બોટાદની સરકારી હાઈસ્કૂલમાં 71માં પ્રજાસત્તાક દિવસની ઉજવણી કરવામાં આવી, આ કાર્યક્રમમાં ખાસ પશુપાલન અને ગૌસંવર્ધન પ્રધાન બચુભાઈ ખાબડ ઉપસ્થિત રહી ધ્વજવંદન કરવામાં આવ્યું હતું. આજના આ પ્રજાસત્તાક દિવસ નિમિત્તે વિવિધ શાળાના બાળકો દ્વારા વિવિધ સાંસ્કૃતિક કાર્યક્રમ યોજવામાં આવેલ હતા તેમજ વિવિધ ફલોટો રજૂ કરવામાં આવેલા હતા.
બોટાદમાં ૭૧માં પ્રજાસત્તાક દિવસની ઉજવણી કરવામાં આવી
આ પ્રસંગે બચુભાઈ ખાબડએ સરકાર દ્વારા કરવામાં આવેલા વિવિધ વિકાસના કામો જણાવ્યા હતા તેમજ તેમના હસ્તે બોટાદના વિકાસના કામ માટે કલેક્ટરને ચેક અર્પણ કરવામાં આવ્યા હતા. તેમજ અલગ-અલગ કાર્યક્ષેત્રે બોટાદનું નામ રોશન કર્યા હોય તેવા વ્યક્તિઓને પ્રોત્સાહિત કરવામાં આવ્યા હતા. સરકારી હાઇસ્કૂલમાં વૃક્ષારોપણ કરવામાં આવ્યુ તેમજ કાર્યક્રમમાં સરકારના અધિકારીઓ તેમજ રાજકીય પદાધિકારીઓ અને આગેવાનો તથા બોટાદના નાગરિકો હાજર રહ્યા હતા.
