મહેસાણા જિલ્લામાં વધુ 2 નકલી ડોક્ટર મળી પક્ડાયા

• મહેસાણા જિલ્લામાં 2 મહિનામાં 5 નકલી ડોકટર ઝડપાયા
• 26 હજારની દવાના મુદ્દામાલ સાથે એક નકલી તબીબ ઝડપાયો
• 69 વર્ષીય એક વૃદ્ધ નકલી તબીબ 45,574ના મુદ્દામાલ સાથે ડિગ્રી વગર પકડાયો

મહેસાણા : જિલ્લામાં તબીબી ક્ષેત્રે રસકારી સેવાઓ તો પાંગળી જોવા મળી રહી છે. જેમાં ક્યાંક સ્ટાફની અછત છે, તો ક્યાંક મશીનરી અનવ સાધન સામગ્રીની અછત છે. ત્યારે આવા સંજોગોમાં સરકારી સેવાઓ યોગ્ય ન મળતી હોવાથી જિલ્લાના ગામે ગામ બની બેઠેલા તબીબોનો રાફળો ફાટેલો જોવા મળી રહ્યો છે.

26 હજારના મુદ્દામાલ સાથે એક નકલી તબીબી ઝડપાયો

લોકોના આરોગ્ય સાથે ચેડાં થવા મામલે તંત્ર મોડે મોડે પણ હવે જાગ્યું હોય તેમ છેલ્લા 2 મહિનામાં મહેસાણા જિલ્લામાંથી 5 બોગસ તબીબો ઝડપાયા છે. જેમાં તાજેતરમાં કડીના નાની કડીમાંથી 26 હજારના ઇન્જેક્શન અને દવાઓ સહિતના મુદ્દામાલ સાથે એક નકલી તબીબી ઝડપાયો છે. જ્યારે અન્ય એક ફરાર થવામાં સફળ રહ્યો છે. જ્યારે બેચારજીના આસજોલ ગામેથી પણ 69 વર્ષીય એક વૃદ્ધ નકલી તબીબ 45,574ના મુદ્દામાલ સાથે ડિગ્રી વગર પ્રેક્ટિસ કરી દર્દીઓના આરોગ્ય સાથે ચેડા કરતા ઝડપાઇ આવ્યો છે.

મહેસાણા જિલ્લામાં વધુ 2 નકલી ડોક્ટર મળી પક્ડાયા

તબીબો ડીગ્રી વિના જ પ્રેક્ટિસ કરી રહ્યા

જિલ્લામાં સરકારી સેવાઓમાં ઉણપને લઈ ગામે ગામ મેડિકલ સેવાઓ ન મળતા આખરે બની બેઠેલા તબીબો ડીગ્રી વિના જ પ્રેક્ટિસ કરી રહ્યા છે. જેઓ છેલ્લા ઘણા વર્ષોથી પ્રેક્ટિસ કરતા હોય છે. તો કેટલાક આરોગ્ય વિભાગમાં જોડાયેલા લોકો પણ પોતાના ખાનગી ક્લિનિક ચલાવી રહ્યા છે.

સરકારી દવાખાને સારવાર માટેના સાધનો અને સ્ટાફની અછત

નિંદ્રાધીન તંત્ર એકાએક જાગ્યું છે. ત્યારે અસંખ્ય બોગસ અને ગેરરીતિથી પ્રેક્ટિસ કરતા લોકો જિલ્લામાં હોવા છતાં માત્ર ગણ્યા ગાંઠયા લોકો સામે જ કાર્યવાહી કરાઈ રહી છે. ત્યાં એક વાસ્તવિકતાએ પણ છેકે, સરકારી દવાખાને સારવાર માટેના સાધનો અને સ્ટાફની અછત છે.

ડોક્ટરની સેવા રાહત દરે લઈ પોતાના આરોગ્ય માટે સારવાર લઈ રહ્યા

ગામડાઓમાં નાગરિકો આવા ડોક્ટરની સેવા રાહત દરે લઈ પોતાના આરોગ્ય માટે સારવાર લઈ રહ્યા છે. ગામ લોકોએ પણ આ ડોકટરોની પ્રેકટોસને સ્વીકારી રહ્યા છે. ત્યારે જરૂરી છે કે, સરકારી દવાખાને સેવાઓ પૂરતી પુરી પાડવામાં આવે અને જિલ્લામાં તમામ બોગસ તબીબો સામે કડક કાર્યવાહી કરવામાં આવે.