વિસનગરઃ APMCમાં સોશિયલ ડિસ્ટનસના લીરેલીરા ઉડ્યા બાદ આગામી 5 દિવસ APMC બંધ રાખવાનો નિર્ણય લેવાયો છે. આ ઘટનાની જાણ થતાં તંત્ર લોકહિતને ધ્યાનમાં રાખીને 20 એપ્રિલ સુધી APMC બંધ રાખવા જણાવ્યું છે.
જો કે APMCમાં વેપારની લ્હાયમાં ભારે ભીડ સર્જાતા રસ્તાઓ પર ટ્રાફિકજામ જોવા મળ્યું હતું. આ સમગ્ર બાબત અંગે તંત્રને જાણ થતાં આજે વિસનગર પ્રાંત અધિકારી અને પોલીસ દ્વારા APMC સત્તાધીશોને APMC બંધ રાખવા ફરમાન કર્યું છે. સાથે જ તંત્રના આદેશ બાદ 15 એપ્રિલ થી 20 એપ્રિલ સુધી વિસનગર APMC સજ્જડ બંધ રાખવા નિર્ણય લેવામાં આવ્યો છે. જો કે, APMCમાં આવેલા શાકમાર્કેટ માત્ર સવારે 8.30 વાગ્યા સુધી ખુલ્લું રાખવા જણાવાયું છે.
