જૂનાગઢઃ આજે સમગ્ર વિશ્વ મધર્સ ડે મનાવી રહ્યું છે, વર્ષ 1908માં અમરિકામાં પ્રથમ વખત મધર્સ ડે મનાવવાની શરૂઆત કરવામાં આવી છે. ત્યારથી મધર્સ ડેની ઉજવણી સમગ્ર વિશ્વના દેશોમાં કરવામાં આવી રહી છે. દરેક વ્યક્તિ અને પ્રાણી માટે મા શબ્દ એ કોઈ પણ સારી-નરસી પરિસ્થિતિમાં ઓસડિયા સમાન સાબિત થતો આવ્યો છે અને જ્યા સુધી જગતનું ચક્ર ચાલતું રહેશે ત્યાં સુધી માની મમતા અજર અને અમર બનતી જોવા મળશે.
આજે સમગ્ર વિશ્વ માને યાદ કરી રહ્યું છે, ત્યારે ગીરના જગલોમાં પણ અનેક મા આજે પણ તેમના સંતાનોને જંગલના નિયમોથી લઈને શિકારની તરકીબ લઈને માર્ગદર્શન આપતી આવી છે અને આપતી રહેશે જેની એક માત્ર ત્રાડ સાંભળતા જ ભલભલાના પરસેવા છૂટી જતા હોય છે. તેવી સિંહણ તેમના બચ્ચાંને કેવી કોમળતાથી સાચવી રહી છે, તેને જોઈને તેની હિંસકતા પણ એક વખત ભૂલવાનું મન થઇ જાય અને આપણા ગુજરાતમાં કહેવત પણ છે ને કે, "મા તે મા... બીજા વગડા ના વા..."
