મોરબી એ ડિવિઝન પોલીસે ફરિયાદ નોંધી વધુ તપાસ હાથ ધરી છે.
