ભાવનગર ST બસ સ્ટેન્ડ ખખડધજ થયા બાદ રાજ્ય સરકારે 11 કરોડ મંજુર કર્યા છે. પણ સ્થાનિક ST વિભાગે 11 કરોડના ખર્ચ પહેલા 70 લાખનો ધુમાડો કર્યો છે. ત્યારે હંગામી બસ સ્ટેન્ડ માટે પોણો કરોડ રૂપિયા એસટી ખર્ચવા જઈ રહી છે. હંગામી બસ સ્ટેન્ડ માટે 70 લાખમાં ઇન્કવાયરી, બસના મુસાફરો માટે બાંકડાવાળું અને કર્મચારીની સુવિધા માટે પતરાવાળા બસ સ્ટેન્ડ માટે 70 લાખ ખર્ચાઈ રહ્યા છે.
જેને લઇને મુસાફરોમાં રોષ છે કે, ST બસો ખખડધજ છે. તેમાં સુવિધા આપવામાં આવતી નથી. ત્યારે આવા નકામા ખર્ચ કરીને પ્રજાના પૈસા બગાડવામાં આવી રહ્યા છે. ત્યારે ST વિભાગના નિયામક જૂની ચીજોનો ઉપયોગ અન્ય બસ સ્ટેન્ડમાં કરવામાં આવતો હોવાનું અને હંગામી બસ સ્ટેન્ડમાં લોકોને સુવિધા આપવાનું નામ આપીને બચાવ કરી રહ્યા છે.