PM નરેન્દ્ર મોદીએ માતા હીરાબા ના લીધા આશિર્વાદ

ગાંધીનગર: રાજ્યના કેવડિયા કોલોની ખાતે બનેલી સરદાર વલ્લભભાઈ પટેલની પ્રતિમા સ્ટેચ્યુ ઓફ યુનિટીને એક વર્ષ પૂર્ણ થયું છે, ત્યારે રાજ્ય સરકાર દ્વારા 31 ઓક્ટોબરની એકતા દિવસ તરીકે ઉજવણી કરવામાં આવી રહી છે. દેશના વડાપ્રધાન નરેન્દ્ર મોદી પણ સરદાર વલ્લભભાઈ પટેલ જન્મ જ્યંતીના દિવસે કેવડીયા ખાતે સરદાર સાહેબની વિશ્વની સૌથી ઊંચી પ્રતિમા સ્ટેચ્યુ ઓફ યુનિટીને પુષ્પાંજલિ અર્પણ કરશે, ત્યારે 31 ઓક્ટોબર એટલે કે આવતીકાલના રોજ યોજાનાર PM મોદીનો વિગતવાર કાર્યક્રમ આ પ્રમાણે છે. તે પહેલા આજરોજ આ કાર્યક્રમને લઇને PM મોદી અમદાવાદ ખાતે આવી પહોંચ્યાં હતાં. જ્યાં રાજ્યપાલ દેવવ્રત આચાર્ય, મુખ્યપ્રધાન સહીતના ટોંચના નેતાઓ ઉપસ્થિત રહ્યાં હતાં. આગમન કરતાની સાથે જ વડાપ્રધાન મોદીએ સૌ પ્રથમ માતા હીરા બા સાથે મુલાકાત કરી હતી. નરેન્દ્ર મોદી કેવડિયા ખાતે જવા રવાના થઈ ગયા છે.

• 30 ઓક્ટોબરે રાત્રે 8.30 કલાકે નવી દિલ્હીથી અમદાવાદ ખાતે આવી પહોંચ્યાં હતાં જ્યાં રાજ્યપાલ દેવવ્રત આચાર્ય, મુખ્યપ્રધાન વિજય રૂપાણી, નાયબ મુખ્યપ્રધાન નીતિન પટેલ સહીત ટોંચના નેતાઓ ઉપસ્થિત રહી અને વડાપ્રધાન મોદીનું સ્વાગત કર્યુ હતું અને ત્યાંથી વડાપ્રધાન માતા હીરા બા ને મળવા પહોંચ્યાં હતાં. જ્યાં વડાપ્રધાન મોદીએ માતાના આશીર્વાદ લીધા હતાં અને ત્યાંથી આવતીકાલના કાર્યક્રમને લઇને ગાંધીનગર રાજભવન ખાતે રાત્રિ રોકાણ કરવા રવાના થયા હતાં.
  

  સૌજન્ય: ANI
• 31 ઓક્ટોબરે સવારે 8.15 વાગ્યે કેવડીયા ખાતે આયોજિત રાષ્ટ્રીય એકતા દિવસ પરેડમાં ઉપસ્થિત રહેશે અને સૌને રાષ્ટ્રીય એકતાનાં શપથ લેવડાવશે
• આ રાષ્ટ્રીય એકતા પરેડમાં રાજ્ય પોલીસ દળની પાંચ ઉપરાંત કેન્દ્રીય દળની ટુકડીઓ માર્ચ પોસ્ટ યોજશે અને NSG, CISF, NDRF, CRPF, ગુજરાત પોલીસ અને જમ્મુ કાશ્મીર પોલીસનું સાહસ પૂર્ણ નિદર્શન યોજાવાનું છે.
• સવારે 09.50 કલાકે કેવડીયામાં નવ નિર્મિત ટેકનોલોજી ડેમોસ્ટ્રેશન સાઈટનું ઉદ્ઘાટન અને મુલાકાત કરશે
• બપોરે 12થી 2 વાગ્યા સુધી IAS પ્રોબેશનર અધિકારીઓએ પાંચ થીમ પર તૈયાર કરેલા પ્રેઝન્ટેશન નિહાળશે અને તાલીમી અધિકારીઓ સાથે વાર્તાલાપ ચર્ચામાં સહભાગી થશે
• પ્રોબેશનરી અધિકારીઓ સાથે બપોરનું ભોજન લેશે, ત્યારબાદ સ્ટેચ્યુ ઓફ યુનિટી ખાતે ગૃપ ફોટો સેશન કરશે
• સાંજે 5.45 કલાકે કેવડીયાથી હવાઈ માર્ગે વડોદરા પહોંચશે અને ત્યાંથી વાયુદળના વિમાન મારફતે નવી દિલ્હી જવા રવાના થશે