માળીયા હાટીના જુથળમાંથી યુવાનનો કોહવાલેયી હાલતમાં મૃતદેહ મળી આવ્યો

જૂનાગઢના માળીયા હાટીના ગામમાં વાડીના કુવામાંથી એક યુવાનનો કોહવાયેલી હાલતમાં મૃતદેહ મળી આવતા મૃતદેહને પોસ્ટમોર્ટમ અર્થે હોસ્પિટલ ખાતે ખસેડાયો છે.

જૂનાગઢઃ જિલ્લાના માળીયા હાટીનાના જુથળ ગામના રામવાવના પાટીયા પાસે વાડીના કુવામાંથી યુવાનનો કોહવાયેલો મૃતદેહ મળી આવ્યો હતો. વાડી માલીકને કુવામાં મૃતદેહ તરતો હોવાનું સામે આવતા વાડી માલીક દ્રારા માળીયા હાટીના પોલીસને જાણ કરતા પોલીસે ઘટના સ્થળે પહોંચી મૃતદેહને કુવામાંથી બહાર કાઢી જામનગર પોસ્ટમોર્ટમ અર્થે મોકલવા આવ્યો હતો.

માળીયા હાટીનાના જુથળ ગામે રામવાવના પાટીયા પાસે એક વાડીના કુવામાંથી યુવકનો મૃતદેહ મળી આવ્યો હતો. વાડીના માલીકને કુવામાં તરતો મૃતદેહ જોઇ માળીયા હાટીના પોલીસને જાણ કરતા પોલીસ ઘટના સ્થળે પહોંચી તપાસ કરતા મૃતદેહ કોહવાયેલી હાલતમાં મળતા પ્રથમ માળીયા હાટીના સરકારી હોસ્પીટલ ખાતે ખસેડાયો હતો, પરંતુ કોહવાયેલી હાલતમાં જણાતા તેને જામનગર ખાતે પોસ્ટમોર્ટમ અર્થે ખસેડવાની તજવીજ હાથ ધરાઇ છે.

વધુ મળતી માહિતી મુજબ આ યુવાન માળીયા હાટીનાનો જુથળ ગામનો વતની દિપક ચીનાભાઇ વાજા નામનો હોવાનું ખુલ્યું હતું, ત્યારે આ યુવાન કયારે અને કયા કારણોસર કુવામાં પડયો જેની વધુ તપાસ માળીયા હાટીના પોલીસ ચલાવી રહી છે.