- ચાલતી કારમાં લાગી આગ
- સ્થાનિકો અને ફાયર ટીમની મદદ થી આગ પર કાબુ મેળવાયો
- ગાડીના આગળના ભાગે નુક્ષાન ચાલકનો થયો બચાવ
- મહેસાણા માનવ આશ્રમ પાસેની ઘટના, ચાલતી કારમાં લાગી આગ
મહેસાણા : મહેસાણામાં શનિવાર સવારે માનવ આશ્રમ ચાર રસ્તા પર આશ્રમના દરવાજા સામે એક ચાલતી કાર માંથી એકાએક ધુમાડા ઉડવા લાગ્યા હતા. જેને પગલે ચાલકે કાર થોભી બહાર નીકળી જઈ તપાસ કરતા કારમાં કોઈ કારણોસર આગ લાગવાની ઘટના સામે આવી હતી.
કારમાં આગ લાગતા અફરાતફરી મચી
માનવ આશ્રમ નજીક કારમાં આગ ભભૂકવાની ઘટમને જોતા આસપાસના લોકોમાં નાસભાગ મચી જવા પામી હતી. જેમાંથી કેટલાક લોકો અને હાજર નગરસેવકો સહિતના અગ્રણીઓએ કારમાં લાગેલી આગ બુજાવવાનો પ્રયત્ન કરતા અગ્નિશામક સિલિન્ડર અને પાણીના મારાથી આગ પર મહત્તમ અંશે કાબુ મેળવાયો હતો. અને વધુ નુકસાન થતા અટક્યું હતું.
આગને પગલે મહેસાણા ફાયર વિભાગની ટીમે ઘટના સ્થળે દોડી આવી જહેમત ઉઠાવી
મહેસાણા નગરપાલિકાની ફાયર ટીમે પણ કારમાં આગ લાગવાની ઘટનાને પગલે ઘટના સ્થળે દોડી આવી, પાણીનો મારો ચલાવી આગ ને સંપૂર્ણ રીતે બુઝાવી રોડ પર સર્જાયેલા ટ્રાફિકને હળવો બનાવ્યો હતો. સમગ્ર ઘટનામાં આગને લઈ કારના આગળના ભાગે નુકસાન જોવા મળ્યું છે તો ચાલકનો આબાદ બચાવ થયો છે.
