ગાંધીનગર : રાજ્યના સર્વાંગી વિકાસ સાથે ગુજરાતના ખેડૂતોનો પણ સર્વાંગી વિકાસને લઈને કૃષિ વિભાગ દ્વારા અનેક યોજનાઓનો લાભ ખેડૂતો માટે જાહેર કરવામાં આવે છે, ત્યારે ભૂતકાળમાં અનેક વખત એવી ઘટનાઓ સામે આવી છે કે ખેડૂતે અરજી કરે છે અને ડ્રો મારફતે લાભ આપવામાં આવે છે. જેમાં અનેક ખેડૂતો બાકી રહી જાય છે, જે ઘટનાને ધ્યાનમાં લઈને કૃષિ વિભાગ દ્વારા મહત્વનો નિર્ણય કરવામાં આવ્યો છે. જેમાં ટુક સમયમાં કૃષિ વિભાગ ડ્રો સિસ્ટમ જ રદ કરી દેશે.
સહાયમાં વિસંગતતા હોવાનું અનુમાન રાજ્ય સરકાર નાણાકીય વર્ષ 2023-24ના બજેટમાં ખેડૂતો માટે અનેક મહત્વના સુધારા અને નવી યોજનાઓ લાવવામાં આવશે, ત્યારે કૃષિ વિભાગ દ્વારા ખેડૂતોને ખેત ઓઝારો માટે સહાય આપવામાં આવે છે. જોકે, ખેત ઓઝરની સહાય આપવાની જે રીતે છે તેનાથી કૃષિ સહાય આપવામાં વિસંગતતા ઉભી થઇ રહી છે. જેથી અનેક ખેડૂતો કૃષિ વિભાગની સહાય પ્રાપ્ત કરી શકતા નથી. કૃષિ વિભાગને મળેલી રજૂઆત આધારે બજેટ સત્રમાં ખેડૂત લક્ષી કેટલાક મહત્વના નિર્ણય લેવામાં આવશે. જેમાં કૃષિ વિભાગની સહાય આપવાની રીત મુદ્દે નિર્ણય લેવામાં આવશે.
કૃષિ વિભાગ ડ્રો સિસ્ટમ રદ કરશે કૃષિ વિભાગ દ્વારા અત્યાર સુધીમાં અનેક ખેડૂત લક્ષી યોજનામાં ખેડૂતોને ડ્રો સિસ્ટમ આધારે લાભ આપવામાં આવે છે. જેમાં તમામ ખેડૂતોને લાભ પ્રાપ્ત થતો નથી. જેના કારણે ખેડૂતોમાં સરકાર પ્રત્યેની નારાજગી વધતી જઇ રહી છે. ભારતીય કિસાન સંઘ દ્વારા પર કૃષિ વિભાગને ડ્રો સિસ્ટમ બાબતે રજૂઆત કરવામાં આવી હતી. રાજ્ય સરકારનું કૃષિ વિભાગ પર કિસાન સંઘની રજુઆત બાબતે હકારાત્મક વલણ અપનાવ્યું છે. ડ્રો સિસ્ટમ નાબૂદ કરવા માટે કૃષિ વિભાગે તૈયારી દર્શાવી છે.
ડ્રો સિસ્ટમે ફરિયાદ કરાઇ હતી : કિસાન સંઘ આ અંગે ભારતીય કિસાન સંગના મહામંત્રી રમેશ પટેલે જણાવ્યું હતું કે, કોઈ એક કૃષિ ઓજાર ની સહાય માટે 3000 ખેડૂતોએ અરજી કરી જેમાં 1500 ખેડૂતોને સહાય આપવાની હોય છે. જેથી ડ્રો સિસ્ટમમાં પ્રથમ અરજી કરનારા ખેડૂતો રહી જાય છે. ડ્રો સિસ્ટમથી જરૂરિયાત ધરાવતા ખેડૂતો સહાયથી વંચિત રહી જાય છે. જેથી ડ્રો સિસ્ટમ નાબૂદ કરવા માટે કૃષિપ્રધાન રાઘવજી પટેલને રજુઆત કરવામાં આવી હતી. આમ, ડ્રો સિસ્ટમને લીધે અરજીની સંખ્યામાં પણ વધારો થઈ રહ્યો છે. જેમ કે એક ઘરમાં 7 ભાઈ હોય તો તમામ લોકો અરજી કરે છે. જેથી વધુમાં વધુ અરજી કરીએ તો એકાદને નંબર લાગી જશે. આ પ્રકારની વ્યવસ્થાને લીધે ખેડૂતો સરકારની યોજનથી વંચિત રહી જાય છે.
આ પણ વાંચો રાજ્યમાં ખાતરનો સ્ટોક નહિવત હોવાના મેસેજ શરૂ થતા, ખેતી નિયામકે કર્યો ખુલાસો
ઓનલાઈન સિસ્ટમથી યોજનો લાભ અપાશે કૃષિ વિભાગ ડ્રો સિસ્ટમને સ્થાને હવે ઓનલાઈન અરજી આધારે યોજનનો લાભ આપશે. જે ખેડૂતોને યોજનનો લાભ લેવો હોય તેમને કૃષિ વિભાગના આઈ ખેડૂત પોર્ટલ પર અરજી કરવાની રહેશે. તાલુકા અને જિલ્લા કક્ષાએ લાભાર્થીની સંખ્યા આધારે ખેડૂતોને સહાય આપવામાં આવશે. આમ વહેલા એ પહેલાં ધોરણે જે ખેડૂતો અરજી કારશે તેવા પ્રથમ અરજી કરનારા ખેડૂતોને જ સહાય પ્રાપ્ત થશે. જ્યારે સરકારે જેટલી સહાય માટેની જાહેરાત કરી હશે તેટલા જ ખેડૂતોએ અરજી કરી શકશે.
આ પણ વાંચો કિસાન સંઘે ફરી ખેડૂતોના 14 મુદ્દાને લઈને કૃષિપ્રધાનને કરી રજુઆત
બીજી વખત અરજી નહીં કરી શકે આમ, 1500 ખેડૂતોને સહાય આપવાની હશે તો 1500 ખેડૂતોના જ ફોર્મ ઓનલાઈન ભરાય તેવી સિસ્ટમ લાગુ કરવામાં આવશે. 1500 ખેડૂત બાદ અન્યની અરજી સ્વીકારવામાં નહિ આવે. જો 1500 ખેડૂતોમાંથી જો કોઈ સહાયનો લાભ લેતા નથી તો ફરી પોર્ટલ શરૂ કરવામાં આવશે. જયારે એક વખત લાભ લેનાર ખેડૂતો બીજી વખત અરજી નહીં કરી શકે. હાલના તબક્કે ટ્રેકટર સહાય, મોબાઈલ સહાયમાં જે સિસ્ટમ અપનાવવામાં આવી છે. તેવી સિસ્ટમ અન્ય યોજનનો લાભ આપવામાં અપનાવવામાં આવશે.
